Analiza e Z.Arianit Muraçi në shkrimin “’New York Times’, e djeshmja shkencore e Enver Hoxhës, ‘Shqipëria e Madhe’ dhe nevoja sot për dije dhe ndonjë patrioti” në disa media, më solli ndërmend një kronologji ngjarjesh për ato që janë quajtur “Miqësitë dhe Prishjet e Mëdha”. Koha në të cilën është mbajtur Konferenca e Akademisë së Shkencave në 12 Korrik 1982 përkon me lëvizjet e mëdha për Pavarësinë e Kosovës.

Është folur shumë, madje është lëshuar lum balte mbi Shqipërinë e viteve 1944-1991, kur flitet për qendrimin e sajë ndaj Çështjes së Kosovës. Politikanë e analistë, këtej dhe andej kufirit copëtues Shqipëri-Kosovë, lëshuar lum balt lëshuar lum baltes, shiten si anti Enverist e anti komunist dhe njëkohësisht fitojnë kredite si patriotë të mëdhenj. Shqipërinë, pas Luftës së Dytë Botërore, e syrgjynosën në Kampin e Lindjes. As e pyeti dhe as e begenisi kush, kur Jugosllavia dhe Greqia prisnin të kënaqnin orekset e vjetra grabitqare.

Falë Luftës Antifashiste Nacional-Çlirimtare dhe gjakut të 28000 Dëshmorëve, me ndarjen territoriale të botës pas kësaj lufte, Shqipëria mbeti shtet brenda kufijve të pranuar nga Konferenca e Londrës (Dhjetor 1912-Maj 1913). Prej vitit 1944 deri në vitin 1978, siç e dimë, Shqipëria ka njohur tre miqësi të mëdha dhe njëkohësisht tre prishje të mëdha. Shteti shqiptar i kohës dhe Enver Hoxha kanë thurur dithirambe për farkëtimin e miqësive me ish Jugosllavinë, me ish Bashkimin Sovjetik dhe me Kinën, ashtu siç i kanë anatemuar miqtë kur i kanë prishur ato miqësi. Ka qenë një vozitje e vështirë, në ujra të trazuara.

Si miqësimi edhe prishjet kanë qenë të vështira. Miqësitë shërbyen për të rimëkëmbur një vend agraro-feudal thellësisht të prapambetur ku këmbëkryq ishin ulur varfëria, malarja e tuberkulozi, pisha e kandili, mungesa e arsimimit dhe shërbimit shëndetësor..; më shkurt i gjithë mizerabiliteti social ekonomik i asaj kohe. Besnikëria ndaj parimeve të marksizëm leninizmit u gjet si vjegëza e afrimit në vallëzrimin komunist dhe më pas si vija e demarkacionit në prishje. Por si në vllazërim edhe në prishje Shqipëria, në aspektin territorial, mbetej atje ku ishte syrgjynosur me mbarimin e Luftës së Dytë Botërore.

Këtë nuk e ndryshonte dot Shqipëria. Kur Shqipëria përzuri nga baza e Pashalimanti Traktatin e Varshavës (në 6 Qershor 1961 në Bazën Detarë të Pashalimanit nuk kishtë asnjë këmbë ushtari rus!), Traktati i Varshavës humbi skajin perëndimor të territorit strategjik. Në këtë kohë vendet antare të NATO nuk guxuan as të shpreheshin publikisht; pa lere më ta falenderonin Shqipërinë që iu dha atyre këtë avantazh strategjik! Më tutje, të gjitha parrullat…, deri tek ajo që “Edhe bar do të hamë por nuk do të dorëzohemi!”, mos kujtoni se ishin për një sakrificë sublime ndaj parimeve të marksizëm leninizmit!

Të llogjikojmë: Nëse çizmja ruse do te ishte ne Pashaliman, vallë a do ti kishim këto zhvillime gjeostrategjike në rajon?! Këto tre shtete, mes tyre dy fuqi të mëdha, ende sot nuk lenë gur pa lëvizur për të minuar Pavarsinë e Kosovës. Nuk duhet të jemi aq naiv sa të besojmë se këto janë rastësi të një pas njëshme e të pa rëndësishme në historinë tone. Të jemi më realist, më të ndershëm, më të guximshëm, mos të ngatërrojmë ideologjitë me interesat kombëtare.

Më shkurt, të vemë çdo gjë në vendin e vet. Kështu do të respektojmë e do të duam më shumë njeri tjetrin dhe do të bashkojmë përjekjet tona si shqiptarë në dobi të së vërtetës historike. Prej kësaj të vërtete ne nuk ka pse të trembemi, të tremben mëkatarët që prej shekujsh na kanë maskruar pa fijen e dhimbjes. E them këtë sepse reminishencat mbi shtrebërimet për historinë e mardhënieve në vitet 1944-1991 po manifestohen e po rrinë si akull edhe në gjykimin e mardhënieve të sotme mes dy shteteve shqiptare. Çudi, por ende ka nga ata shqptarë të cilët presin që Shqipëria të paguajë haraç për vujatjet e Kosovës nën regjimin serb!

5 komente në “Shqipëria e viteve 1944-1991 dhe shqiptarët në trojet e tyre historike”

Telo says:

12 Tetor, 2021 18:45 te 6:45 pm

Drejt, duhen pare gjerat ne sy. Jetojme kohe te vendimtare dhe se bashku mund tia dalim te korigjojme padrejtesite e historise. Grabitqaret do ta pguajne dhe haku do te kthehet tek i zoti. Telo

Përgjigjjuni
Matrapiku says:

12 Tetor, 2021 19:10 te 7:10 pm

O Zoooot sa artikuj koti, me arom te mentalitetit Komunist. Ne gjithmon viktima dhe grabitqaret qe duan te na versulen.
.
Sa nivel i ulet … vertet a ka akoma Shqiptar qe i besojn keto peralla ????
A nuk ishim ne Shqipot dhe Komunizmi qe ne vitet 90-91 katandisem Shqiperin ne pik te hallit.
Pa ekonomi, pa ushtri, pa moral …
.
Perse nuk na gllaberuan fqinjet ???
Shqiperia ne vitet 90-të mund te blehej e gjitha nga Greqia vetem me 1 vit te buxhetit te ushtris Greke dhe me viza te ambasades, pa u shkrepur as edhe nje armë. Përse nuk e bene Greket kete ???
.
Mos na kishin frikë ???
Jo ore majmuna harrojini keto peralla, e gjithe politika Greke bazohet ne parimet Europiane, te integrimit, respektit dhe drejtesis.
.
Keni 30 vjet qe presim te vij Greku te na pushtoj dhe 45 vjet te Enverit.
O Zot meshiroje keto popull mesjetar.

Përgjigjjuni
1. vezhguesi says:
  
  13 Tetor, 2021 01:44 te 1:44 am
  
  Matrapiku-ky artikull nuk eshte per idjotet, por per ata qe kane mend.
  Fatkeqesisht, ti linde dhe u rrite pa tru, prandaj te falen ato qe thua.
  
  Përgjigjjuni
Mali says:

13 Tetor, 2021 08:58 te 8:58 am

Ku di ti mo i zi!. Te ka mbetur mendja tek antikomunizmi dhe me kete kut kerkon te djegish gjithcka. Analizo faktet qe te jepen ne shkrim dhe gjeopolitiken e koheve dhe te kohes se sotme. Shkrimi nuk i ben elozhe komunizmit, perkundrazi juve duke manifestuar nivel te ulet analize e mendimi ia ngrini vlerat. Dil ne teme dhe mos u fut pyjeve pa sopate. Shprehu mbi ato fakte, lere mllefin. Mali

Përgjigjjuni
Aliu says:

14 Tetor, 2021 09:33 te 9:33 am

Kush do te guxonte te nxirte Rusin jashte vendit ne vitin 1960-1961?! E provoi Cekosllovakia dhe deshtoi, vendet e tjera te lindjes sovjetike i ndenjen sus deri sa ra Muri i Berlinit. E pra qeveria edhe pse komuniste guxoi dhe beri nje akt te rralle. Nuk ka pse te mos vleresojme ate veprim sepse na sherbeu per ceshtjen kombetare. Problemet e tjera le te diskutohen sic jane, askush nuk kerkon deformime te se vertetave per kedo dhe nga do. Drejt e thot Mali. Te vleresojme edhe historine tone bashke me veten tone, jo drejt ne sharje. Aliu

Përgjigjjuni