Te fundit
Italia vuan ndaj Austrisë, por mbetet e pathyeshme dhe kalon në raudin tjetër
26 Qershor 2021, 23:35Sport
TEMA
Italia vuan përballë Austrisë, por ja del të kualifikohet pas fitores 2-1 në kohën shtesë. Takimi nis me ritëm shumë të lartë nga ana e “të kaltërve”, ndërsa shfaqin freski fizike përballë austriakëve që ngjeshen mirë në prapavijë.
Kërcënimi i parë vjen nga Nikolo Barela që godet me të jashtmen në një pozicion shumë të favorshëm por gjuajtja e tij ndalet me këmbë nga portieri Bakman. Në minutën e 32 Ciro Immobile i afrohet atij që do të ishte një realizim spektakolar. Goditja e befasishme e sulmuesit lacial gjen vetëm shtyllën.
Italian provon përgjatë gjithë kohës, por e ka të vështirë të thyejë mbrojtjen austriake. Në pjesën e dytë, italianët shokohen kur Arnautovic shënon me kokë, por pozicioni i sulmuesit austriak është i parregullt. VAR i rikthen frymën italianëve që gjithsesi ndjejnë lodhjen në minutat e mbetura dhe i drejtohen shtesës.
Federiko Kiesa, i sapofutur në fushë, kthehet në hero për Italinë kur shënon golin e zhbllokimit pasi shfaq aftësi të shkëlqyera me topin. Të kaltrit çlirohen plotësisht kur gjejnë edhe golin e dytë me Mateo Pesinën që vulos kualifikimin. Në minutën e 114, Kalajdzic ngushton diferencën, por vetëm kaq pasi Italia arriti të mbajë fitoren.
Përballë Italisë në çerekfinale do jetë një mes Portugalisë dhe Belgjikës.
2 komente në “Italia vuan ndaj Austrisë, por mbetet e pathyeshme dhe kalon në raudin tjetër”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po e kaloj raundin, por me brekë nëpër këmbë.
Ishte nji ndeshje e bukur dhe e forte nga te dy skuadrat .
Austriket dhane nji cfaqje te vertete se si luhet ne futboll edhe pa Titullare edhe me nji ekip Modest
duke i krahasuar me te tjeret ,e konkretishte Italia e cila ,eshte nji nder Pretendentet e Europianit .
Nji ndeshje interesante dhe sigurishte me emocione nga te dyja skuadrat .
Austria dha gjithcka ne fushe ,aq sa mundi
por u ndenshkua ne Shtesen e Lojes nga Italia ,
e cila ishte me kompakte si skuader dhe ndoshta me kualitative .