Te fundit
Kosova dhe vendet e rajonit mbajnë gjallë turizmin në Shqipëri
29 Maj 2021, 19:20Turizëm
TEMA
Kosova, Maqedonia e Veriut dhe Mali i Zi po mbajnë edhe në pjesën e parë të këtij viti turizmin shqiptar.
Sipas të dhënave të Institutit të Statistikave, gjatë muajit Prill lëvizjet e shtetasve të huaj në vendin tonë u rritën me 18 herë në raport me një vit më parë, ku dominimin e turistëve e patën vendet e rajonit.
Vetëm gjatë Prillit në Shqipëri kanë hyrë 241 mijë shtetas të huaj, 80% e të cilëve ishin qytetarë nga shtetet në kufi me vendin tonë, me përjashtim të Greqisë.
Në raport me vitin 2019-ë, kur turizmi nuk kishte kufizime, lëvizjet e shtetasve të huaj këtë vit janë 40% më të ulëta. Numrin më të lartë të vizitorëve e ka Kosova me 136 mijë persona që kanë ardhur vetëm në prill, e ndjekur nga Maqedonia dhe Mali i Zi.
Pavarësisht pandemisë, ka nisur gjallërimi edhe i lëvizjes së shqiptarëve jashtë. Në prill numërohen 230 mijë shtetas nga vendi ynë që kanë kaluar kufirin, kundrejt 10 mijë daljeve që pati Prilli i kaluar.
1 komente në “Kosova dhe vendet e rajonit mbajnë gjallë turizmin në Shqipëri”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shqipëria është një vend i mrekullueshëm për pushime. Problem është akoma mbetjet që has njeriu rrugëve. Por edhe disa pronarë restoranesh të pangopur që mendojnë vetëm për një sezon.