Te fundit
A e dinit se në Tiranë janë zhvilluar gara vrapimi edhe në vitin 1940?
18 Tetor 2021, 13:44Sport
TEMA
Të dielën e 17 tetorit u zhvillua në Tiranë një ndër eventet më të mëdha të sportit në qytet “Maratona e Tiranës 2021”.
Fototeka e Arkivit të Shtetit ka shfaqur një fotografi të vitit 1940 të shkrepur në Tiranë gjatë zhvillimit të një gare, duke dëshmuar se konkurset e vrapimit janë zhvilluar shumë më herët në Tiranë.
Ky është edicionin i 5-të që zhvillohet e ku marrin pjesë dhe qindra pjesëmarrës nga vende të ndryshme të botës.
Maratona e Tiranës shpall fitues në 42 kilometra, Ilir Kellezin nga Korça, i cili garoi nën logon e Ministrisë së Mbrojtjes duke u bërë kështu fitues i pesë mijë eurove si çmim i vendit të parë.
Lajmi u bë me dije nga Ministri i Mbrojtjes, Niko Peleshi, përmes një statusi në median sociale, Facebook.
“Lëvizja sportive brenda Forcave të Armatosura, së shpejti me një program të ri entuziast”, shkruan Peleshi.
Ministri mbyll statusin duke nënvizuar krenarinë “për shpirtin kampion të Focave të Armatosura”.
Mijëra qytetarë vrapuan në maratonën e Tiranës, këtë të dielë, më 17 tetor. të si simbol i disa kuzave sensibilizuese.
Daniel Nikolla, një ndër iniciatorët e kësaj nisme, flet për Albanian Post.
Ai tregon emocionet e tij, duke rrëfyer se ky vit ishte përtej pritshmërive.
“Kam ardhur të vrapoj këtë vit dhe si pjesë e vrapimit kam mbledhur dhurime nga bizneset shqiptare ( shuma 6 mijë e 650 euro) të cilat do shkojnë 100% për “Down Syndrome Albania”, tha për Albanian Post Nikolla.
“Shuma e mbledhur është përtej pritshmërive tona. Shumë biznese janë shprehur të gatshëm të na ndihmojnë. Kemi 25 kompani dhuruese, 35 vrapues dhe 25 dhurues individual”, vazhdoi ai.
E diela e 17 tetorit ishte edhe një ditë pa makina.
Edicioni i 5-të i këtij aktiviteti, i cili tashmë është kthyer në një traditë, organizohet me aprovimin e tre itinerareve të miratuar nga Federata Botërore e Atletikës.
Itineraret e rinj, të certifikuar nga Federata Ndërkombëtare e Atletikës – IAAF, do të përshkruajnë pikat më atraktive të qytetit duke e kthyer këtë garë jo vetëm në sfidë por edhe në argëtim.
Përveç se një ngjarje sportive për garuesit, do të mund të konsiderohet edhe një ditë festive për qytetin, në të cilin do të organizohen shumë aktivitete artisitiko-kulturore në kuadër të këtij eventi.
Më poshtë vijojnë çmimet për fituesit:
Kategoria “Marathon”
Vendi i parë – 5 mijë euro për secilë gjini. Vendi i dytë – 3 mijë euro për secilën gjini .Vendi i tretë: 2 mijë euro për secilën gjini.
Kategoria “Half Maraton”
Vendi i parë – 2 mijë e 500 euro për secilë gjini. Vendi i dytë – 1 mijë e 500 euro për secilën gjini .Vendi i tretë: 1 mijë euro për secilën gjini.
Kategoria “Tirana 10K”
Vendi i Parë – 1 mijë e 500 euro secila gjini. Vendi i dytë – 750 euro secial gjini. Vendi i tretë – 500 euro secila gjini.
Kategoria “We Too”
Vendi i parë – 750 euro për secilën gjini. Vendi i dytë – 650 euro për secilën gjini. Vendi i tretë – 500 euro për secilën gjini.
Nikolla përmbyll duke thënë ,“ Presim që të rrithemi më shumë si komunitet. Nga mbledhja e parave do ndihmojmë 10 fëmijë me sindromën down , që të trajtohen për një vit falas”.
Lini një Përgjigje
Më të lexuarat
24 oret e fundit
Javen e fundit
Blog Tema
