Policia rindërton skemën e masakrës në Velipojë, ja cili qëlloi i pari dhe sa armë u përdorën

Nga pamjet e kamerave të sigurisë në ambientet e Hotel Gocaj ku ndodhi masakra në Velipojë dhe nga dëshmitë e personave të ndryshëm, policia ka mundur të rindërtojë dinamiken e përplasjes me armë që përfundoi me 4 të vrarë. Burime nga policia thane se debati kishte nisur të shtunën pasdite në zonën e plazhit, pasi familja Ferracaku kishte leje për shfrytëzimin e zonës së plazhit ku punonte familja Gocaj.

Më pas, në mbrëmje, 6 anëtarë të familjes Ferracaku, mes të cilëve Kujtimi, vëllai i tij Hasani, tre djemtë e këtij të fundit dhe nipi i tyre Mirlind Dyli, shkuan në hotelin në pronësi të familjes Gocaj për t’u sqaruar. Nga  pamjet e kamerave të sigurisë, duket që 6 anëtarët e familjes Ferracaku janë ulur në ambientet e jashtme të hotelit dhe aty i është bashkuar edhe Edmond Gocaj. Biseda është acaruar dhe në tavolinë ka nisur një debat i ashpër.

Në këtë moment, pjesëtarët e familjes Ferracaku e kanë porositur kamarierin Musaeni Zenelin për një kafe. Në momentin që ai po largohej, burimet nga policia bëjnë të ditur se Kujtim Ferracaku ka nxjerrë pistoletën dhe ka që me një plumb në kokë Edmond Gocajn.

Burime nga blutë e Shkodrës bëjnë të ditur se vëllai tjetër, Xhovani Gocaj, ka qenë në makinë dhe kur ka parë skenën ka marrë kallashnikovin dhe ka vrarë Kujtim Ferracakun. Situata ka dalë jashtë kontrollit. Mes të shtënave të armëve, Xhovani ka plagosur edhe Hasan Ferracakun dhe Mirlind Dylin, ndërsa ata janë kundërpërgjigjur duke vrarë Xhovanin dhe kamarierin.

Kjo dinamikë konfirmohet edhe nga këqyrja e trupave të viktimave. Edmond Gocaj ka një plumb në koke. Kujtim Ferracaku ka 3 plumba kallashnikovi ne kraharor, ndërsa Xhovani dhe Musaeni janë qëlluar nga plumba pistolete, të cilat dyshohet se janë qëlluar nga djemtë e tjerë të fisit Ferracaku, që janë në arrati. Sipas burimeve nga grupi hetimor, në konfliktin që përfundoi në vrasjen e shumëfishtë, u përdorën 1 kallashnikov dhe dy pistoleta, një TT dhe një miniglok 7.65 mm.

Provat shtesë të ONM për Komisionerin Publik, reagon Elizabeta Imeraj: Mbështes dhe pres një proces të drejtë ligjor

16:29 Kronika

ONM prova shtesë Komisionerit Publik për Elizabeta Imerajn

16:09 Kronika

Pjerin Ndreu reagon publikisht ndaj efektivëve që e paditën: Policë barkderrë, gjoba do të ishte korrekte por jo veprimet e dhunshme

13:22 Kronika

“Pendohem që nuk ia pashë fytyrën për herë të fundit”, nëna shqiptare vajton për humbjen e djalit në Britani

12:33 Kronika

Dhunoi bashkëshorten, prangoset "trimi" i Fierit

12:02 Kronika

Pjerin Ndreu paditet nga 3 efektivë të Policisë, i pengoi gjatë shoqërimit të pronarit të një hoteli: Ligjin e bëj unë ketu

11:33 Kronika

Prokurori Karanxha kallëzon në SPAK Ben Blushin dhe anëtaren e KPK-së: Po më shantazhojnë për një gjyq

10:36 Kronika

Ironia fatale, 20-vjeçari "jetim" mund t'i shpëtonte vdekjes: Nga gëzimi shkoi një ditë para kohe në punë, sapo kishte mbaruar mbrëmjen e maturës

09:41 Kronika

VIDEO/ 29-vjeçari nga Tirana përsërit gabimin: E kap radari me 196 km/h

09:22 Kronika

Karamuço: Si u vodhën zëvendësministrat e Kosovës vjet në gusht kur flinin në vilat në Palasë!

23:37 Kronika