Te fundit
Drejtësia mes shpresës dhe riciklimit të zullumit
27 Dhjetor 2025, 11:32Blog
TEMA
Nga Ilir Demalia
Në këtë fundviti doli në sipërfaqe ajo që prej vitesh flitej prej kohësh: korrupsioni i politikës 35-vjeçare nuk ishte devijim, por sistem. Nuk ishte përjashtim, por rregull. Një mekanizëm i ndërtuar me vetëdije, i ushqyer dhe i mbrojtur nga politika, biznesi, media dhe krimi.
Qytetarët i kanë parë çdo ditë llukset e politikanëve, qeveritarëve dhe deputetëve: gara e parkimit të makinave ku mbi 100 mijë dollarë ishte minimale; shoferë, bodyguardë që i hapnin dyert. Dhe kujtë?!! Bizhuteri, veshje dhe çanta mijëra euroshe. Dhe kur hapnin gojën në Parlament, shisnin moral për popullin dhe fjalor Gabi-an nga goja.
Kjo ishte vetëm fasada.
Pas saj qëndronte një elitë mediatike dhe opinioniste, e pasuruar në heshtje, që kapërdiset në tallavatë e darkës dhe shfaqet në ekrane si ndërgjegje qytetare. Pronarë dhe analistë me vila milionëshe në mal, fushë, bregdet e qytet, që zbrisnin në asfalt duke fshirë qyrret në mëngën e xhaketës dhe sot e venë shaminë në xhepin e xhaketës. Janë të përnatëshëm në studiot e “prime time” për të dhënë leksione morali.
Ndërkohë, të fortët e krimit pushtuan hapësirën publike përmes anti-kulturës. Velinat e darkës u bënë pjesë e programeve televizive, një novelë banale e natës shqiptare, ku pas orës tre të mëngjesit përziheshin alkooli, paratë e pista dhe imazhi i pushtetit real. Shteti nuk reagoi. Sepse shteti ishte aty.
Kjo është panorama e marrëdhënies politikë–biznes–media–krim e këtyre 35 viteve. Një vend i shkatërruar si sistem vlerash, i deformuar si hapësirë urbane dhe i denatyralizuar si natyrë. Bregdet i betonuar, qytete pa plan, ndërtime pa vizion ku trafiku është bërë makth 24/7 . Logjika ishte e thjeshtë: rrëmbe, ndërto shpejt dhe ik. Dhe mbi këtë rrëmujë, çdo vit prodhohen “modele suksesi”, njerëz të vitit, Z-të e radhës.
Në këtë realitet u ngrit SPAK-u, si shpresë dhe si mjet. Drejtësi në frymë dhe në germë, por në praktikë i ngarkuar me barrën e pamundur: të çmontojë i vetëm një sistem të ndërtuar për 35 vjet. Një Deus ex Machina që thirret kur gjithçka ka ngecur.
Pyetja nuk është nëse SPAK-u ka vullnet apo profesionistë. Pyetja është nëse drejtësia mund të funksionojë e izoluar në një sistem politik të dështuar. Sepse ngërçi i drejtësisë nuk është teknik, por politik dhe moral. Aq më teper kur vetë drejtësia ka qenë pjesë e gjesë dhe ka qenë lojtare e politikës në mardhëiet me krimin. Ligjet ekzistojnë, por janë ndërtuar për të mos prekur themelin. Për të ndëshkuar individë, jo arkitekturën e krimit dhe korrupsionit.
A do të vendosë SPAK drejtësi për gjithë zullumin 35-vjeçar, apo do të presë vetëm bishtin, sipas udhëzimeve të momentit, duke lënë trupin dhe kokën jashtë? Sepse ky sistem di të riprodhohet. Riciklohet me emra të rinj, me flamuj të rinj, por me të njëjtën rrotë pushteti.
Dështimi i madh i sistemit politik është se nuk prodhon më alternativa. Vetëm riciklim. Vetëm rotacion brenda të njëjtit rreth. Një sistem që nuk reformohet, por mbijeton duke konsumuar gjithçka përreth.
Nëse drejtësia nuk fillon nga A-ja, nga shkaktarët që ngritën këtë sistem grabitjeje që nga viti 1992 dhe që sot kërkojnë të riciklohen sërish, atëherë çdo ndërhyrje do të jetë kozmetike. Dhe kozmetika mbi një trup të kalbur vetëm sa e rëndon erën.
Në këtë gjendje ku ndodhemi, zgjidhja është e qartë, edhe pse e vështirë: ose drejtësia bëhet themel i ri, ose ky vend do të mbetet peng i një tranzicioni të përhershëm, ku politika sundon me tallava, krimi me para dhe media me moral të rremë. Ndërsa drejtësia tund bolen e kandarit por nuk punon kandari.
Kjo nuk është më krizë. Është zgjedhje.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nëse drejtësia nuk fillon nga A-ja, nga shkaktarët që ngritën këtë sistem grabitjeje që nga viti 1992 dhe që sot kërkojnë të riciklohen sërish, atëherë çdo ndërhyrje do të jetë kozmetike. Dhe kozmetika mbi një trup të kalbur vetëm sa e rëndon erën!
O i nderuari Demalia ke shume drejte per gjithcka qe shkruan por kur ne kete vend ka kafshe me surrat njeriu qe ndryshe nga c'far flasin veprojne mos prit te ndodhe ndryshe . Kur akoma ka idiota qe mbeshtesin kafshen Sali qe me armik te betuar te ketij populli nuk gjen at'here si pret ti i nderuar qe te ndryshoje ky vend . Ja u fal te gjithe malokve se aq tru kane megjithse jo te gjithe po shumica e tyre , po ke ketej nga jugu qe akoma therresin Salmutin bab , e si te ua lerosh . Ai kriminel i ka siguruar femijet e tij ndofta per shtate breza e as i rruhet per kend ne bote pervec familjes e atyre qe ka pas qe i quan qendrestare as i shkon nder nend per njeri tjeter mbi dhe .
Pjesërisht dakord me Demalinë. Me një ndryshim jo të vogël. SPAK-u mbetet një vegël politike në duart e disave, me qëllime të këqija, në rast se nuk arreston Berishën, përgjegjës ndër të tjera për 4 vrasje në mes të ditës dhe djalin e tij, përgjegjës për vrasjen e 26 vetave. Ka arrestuar njerëz për një arkë me peshk dhe nuk arreston kriminelin më të madh të Shqipërisë për këtë shekull. Se në shekullin e kaluar ishte një tjetër, të cilit ky i sotmi i shkonte në shtëpi ose u bënte shoqëri djemve të tij. Pyetja është: për cilin punon SPAK-u dhe kush e udhëzon?!
Ke të drejt po stan me lepura nuk bëhet.piramidat -97,,Gërdeci,,21janari dhe për shumë të tjera familja nuk u dënua dhe ne qoftese do bëjnë sikur do t'a dënojnë që un personalisht nuk e besoj,është pa kuptim tani që është derdhur kaq gjak shqiptari dhe kaq vuajtje që ka shkaktuar non grada në çdo familje do jetë si një kocke që ua hedhin qenve.kurse ata që i vënë nga pas duhet t'u vij turp kur na thoni që për 97,piramidat për ligjin e tokave Saliu ka kërkuar falje sikur të ishte thyer nje xham dritareje apo një pjatë buke
SPAK Lodraxhi jo drejtesi, Manja i PS i njejte, shume si ato edhe ne gjykata te njejte, mjere ai vend per drejtesi e njerez qe jane me shumic deputete por zhvates e hajduta. Rrofshin ata qe thone dru me pre.
o merush kaq poshte ka rene tema jote ??/ boton shkrime ideoteske shkrime qe as ylli rakipi nuk do ti botonte te albania e 1996