Te fundit
A mundet që e paimagjinueshmja sot, të kthehet në të paevitueshmen nesër
10 Korrik 2022, 17:53Blog
TEMA
Nga Arbër Hitaj
Në fillim të vitit 2016, gara presidenciale amerikane, ndër më interesantet në botë kishte filluar, demokratët kërkonin përsëri të fitonin me zonjën Hillary Clinton dhe republikanët me kontroversin Donald J. Trump. Në atë periudhë të gjitha sondazhet dhe mediat amerikane e nxirrnin Trump humbës dhe me diferencë të konsiderueshme nga Clinton. Por, në mars të atij viti ra në sy një veprim i ambasadorit të Filipinëve, në mënyrë demostrative ai shkoi në shtabin elektoral të Trump dhe kërkoi programin elektoral me interes në politikën e jashtme. Mediat u habitën, dhe gazeta prestigjoze “Financial Times” e mori në intervistë. Me pyetjet pse shkon te një kandidat që do humbasë sipas exit polleve, ambasadori iu përgjigj: me 43% të votuesve që deklarojnë do ta votojmë, nuk mund të neglizhohet që mund të jetë president i ardhshëm i ShBA. Historia më pas dihet!
Për tu rikthyer më 7 korrik 2022 në Shqipëri. Protesta e thirrur nga zoti Berisha dhe shoqëria civile pranë PD, tregoi dukshëm dhe qartazi se shumica (për sa kohë nuk shikojmë dot të kundërtën) është me zotin Berisha. Pas 7 korrikut unë kam dilemat e mia nëse mbështetësit duan Berishën si politikan, apo Berishizmin si rrymë që Basha tentoi me zbehtësi e pa ide për ta zëvendësuar. Por në politikë numrat duhet dhe ndonjëherë janë faktori determinues për fatin e një force politike. Protesta artikuloi shumë teza para dhe shumë pak në datën 8 korrik. Gjasat janë që demokratët vijojnë të jenë më të ndarë, teza e bashkimit nëpërmjet nënshtrimit duket se nuk do të funksionojë në PD të paktën dhe për një periudhë të gjatë kohe.
Qartazi Berisha artikuloi se është alternativë ndaj zotit Rama, duke hedhur ide dhe programe, edhe pse mendoj se për një vend si Shqipëria me kaq shumë potencial rinor, është fatale që t’iu inponohet një politikan me shumë mëkate në kurriz, si Berisha. Por ajo që nuk ndalohet dot është se pikërisht qoftë dhe 1% Berishën e mban në lojë. Koha është që grupimi Alibeaj dhe deputetët e tij ta krijojnë partinë e re demokratike, nëse janë serioz në tezat e tyre, në të kundërt janë thjesht duke kërkuar pazar nga Berisha për të qenë në lista të sigurta në 2025, veprim që doktori në këtë fazë nuk ka arsye përse ta bëj. Alibeaj dhe të tjerët duhet të tregojnë që janë ndryshe nga Komisioni i Rithemelimit, jo vetëm në qasjen ndaj Berishës, por edhe ndaj vetë simpatizantëve duke bërë politikanin aktiv jo vetëm në media. Në optikën time Berisha ka sikletin e ‘non gratas’, por këtë siklet kishte edhe pas 1997, mos përfundonte pas hekurave, duke e mbajtur PD me dhëmbë e armë, deri sa në 2005 e paimagjinueshmja në 1997 u kthye në të paevitueshmen!
Por koha është që edhe kryemininistri Edi Rama të ndryshojë qasjen e tij, duke filluar nga gazetarët për të vijuar me kabinetin qeveritar, deputetët dhe kryetarët e bashkive. Qasja ndaj publikut duhet të jetë me më shumë transparencë dhe diskutime të hapura jo thjesht konsultime publike me zarfe. Padyshim lufta ndaj korrupsionit gjithashtu duhet të marrë një dimension tjetër, duke mos u ndalur vetëm në aktivizimin e SPAK, por edhe me denoncimet që zoti Rama i ka paralajmëruar vetë për ndonjë kryebashkiak, siç është angazhuar edhe vetë në konferenca për shtyp. Apatia qoftë edhe ndaj kritikave nga brenda nuk mund të kalojë me reagime vetëm në rrjetet sociale. Koha që zëra si Erjon Braçe të dëgjohen më shumë për ato që thonë!
Shtatori duhet që të gjithë ti bëjë të ndryshojnë strategjitë politike e jo vetëm, në të kundërt historia mund të bëjë që e paimagjinueshmja sot të kthehet në të paevitueshmen nesër.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Edi Rama eshte rasti tipik i autokratit megalloman. Ka shkulur cdo ze kritik rreth vetes. Ministrat e tij jane njerez te nxjerre nga hiçi, pa asnje kapital politik. Qesen ja ka lene kryehajdutit Ben Ahmetaj, dhe mendon se punet shkojne vaj. Nje perqindje e llahtarshme e buxhetit vidhet hapur nga shushunjat e Ahmetajt permes oligarkeve te pa prekshem me te cilet ndan pushtetin. Shqiperia ka nje borxh rreth 100% te GDP nderkohe me keto borxhe titaneske jane bere pune liliputeske. Opozita ka qene ne gjume per 9 vjet me rradhe, me nisma qesharake, dhe e perqendruar kryesisht ne marrjen rregullisht te mitës nga oligarket prej Lulit. Tani i vetmi opsion opozitar ka mbetur krimineli Berisha. Kur zhgenjimi i popullit arrin skajet, Berisha duket me i mire se Rama. Dhe ky i fundit do mbulohet me turp nga historia njelloj si Nano. Ka thene qe nuk lufton per pasuri por qe te hyje ne histori, dhe ja arriti qellimit, por me vecorine qe do hyje ne histori per keq!
Fatkeqësi për Shqipërinë që PD rizgjodhi Sali Berishën kryetar! Saliu e tregoi se egoja e tij është më e madhe se Shqipëria. Ai e vë veten mbi Shqipërinë. Po, hajde ai, është 1 person, por këta që i shkojnë mbrapa çka po synojnë? A nuk janë të vetëdijshëm se Sali Berisha në pushtet është katastrofë për Shqipërinë? A mund të paramendohet një Shqipëri e izoluar nga Amerika? Këtë ia dëshirojnë vetëm armiqtë Shqipërisë! Pozitë e keqe e Shqipërisë - Rama mik me Vuçiqin, Saliu armik me Amerikën! Që e keqja të jetë më e madhe, është kohë lufte!
Ne demokraci liria jote mbaron aty ku cenohet liria e tjetrit. Liria e Sali Berishes (per te marre pushtetin) mbaron (ose tashme ka mbaruar pa kthim mbapa nje here e pergjithmone) sapo ka cenuar te drejtat, lirine, interesat e vendit me te perparuar te botes, SHBA-se. Cdo koment tjeter eshte humbje kohe. Ne rast se kjo nuk vertetohet, kjo do te thote qe Rusia dhe Kina jane vendet me te perparuar te botes.
Diçka ke shkruar,por se çfarë nuk e di! Porosi dhe këshilla për të gjithë,si dikur dr.Sulçebeu në radio.... Dukshëm PD shkon pas Berishës!??.".Who in the earth" thonë amerikanët pat dyshuar për këtë???....Madje pikërisht ky fakt mban Ramën në pushtet prej kaq vitesh megjithë mutin ku na ka futur,apo edhe kaq nuk e kupton! Ndërgjegjia personale e Saliut nuk ka asnjë pikë dyshimi se kështu bëhet, pra nga një komunist maskara ( i tillë ishte Berisha,e kam provuar në kurriz),u bë " demokrat i madh",edhe tani nga simbol i korrupsionit kërkon të dalë " shpëtues i demokracisë",por a na shkon ne kjo logjikë!??? Sali Berisha le ti mbajë.me shëndet " shumicën e demokratëve", ai po shkon drejt bashkimit me Metën dhe me çdo plehrë vetëm të rrëzohet Rama( deja vu me aleancën e qelbësirave që bëri PS),por nuk fiton dot...dhe krahasimi me Trump nuk vete fare, sepse Manjati nuk kishte vrarë e djegur njerëz në Amerikë përpara zgjedhjes.... Pra Saliun e urren i madh e i vogël në Shqipëri,ky është fakt! Tani një gjë është e re! Nëse kur PD me një fushatë europiane humbiste përballë Ramës,edhe për faj të" kryetar " Lulëzimit,na vinte keq për veten edhe për PD!Në humbjen e radhës ndaj Ramës do na vijë keq për veten por do lumturohemi për PD... Populli thotë " njëqind miza i vajtën zagarit"...( Rasti kur babai qante hall ndërsa i biri numëronte mizat që ngacmonin zagarin..) ,halli ynë me Ramën mbetet,shkrimi yt numëron mizat te zagari që nuk na intereson më... PD ka vdekur!