Te fundit
Botërori “Katar 2022”: Trajneri Reja shpall listën e Kombëtares për ndeshjet me Hungarinë dhe Poloninë
3 Tetor 2021, 11:45Sport
TEMA
Trajneri i Kombëtares shqiptare, Edoardo Reja ka bërë publike listën me emrat e 25 lojtarëve që do të grumbullohen për dy ndeshjet e eliminatoreve të Botërorit “Katar 2022” ndaj Hungarisë dhe Polonisë.
Lista kuqezi ka pak ndryshime në krahasim me grumbullimin e fundit, teksa risia është rikthimi i Ivan Balliut, i cili po kalon një formë të mirë me Rayo Vallecanon-n në Spanjë.
Ndërkaq, rikthehen në dispozicion Ermir Lenjani, Kastriot Dermaku dhe Federic Veseli, të cilët munguan në ndeshjet e fundit për shkak të problemeve fizike.
Do të mungojë për shkak dëmtimi këtë herë mesfushorët Qazim Laçi dhe Armir Abrashi, i cili është dëmtuar pak ditë më parë dhe nuk do të ketë mundësi të japë kontributin e tij për kuqezinjtë.
Pjesa tjetër e listës nuk ka ndryshime, teksa pas impenjimeve me klubet në fundjavë lojtarët do të grumbullohen të hënën në kompleksin Tropikal në Durrës për të nisur përgatitjet për dy ndeshjet e radhës, që janë vendimtare për Kombëtaren në eliminatoret e Botërorit. Shqipëria renditet aktualisht e dyta në Grupin I me 12 pikë pas 6 ndeshjesh, ndërsa më 9 tetor do të sfidojë Hungarinë në transfertë. Më 12 tetor në “Air Albania” kuqezinjtë do të presin Poloninë, aktualisht rivalin direkt për vendin e dytë.
Të hënën trajneri i Kombëtares, Edoardo Reja do të dalë në konferencë për shtyp, që do të zhvillohet në orën 13:15 në kompleksin Tropikal në Durrës, ku do të shpjegojë edhe zgjedhjet dhe do të analizojë dy sfidat e radhës.
Më poshtë edhe lista e Kombëtares për dy ndeshjet e tetorit:
1 komente në “Botërori “Katar 2022”: Trajneri Reja shpall listën e Kombëtares për ndeshjet me Hungarinë dhe Poloninë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
I uroj suksese ekipit kombetar Shqiptar. Ndeshja ne Hungari besoj se del barazim ose fitore per ne dhe ndeshja me Polonine do jete fitore e bukur perseri per ne pas asaj humbje turperuese ne Poloni. E di qe eshte dicka e pa imagjinueshme kjo qe them por nese lojtaret tane luajne fort dhe te cliruar nga emocionet besoj dhe uroj qe fitoret te jene tonat. Suksese cuna.