Ndërsa duket sikur e gjithë bota ka ndryshuar brenda natës, e vërteta është se ende nuk ka ndodhur asgjë. Nëse evropianët do të hapnin sytë, ata do të shihnin se i kanë të gjitha burimet, talentin dhe instrumentet që u nevojiten për të marrë përgjegjësinë e plotë për mbrojtjen dhe sigurinë e tyre.

Nga Sławomir Sierakowski

Evropa sapo ka mbajtur një sërë samitesh të profilit të lartë. Pas Paris AI Action Summit dhe Konferencës së Sigurisë në Mynih, liderët evropianë u mblodhën për dy takime urgjente në Paris për të adresuar sinjalet shqetësuese që vijnë nga administrata e re në Shtetet e Bashkuara. Në secilin rast, një pyetje qendrore ishte se si Evropa mund të arrijë teknologjikisht dhe ushtarakisht Amerikën dhe Kinën.

Tashmë, është e qartë për të gjithë se administrata e presidentit amerikan Donald Trump synon ta trajtojë Evropën me përbuzje dhe se evropianët duhet të marrin të marrin plotësisht në duart e tyre përgjegjësinë për mbrojtjen dhe sigurinë e tyre. Amerikanët jo vetëm që po anashkalojnë qeveritë evropiane për të negociuar përfundimin e luftës në Ukrainë, por ata gjithashtu i kanë dhënë mbështetjen e tyre partive evropiane të ekstremit të djathtë dhe kanë akuzuar liberalët dhe demokratët evropianë për tradhti ndaj vlerave perëndimore.

A ka ndonjë metodë në këtë çmenduri? A mund të jetë uvertura ndaj Rusisë një përpjekje për të përsëritur strategjinë e presidentit amerikan Richard Nixon për të thyer aleancën midis Kinës komuniste dhe Bashkimit Sovjetik? Ne e dimë që Trump është i fiksuar pas Kinës dhe se vetë rusët kanë arsye të forta të kenë frikë nga dominimi kinez. Nëse sakrifikimi i një pjese të Ukrainës do t’i lejonte Trump-it t’i jepte një goditje bête noire-it të tij, ai me siguri do ta shfrytëzonte rastin.

Por kjo manovër Niksoniane nuk ka gjasa të ketë sukses nëse Trump nuk siguron pjesëmarrjen e Evropës, dhe kjo duket e pamundur. E paralizuar nga frika që nga pushtimi i plotë i Rusisë në Ukrainë në fillim të vitit 2022, Evropa ka harruar se mund të thotë “jo”. Por administrata Trump i ka shkundur nga gjumi liderët evropianë. Ata tani po bëjnë një inventar të pikave të tyre të forta dhe po eksplorojnë opsionet e tyre. Ukraina nuk është ende me shpatulla pas murit. Me mbështetjen e shtuar nga Evropa, ushtria e saj shumë inovative mund të vazhdojë t’i rezistojë agresionit të Rusisë.

Për më tepër, administrata Trump nuk ka bërë ende asgjë, përveç bisedave. Fokusi i saj i vërtetë është në frontin e brendshëm, ku është e zënë duke shkatërruar kapacitetin e saj me shkarkime masive nga puna. Lufta e Trump ndaj administratës publike – me sa duket preludi i vendosjes së një ekipi besnikësh politikë – do t’i kushtojë në mënyrë të pashmangshme para Amerikës dhe do të zvogëlojë aftësinë e tij për të zbatuar axhendën e tij politike.

Bashkimi Evropian, nga ana e tij, nuk duhet të përgjigjet me kërkimin e zakonshëm të unitetit. Duke pasur parasysh partitë në pushtet në Hungari, Sllovaki dhe gjetkë, kjo nuk është as e mundur dhe as e nevojshme. Strategjia më e mirë është të ndërtohet një koalicion i vendeve anëtare të BE-së dhe vendeve të tjera që Trump po i armiqëson pa arsye, si Kanadaja, Mbretëria e Bashkuar dhe Koreja e Jugut. Këtë duket se ka në mendje presidenti francez Emmanuel Macron, duke gjykuar nga deklaratat e tij të fundit. Shumë nga paralajmërimet e tij të kaluara tani po bëhen realitet. Ai mbetet një nga liderët e vetëm, së bashku me kryeministrin britanik Keir Starmer, i cili nuk po përjashton mundësinë e dërgimit të trupave në Ukrainë ose në zonën përreth. Dhe të mos harrojmë, Franca dhe Britania e Madhe kanë të dyja armë bërthamore.

Në mbulimin mediatik pas prishjes me SHBA-në është anashkaluar fakti se Evropa Perëndimore është më e frikshme se Evropa Lindore. Ne jemi ndoshta më të njohur me krizat, por gjithashtu nuk jemi ata që janë nën shënjestrën e Trump. Ne nuk kemi një suficit të madh tregtar me SHBA-në dhe shpenzojmë qindra miliarda dollarë për armë të prodhuara nga SHBA-ja. Ndryshe nga Holanda (ironikisht shtëpia e sekretarit të ri të përgjithshëm të NATO-s), e cila shpenzoi rreth 1.7% të PBB-së së saj për mbrojtjen në vitin 2023, Polonia shpenzon pothuajse 5%.

Duke gjykuar nga vala e fjalimeve dhe deklaratave të fundit të zyrtarëve republikanë, mund të mendohet se në të vërtetë ekzistojnë dy parti republikane. Nga njëra anë, është partia e vjetër që gjithmonë kërkonte të rriste shpenzimet e mbrojtjes, të forconte aleancat ushtarake të SHBA-së dhe të përballej me autokratë si presidenti rus Vladimir Putin. Nga ana tjetër, është partia e lëvizjes MAGA të Trump, e cila duket se beson se madhështia kombëtare kërkon shpërbërjen e shtetit amerikan dhe braktisjen e aleancave të kahershme, të gjitha të justifikuara me retorikën primitive të gjakut dhe tokës dhe teoritë konspirative.

Ndërsa duket sikur e gjithë bota ka ndryshuar brenda natës, e vërteta është se nuk ka ndodhur ende asgjë. Nëse evropianët do të hapnin vetëm sytë, ata do të shihnin se kanë të gjitha burimet, talentin dhe instrumentet që u nevojiten për të garantuar sovranitetin e tyre dhe për të rivendosur paqen dhe stabilitetin. Ata nuk kanë nevojë për një ftesë në tryezë. Ata duhet të frymëzohen nga Ukraina, e cila e ka ndalur e vetme marshimin e agresionit të Rusisë përmes forcës së saj të vullnetit.

Nuk është momenti që evropianët t’i zërë paniku. Përkundrazi, Trump na ka dhënë atë që na duhet më shumë: një arsye për të luajtur vendit.

Europe Is Only as weak as It Thinks It Is

4 Komente

1
1

26 Shkurt 2025, 21:11

FORCA EUROPA e civilizuar dhe e kulturuar

Përgjigjjuni
p
prokurori

26 Shkurt 2025, 23:32

Pasi kexova këtë shkrim,mu kujtuan se zgjimin dhe mësimin Evropës me ndryshimet në presidencën amerikane,ka rreth dy javë më parë i përmëndi kryeministri shqipëtar. Në ato momente u dukën si një pelivanllëk politik ato fjalë dhe u bënë mjaft kundërshti. Sot mbas këtij shkrimi tingëllojnë ndryshe.

Përgjigjjuni
L
Lexuesi

26 Shkurt 2025, 23:41

Bejne takime, deklarata bombastike per konsum politik dhe me ne fund shkojne tek America per te marre flamurin “ mendim”…..

Përgjigjjuni
a
astrit

27 Shkurt 2025, 07:13

Artikull shume logjik

Përgjigjjuni