Te fundit
Manastirliu: Nga sot çdo qytetar mbi moshën 18 vjeç, mund të bëjë dozën e tretë të vaksinës anti-Covid
2 Dhjetor 2021, 12:23Sociale
TEMA
Ministrja e Shëndetësisë Ogerta Manastirliunga foltorja e Kuvendit konfirmoi se tashmë qytetarët mbi 18 vjeç mund të vaksinohen me dozën përforcuese kundër koronavirusit. Kusht për këtë është që të kenë kaluar gjashtë muaj nga marrja e dozës së dytë.
Po ashtu, ministrja u shpreh se, duke marrë parasysh variantin e ri të koronavirusit, nga ana e autoriteteve është forcuar vigjilenca për këputjen e hallkave të zinxhirit të infektimit.
“94 për qind e pacientëve të shtruar në Infektiv janë të pavaksinuar. Vaksinimi ul me 84 për qind riskun e shtrimit në spital…Nga sot çdo qytetar plus 18 vjeç mund të bëjë dozën e tretë, gjashtë muaj nga doza e dytë.”
Nëse do të ketë një shtrëngim të masave ndërsa afrohen festat e fundvitit dhe në të njëjtën kohë edhe varianti i ri i koronavirusit i cili është konfirmuar sot edhe në Greqi, Manastirliu tha se kjo do të vendoset nga ekspertët.
“Ata që nuk vaksinohen, po dëmtojnë edhe qytetarët e tjerë duke u vënë në rrezik shëndetin. Sa më gjatë të refuzohet vaksinimi aq më shumë shanse i jepen virusit që të qarkullojë.”
Lini një Përgjigje
Më të lexuarat
24 oret e fundit
Javen e fundit
Blog Tema
