Te fundit
Liberalizimi i tregut të energjisë, MIE: Do analizojmë kërkesat e biznesit dhe do të dalim me një qëndrim
22 Dhjetor 2021, 16:04Ekonomia
TEMA
Kalimi në një fazë të re të liberalizmit të tregut të energjisë që nxjerr në treg mbi 7 mijë biznese shkaktoi këtë të mërkurë reagimin e shoqatave të cilat kërkuan nga qeveria që të mbajë parasysh situatën dhe problematikat që hasin.
Nuk ka vonuar shumë dhe Ministria e Infrastrukturës dhe Energjisë iu përgjigj publikisht kërkesës së bizneseve duke nënvizuar se do të analizohen kërkesat e bëra nga shoqatat dhe do të mbahet një qëndrim publik lidhur me to.
“Ministria e Infrastrukturës dhe Energjisë në kushtet e detyrimeve ligjore për liberalizimin e tregut të energjisë, në zbatim te ligjit nr. 44/2015 “Për sektorin e energjisë elektrike” dhe angazhimeve të marra në kuadër të përafrimit me legjislacionin e BE, e konkretisht me Direktivën 2009/72/KE, ka dëgjuar me vëmendje kërkesat e 11 shoqatave të bizneseve, të shprehura publikisht sot.
Duke mirëkuptuar situatën e krijuar për shkak të krizës globale energjetike, si dhe duke vlerësuar rëndësinë e zhvillimit të biznesit në funksion të rritjes së qëndrueshme ekonomike të vendit, Ministria e Infrastrukturës dhe Energjisë do të analizojë të gjitha kërkesat e tyre, për të pasur një qasje pozitive për mbështetjen e bizneseve prodhuese në këtë moment të vështirë.
Në ditët në vazhdim MIE do të komunikojë publikisht qëndrimin e saj për të adresuar dhe mitiguar shqetësimin e shoqatave të biznesit të shprehur sot”, thuhet në njoftimin e MIE.
Lini një Përgjigje
Më të lexuarat
24 oret e fundit
Javen e fundit
Blog Tema
