Te fundit
Nxitimi i Ilir Metës për të shpallur fitoren në Gjykatën Kushtetuese
25 Qershor 2021, 21:20Blog
TEMA
Nga Alfred Peza
Presidenti i Republikës është një njeri në hall, përderisa Parlamenti për herë të parë në historinë e Shqipërisë, ka votuar për shkarkimin e tij. Duke qenë në pritje të vendimit të Gjykatës Kushtetuese, që do thotë fjalën e fundit për këtë çështje, Ilir Meta po sillet publikisht sikur ka arritur një fitore paraprake. Sjellje tipike e fëmijëve që këndojnë me zë të lartë natën në pyll, për ti ekspozuar të tjerëve mungesën e frikës, ndërkohë që ajo sa vjen e u futet në placë.
Sot Kryetari i Shtetit ka bërë një postim në rrjetet sociale, në kulmin e reagimeve që provokoi kërkesa e Gjykatës Kushtetuese për tiu drejtuar Komisionit të Venecias, në lidhje me procesin zgjedhor të 30 qershorit. Kjo është një çështje krejt tjetër, nga ajo që ka të bëjë me shkarkimin e Presidentit, por Ilir Meta po e përjeton sikur të ishte e njëjta. Jo më kot.
Duke dashur të krijojë iluzionin se Gjykata Kushtetuese po i jep të drejtë, për çdekretimin e datës së zgjedhjeve të 2019, ai po kërkon ta shesi këtë si qëndrim pro tij. Pro vendimeve të tij. Pro Presidentit të Republikës. Për rrjedhojë, edhe pro qëndrimit të tij në detyrën e Kryetarit të Shtetit deri në përfundim të mandatit të plotë, më 24 korrik të vitit 2022.
Këto dy çështje, zgjedhjet e 30 qershorit dhe shkarkimi i Presidentit, nuk janë e njëjta dosje. Nuk janë e njëjta gjë. Nuk janë e njëjta çështje. Por ato janë dy gjëra krejt të ndara e pa asnjë lidhje me njëra tjetrën. Por duke qenë se Komisioni i Venecias është shprehur njëherë më parë për zgjedhjet lokale, kjo kërkesë për herë të dytë, po lexohet si një provë se Gjykata po mban anën e opozitës në këtë histori.
Opinioni i dhënë kohë më parë nga Komisioni i Venecias, është i qartë si drita e diellit, se nuk kishte asnjë arsye kushtetuese që Ilir Meta ti çdekretonte zgjedhjet dhe se bojkoti i opozitës në këto rrethana, ishte i pajustifikuar e se mund të sillte pasoja të pariparueshme për sistemin demokratik. Ndaj procesi u konsiderua legjitim, sikundër edhe të zgjedhurit, në ushtrimin e funksioneve të tyre në pushtetin lokal.
Vetë Gjykata Kushtetuese është detyruar të bëjë një sqarim publik sot, në lidhje me arsyet që e kanë detyruar, të kërkojë opinion të ri Komisionit të Venecias. Ajo është vlerësuar si një çështje unike ndaj për gjykimin e saj me themel, u janë nevoitur sqarime të tjera, në mënyrë që vendimarrja finale të jetë sa më saktë dhe pa ekuivoke për të ardhmen. Por Ilir Meta këtë e ka lexuar si një vendim pro tij.
Presidenti shkruan në facebook, se pas çdekretimit prej tij të zgjedhjeve të 30 qershorit, nuk do ketë më “kurrë më votime moniste në Shqipëri!” Në fakt është e kundërta. Për shkak të këtij akti të pashembullt, asnjë opozitë, parti e grupim politik, nuk do guxojë më kurrë ti bojkotojë zgjedhjet. Sepse përndryshe, do e pësojnë si PD dhe LSI, që prej më shumë se dy vjetësh nuk gëzojnë asnjë lloj pushteti në Shqipëri.
Ilir Meta nga njëra anë thotë se ka qenë kundër djegies së mandateve të deputetëve të opozitës, e nga ana tjetër thotë se është pro bojkotit të zgjedhjeve prej saj. Këtu qëndron kontradikta themelore në qëndimet e tij. Sepse në demokraci, ose do të jesh një lider pro sistem, ose do të jesh një politikan antisistem. Ndaj, edhe President i Republikës sonë, duhet ta ndajë mendjen.
Nëse je pro sistemit dhe për luftën politike brenda tij, je kundër djegies së mandateve të deputetëve dhe kundër rrugës së bojkotit të zgjedhjeve. Vetëm nëse je politikan antisistem, je edhe pro daljes nga Parlamenti, edhe pro mosfutjes së opozitës në zgjedhjet. Të thuash si Ilir Meta, që je edhe kundër djegies së mandateve edhe pro bojkotit, është një hipokrizi e madhe politike.
Megjithatë, asgjë nuk e shpëton dot Ilir Metën, nga përgjegjësia për shkeljet e rënda kushtetuese që ka bërë jo vetëm me zgjedhjet lokale të 2019 por edhe gjatë procesit për zgjedhjet parlamentare të 2021 dhe përgjatë ushtrimit të detyrës së Kryetarit të Shtetit.
Ilir Meta nuk mund të shesi sot si fitore, një çështje tjetër të Gjykatës Kushtetuese, betejën me të cilën ai e ka humbur njëherë në Komisionin e Venecias. Kjo lojë “kukafshehti”, nuk e shpëton dot, nga çështja e shkarkimit si Presidenti i Republikës!
4 komente në “Nxitimi i Ilir Metës për të shpallur fitoren në Gjykatën Kushtetuese”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ik or gagac kavajs
Aha filluat ta dridhni ju kurva, jo po sjane e njejta gje, jo po keshtu, jo po ashtu. Me dergimin ne Venecia GJK dha sinjalin se nuk e paska kollaj ta thote llafin dhe kjo i con pike Likes e ai nuk merr pike po qe se nuk ja keni shkelur juve syrin. Venecia nuk e ka per gje ti fus nje vendim as mish as peshk se nuk mban pergjegjesi as ligjore e as politike e sikurse e ka bere edhe me perpara dhe me pas cdo vendim qe ve ne dyshim sado pak legjitimitetin e atyre zgjedhjeve i jep te drejte Likes te argumentojese nuk ka shkelur ligjet e kushtetuten e rrjedhimisht as nuk mund te shkarkohet. E kam thene dhe me pare, Likja nuk ka tre aktualisht ne GjK, por ka 4 gjyqtare ne 7 nga sfera e tij e influences, Xhaferllari, Bejtja, Tushe dhe anetari qe ka ardhur nga avokatet qe s’ja mbaj mend emrin. Pikerisht keta te 4 kane votuar per te kerkuar opinionin e Venecias, kundrejt 3 anetareve qe ka emeruar aty parlamenti. Madje edhe nga emrat e qarkulluar deri tani nga propozimet e Gj. Larte per ne GjK qe do jene 3 gjithsej, te pakten nje gjyqtare eshte e lidhur me Liken. Dy here kandidatura e saj eshte hedhur poshte nga KED kur ishte kryetar Dvorani per mospermbushje kriteresh dhe ata serish e kane vene ate ne liste dhe tashme KED drejtohet nga Vitore Tusha qe edhe asaj i ka mbaruar mandati sikurse Dvoranit, por ajo po rri e nuk po iken sic e hoqen Dvoranin per te njejtin motiv dhe prandaj them qe keta kurva vet ja kane shkelur syrin me kohe Like Hajdutit e lozin teater prandaj dhe Likja eshte i qete. Drejtesia lindi, por ajo lindi e vdekur dhe keta e kane ballsamosur e po na e shesin si femije te shendetshem me foto-shop.
Ik ore budalla ik….Iliri ka ikur me kohe po nuk e keni kuptuar akoma….Iku koha kur pushteti merren me zor tani kemi ligje te tjera sjemi ne kohen e sali qenit dhe ilir qenit qe e fundosen Shqiperine…Ik qaj me ata te tjeret ate bej!!
Ik ore budalla ik….Iliri ka ikur me kohe po nuk e keni kuptuar akoma….Iku koha kur pushteti merren me zor tani kemi ligje te tjera sjemi ne kohen e sali qenit dhe ilir qenit qe e fundosen Shqiperine…Ik qaj me ata te tjeret ate bej!!