Pas përfundimit të aventurës tek skuadra e Partizanit, trajneri Ilir Daja ka nisur një eksperencë të re jashtë Shqipërisë.
Ditën e sotme është bërë prezantimi zyrtare tek ekipi kosovar Ballkani, ku Daja do të vijojë karrierën e tij se bashku me ndihmësin Artim Pollozhani.
“Sot në ambientin e stadiumit të FC Ballkanit klubi ka arritur marrëveshje me Trajnerin nga Shqipëria Ilir Daja.
Pas një mbledhje të stafit drejtues dhe stafit teknik, u vendos që Ilir Daja të merrte drejtimin e skuadrës, ndërkohë që Artim Pollozhani do të jetë ndihmës i tij.
Kryetrajneri i ri i Skuadrës sonë aventurën e tij të fundit e kishte në Tiranë , ku drejtonte klubin e FK Partizanit.
Klubi i dëshiron mirëseardhje trajnerit të ri në skuadër , duke i dëshiruar suksese dhe arritjen e qëllimeve të vendosura së bashku me skuadrën tone”, thuhet në njoftimin e klubit të Ballkanit.