Te fundit
Pse vazhdojmë të sillemi si armiq të tokës sonë?
5 Maj 2026, 14:17Blog
TEMA
...Në Bratislavë për herë të parë kisha qenë para më shumë se 20 vjetësh. Më dukej si një qytet me këmbë hipur mbi zhguallin e një breshke. Që shumë afër me Vjenën, punë një orë e kusur larg. I lidhte edhe Danubi. Tek fluturonim mbi periferitë e Tiranës, Fushë-Krujës dhe më tej Laçit, Kurbinit, fusha ishte si e shkelur nga thundra e barbarisë, kaosit urban dhe lakmisë prej katundaresh për ta zënë. Jo diku, por gjithkund. Si për ta shqyer, jo për ta ujdisur. Dukej sikur gjithë ajo sipërfaqe ishte e copëtuar me hanxharët e grabitjes dhe ligjit 7501. Rrëmbe të rrëmbejmë. Grumbuj shtëpish pa rend mes fushës, një valle e çmendur shallvaresh dhe tumanesh me uzurpime dhe mendësi prej mendjekulurish. Dhe të vinte të ulërije: “Po ç’dreq populli qenkemi kështu vallë, duke kafshuar mishin tonë, fushën, aty ku mbillet jeta dhe prej nga ushqehemi?! Një konfigurim idiot i tokës që të ushqen, një cubëri, një mishmash që vetëm mungesa e shtetit, trutë e mbrapshtë të njerëzve dhe verbëria prej makutërisë që sheh vetëm hundën e vet e jo më tutje saj, mund ta gatuajë këtë fare gjelle të neveritshme. Vetëm kjo mund t’ia ngulë një thikë mu në asht vetvetes, siç edhe ia ka ngulur!...”
E dija se fluturimi drejt Bratislavës shkonte përmbi Serbi, Kroaci, Hungari dhe vinte në Sllovaki. Fusha pa fund, toka e qëndisur ngjyrë kafe e hapur, dhe valle bimësh, liqene, rezervuarë, gjarpërimi i Danubit, parcela të rregullta, brinjë me brinjë. Një bukuri e vërtetë. I fuqishëm njeriu, mendoja. Po a e kishin kaluar këta popuj ligjin famëkeq shqiptar 7501, që u kthye në një hajdutëri dhe psikologji kaçakësh, “bëj çfarë të të dojë qejfi”, apo, ndryshe nga ne, menduan, projektuan dhe bënë gjënë e duhur me atë që u siguronte ekzistencën dhe qenësinë: TOKËN E TYRE? Po ne pse u sollëm kaq keq me të? Pse e përdhunuam kështu? Nënë apo njerkë je ndaj tokës tënde, o njeri? E them pa drojë: ne, shqiptarët, nuk kemi qenë nënë, por njerkë. Madje një njerkë e keqe. Një palo njerkë. Dhe shkrepja disa foto nga avioni: Serbi, Kroaci, Hungari dhe Sllovaki. Doja që të bëja një krahasim. Po, fotot e tejkalojnë fjalën, flasin vetë.
...Pse nuk pashë një gardh të vetëm nëpër ato fusha e parcela? Pse fshatrat dhe qytezat qenë bukur mirë të kufizuara nga pikëpamja urbane dhe fusha nuk kafshohej nga ujku njeri, por respektohej; nuk cenohej, ca më pak të gllabërohej, të përgjakësohej, të përjargej si te ne, por përkëdhelej, begatohej? Unë e di se atyre vendeve, pas rrëzimit të komunizmit, janë ngritur me kohë format e kooperimit bujqësor, të mjeteve dhe mekanikës bujqësore; është rregulluar me ligj fondi i tokës së përbashkuar në dobi të lehtësisë së punës, shfrytëzimit të saj, rendimentit, tregtimit të produkteve, fitimit etj., etj. Pse nuk e mbushën me gardhe tokën këta njerëz? Ja pra, budallenj qenkëshin këta popuj dhe ato elita politike që i kishin mbajtur tokat e tyre në një kooperim të tillë, pa gardhe, parcela-parcela, siç i patën dikur edhe në kohën e socializmit?! Edhe ne i patëm të qëndisura dikur fushat tona, mekanika bujqësore futej lirisht parcelave, rendimentet qenë të larta dhe konkurruese. As dua t’ia di u bënë me dhunë, ç’pronësim, ligj politik të deformuar etj. Di se ato qenë si qëndisma. Le të privatizohej toka, por tok me të, të bëhej po aq aktiv edhe zgjidhja e një kooperimi të shpejtë e të leverdisshëm. Përkundrazi, shpikën një ligj as mish e as peshk, një rrumpallë që e bëri rrumpallë edhe tokën, gardhe-gardhe dhe që i futi njerëzit në një sherrnajë pa fund me një cikël të mbyllur vrasjesh.
Po sot, pse janë katandisur për ibret fushat tona, që të vjen aq keq dhe thua: “Vallë të marrë qenkan këta popuj evropianë që i kanë bashkuar tokat, teksa prona mbi të ka mbetur private? ‘Komunistë’ na qenkan, që na dashkan ‘kooperativat’ e dikurshme?!” Shihni, kanë kaluar 36 vjet dhe tokat shqiptare e kanë thikën e çarjes së tyre ngulur mu në mish, pikojnë gjithandej gjak, kullojnë dhimbje. Këtu e 20 vjet më parë, në një vizitë në disa fshatra të Hungarisë, kjo e ashtuquajtura “kooperativë kapitaliste” funksiononte për bukuri gjithandej dhe fushat ndjenin gëzimin e modernizimit nga përdorimi i mekanikës bujqësore dhe tregtimit të suksesshëm të produkteve. Pse këta “kamunistat” e sotëm hungarezë, serbë, sllovakë dhe kroatë i bashkojnë tokat dhe ne jo? Pse nuk i ndajnë me gardhe? Pse nuk të lënë të ndërtosh shtëpi ku të të dojë qejfi ty, por atje ku shteti me ligjin urbanistik të lejon? Është tokë buke, o shqiptar, jo “tokë e xanum”!
Eh, kur u bëra dhe unë njohës i bujqësisë kapitaliste!... Po ja, më rrëmbeu ky kontrast dramatik i trajtimit të tokës nga “kamunjistat” bri nesh dhe ne, “antikomunistët” e tokës së xanme. Doja ta thosha dhe e thashë. Por kujt ia thashë?!!!! Shihini këto foto dhe do të më jepni të drejtë. Se fotoja flet më shumë se mijëra fjalë…
10 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bratislaven e ka bo Evropa. Edhe ne do ta bejme me mire kur te futemi ne BE.
Bratisllaven e bene Sllovaket jo BEja. Nuk erdhen Evropianet Perendimore te punojne ne bujqesine Sllovake. Ishin Sllovaket me nje qeveri qe beri si kryesore bujqesine para kullave te krimit e dorges qe e beri Bratisllaven. Sa per ne per tu futur ne BE nuk e di nese e di ate perrallen e Nastradinit me Gomarin, qe deshte ta mesonte te mos hante bar, duke i thene "Prit Gomar te mbij bar" Kur gomari ngordhi Nastradini tha "Tani e gjeti te ngordhe ky, tani qe mesoj te jetoj pa ngrene bar? Kur te vdesim ne Shqiptare,t BEja do te thote. Tani e gjete ju te vdisn,i tani qe do tju fusnim ne BE?
Qelbesirat e Muhamedit....arnautet jane kafshe te liga qe e shkaterruan kete Gadishull bashke me kafshet e tjera te liga...mongolo-osmanet....eshte nje tragjedi....zbarkimi...i tyre ne keto troje serbo-greke...i ketyre turmave primitivo-aziatike.....Zoti na ruajt nga....leshqent arnaut te Muhamed pedofilit......
A duhet që KRYEPLAKU I FAMILJES SHQIPETARE (veç të tjerash), të përgjigjet ligjërisht për këtë që i bëri popullit shqipetar, tokës bujqësore dhe bujqësisë në Shqipëri derisa ngulte këmbë me forcë për t'u bërë kryeplak i katundit Shqipëri ?
As po me thua o autor i paemen..çfare e lidh 7501 me tokene xanun... mos mbrojtja ligjore e tokes bujqesore.. ndertime kudo... foto voltaik ne toke buke etj e tje ??/
Mire e ke ti o mik, por kujt ia thua. Aje qe eshte bere me token ne Shqiperi nuk ndreqet as per 7 breza. Jo ne Europe to shkojme ne (zor se na qasin me toke te xanun), por edhe sikur te vene doren ne zemer puna e tokes eshte bera harpash. Nuk ka bir nene qe e rregullon. Dhe me e bukura eshte qe te gjithe e shohin dhe bejne sikur nuk ka ndodhur gje. Turp me te madh nuk ka.
Sa i trashë qenkësh "cuf dabjoni" që nuk kupton ndarjen e tokës në parcela si cifla dërrase me nga dy metra gjerësi ku mbi çdo parcelë toke bujqësore, u lejua të ndërtohej shtepi dhe më pas të legalizohej ashtu si ke dash ti, o "CUF DABJONI".
Çfarë mund të prisnim nga shpellari?
Toka eshte mall dhe ka vlere. Vleren e e tokes e vendos tregu. Shteti ka per funksion te ndihmoj per ato mallra ( si toka) qe kane vlera strategjike. Ne nje shtet ku vleren me te madhe e ka nje kulle ne Tirane se sa nje toke ne fshat, do te thote se shteti me nderhyrjen e tij ka qellime te tjera vec ndertimit te nje ekonomie te forte kombetare. Bujqesia/toka nuk eshte gje e bukur per te shitur mend. Por eshte jetesore per nje komb. Po keshtu bujqesia/toka nuk behet dot batak per lare parare e qelbura qe vijne nga krimi e droga. Pra mund te thuhet qe qellim i elitareve Shqiptare ( ne politike apo dhe jashte saj) nuk eshte nje ekonomi kombetare por nje ekonomi per te shitur pordhe dhe pastruar parate e qelbura te krimit e droges. Nga fshatin tone ne themi "Edhe dhi e zgjebosur edhe bishtin perpjete"
Per te kuptuar tragjedine tone: 1 cm shtrese tokesore formohet nga natyra per 400-500vjet. Ky eshte ritmi mesatar i procesit te toke-formimit nga shkembi amnor. Beni llogari tani - e kam per ata qe dine te bejne llogari. E sigurt eshte qe mallkimi do t'a ndjeke brezin e tranzicionit per shume shekuj.