Sa vlen Albin Kurti në Maqedoni?

26 Shkurt 2024, 20:20Blog TEMA
Sa vlen Albin Kurti në Maqedoni?

Nga Andi Bushati

Koalicioni anti Kurti në aksin Tiranë – Prishtinë- Tetovë është tubuar sërish rreth një fabule të re, asaj se kryeministri i Kosovës po tenton të destabilizojë Maqedoninë. Akuzat janë se ai po përçan partitë shqiptare vendase, se po kërkon të ndikojë në rotacionin e pushtetit për zgjedhjet e përgjithshme të 8 majit, se po tenton të eksportojë në rajon, krizën e pazgjidhur të përplasjes me ndërkombëtarët në vendin e tij.

Shkak për këtë është bërë përkrahja që Vetëvendosja i ka dhënë opozitës shqiptare në Maqedoni dhe pjesmarja e disa anëtarëve të saj si kandidatë në garën e pas dy muajve.

Në fakt, zgjedhjet e kësaj radhe në vendin fqinjë janë tepër të rëndësishme. Së pari sepse partia nacionaliste në opozitë, VMRO DPMNE është shumë përpara në sondazhe. Se dyti, sepse koalicioni i një sërë faktorëve shqiptarë, mund të thyejnë, pas dy dekadash, hegjemoninë e BDI-së së Ali Ahmetit. Në këtë koalicion, që deri pak kohë më parë ishte tubuar nën emrin Lidhja Evropiane për Ndryshim (LEN), gjenden ish disidentë të partisë së Ali Ahmetit, si Izet Mexhiti, forca të tjera tashmë të konfirmuara si BESA e Bilal Kasamit dhe ministra që kanë lënë qeverinë për ti’u bashkëngjitur opozitës. E kurorëzuar si VLEN, pas përfshirjes në lista edhe të anëtarëve të Vetëvendosjes, kjo listë tenton të kalojë numrin e 15 deputetëve që shënon rekordin e BDI-së.

Pavarësisht se Albin Kurti deklaron publikisht se partia e tij nuk është e regjistruar formalisht në zgjedhjet maqedonase, dora e tij ndihet e fortë në këtë grupim opozitar. Në gusht të këtij viti, Kurti zhvilloi një vizitë madhështore në komunën e Çairit në Shkup, bastion i Izet Mexhitit dhe mori pjesë në një miting me nota tejet nacionaliste, ku valviteshin flamujtë Autochthonus, në Tetovën e Bilal Kasamit. Ai thuhet se ka ndikuar në përçarjen e partisë Aleanca për Shqiptarët dhe kalimin e një fraksioni të saj në drejtim të opozitës. Ai i priti të gjithë këta së bashku në zyrën e tij, në fund të janarit, ndërkohë që një këshilltar zyrtar i tij, me shtetësi maqedonase, Bekim Çoku, do të jetë kandidat për deputet i kësaj liste.

E gjithë kjo ndërmarrje po shoqërohet me shqetësim të madh. Në politikën e brendshme kosovare janë shtuar akuzat për paternalizëm arrogant duke përmendur edhe rastet e ndërhyrjeve në zgjedhjet në Shqipëri dhe në Luginë të Preshevës. Ramush Haradinaj e etiketoi lëvizjen si zbatim të axhendës ruso-serbe.

Në Shkup, një nga figurat e BDI-së, ministri i jashtëm Bujar Osmani aludoi për një fragmentarizim të spektrit shqiptar, që dëshërohet nga faktorë të jashtëm. E çuditshme është se i shqetësuar u tregua edhe presidenti serb Vuçiç, që deklaroi se Kurti dëshëron të udhëheqë edhe Maqedoninë e Veriut, duke hequr qafe Ali Ahmetin.

Në fakt, shumë nga kritikat konvergojnë pikërisht në këtë pikë: se një lëvizje e yshtur nga Prishtina, po tenton të thyejë monopolin e 20 vjeçar të Ahmetit, i cili mbështetet fort nga Tirana dhe ka shërbyer si xhol në aventurën fatkeqe të Ballkanit të Hapur. Ata që janë kundër fuqizimit të një opozite anti BDI, kanë argumentat e tyre. Sipas logjikës që trumpetojnë shqiptarët duhet të jenë të bashkuar rreth partisë që doli nga lufta, pasi asnjëherë më parë ata nuk kanë arritur kaq shumë të drejta në Maqedoni. Kushtetuta e re, përdorimi i gjuhës shqipe, ngritja e univesiteteve, kontrolli mbi ministri të rëndësishme, ishin të paimagjinueshme në shekullin e shkuar. Po ashtu edhe efekte simbolike si pasja e një kryeministri, qoftë ky edhe teknik, apo e një monumenti të Skënderbeut në Shkup, kanë domethënien e tyre të pamohueshme.

Në këtë kuptim, arritjet e kohës së BDI-së, në qeverisje, janë të pamohueshme, por nga ana tjetër ato kanë bashkëudhëtuar me një korrupsion galopant, me një klientelizëm të shfrenuar në punësim, deri në atë pikë sa edhe disa institucione të drejtuara nga shqiptarët, nuk kanë qenë realisht në shërbim të tyre. Prandaj një alternativë ndaj kësaj hegjemonie mund të ishte e mirëpritur. Edhe historia e të drejtave të shqiptarëve në vendin fqinjë ka treguar pikërisht këtë. Kur PDSH e Arbër Xhaferit dhe Menduh Thaçit theu monopolin e Prosperitetit Demokratik ato avancuan. Ato shkuan edhe më tej kur BDI, e dalë nga lufta, konkuroi dhe mundi PDSH. Një konkurencë e re, e forte dhe e drejtë, ndaj partisë të atrofizuar të Ali Ahmetit do të ishte vetëm në leverdi të shqiptarëve. Pikërisht në këtë drejtim është investuar Albin Kurti duke hedhur në lojë popullaritetin që gëzon në shtetin kufitar mes Kosovës dhe Shqipërisë.

Natyrisht asnjë politikan i llojit të tij, i vendosur në qëllime dhe ambicioz në objektiva, nuk bën lëvizje një drejtimshe. Dhe kjo nënkupton se një pjesë e atyre synimeve, për të cilat po e akuzojnë sot në Shkup, Prishtinë apo Tiranë, mund të vërtiten në mendjen e tij. Por pavarësisht kësaj, nëse koalicioni që ai po mbështet, prodhon një skenë më plurale të partive shqiptare në Maqedoni dhe krijimin e një alternative ndaj hegjemonisë 20 vjeçare, ai i bën më mirë interesave të bashkëombasve tanë. Në këtë rast po, basti i Kurtit vërtet i’a, VLEN.

11 Komente

  1. k
    kelyshi i spiunit

    thjeshte, gjithecka eshte e keqe per kosoven, shqiperine e shqiptaret e maqedonise ka mbeshtetjen serbpp-kurt-sali dhe kete aleance antiamerikane e antishqiptare e mbeshtesin kurti e sali berisha dhe kylyshi i mehdi bushatit. ka arritja ali ahmet per shqiptaret e maqedonise po edhe po te pecahen nuk eshte keq se krahu ruso-serb i saliut albi kurtit. tamam keshtu mendon edhe serbia e rusia.

    1. Z
      Zefi

      Sa te jete Mero Baze ky Andi plehra do vazhdoj te jetoj. Tung

    2. S
      Shko keshilltar i Kurtit o Andi aman

      Nje mut vlen Kurti ne Maqedoni.

      1. E
        ENTSOE

        Vleresimin e Ben populli, ju ju gazetarit qe si shkaterruar PD qe braktisi parlamentin dhe zgjedhjet e 2021, do te shkaterroji dhe partite shqiptare te MV. Dhe inatin e keni me Ramen qe arriti te kete dhe kryminister shqiotsr ne MV. Ju Ka zene me kohe haku I tij dhe shumices te shqiotareve, jeni katandisur si njerez me epilepsi!!

        1. K
          Kastrioti

          Albin Kurti vlen ne Maqedoni aq sa vlen ti e soji yt ne lagjen ku dhjet ti. Ok?

          1. A
            ABC-ZH

            Albin Kurti mund të mbajë të gjitha fjalimet që do në Maqedoni, Shqipëri dhe nëpër forume të tjera, por asgjë nuk do ta ndryshojë faktin që politika e tij në Kosovë është e gabuar. Për Kosovën ia vlen të thuhet dhe të përdoret thënia e popullit: Më mirë të humbas spirancën se sa të gjithë anijen. Për të sqaruar, një spirancë pengon një anije të lëvizë...

            1. A
              Andit

              Andi Bushati, duhet ta dini se akuzat për tentim vrasjen e Albinit në Maqedoni në fakt ishin akuza por vrasjen e karakterit të tij.

              1. N
                Noci

                Albin Kurti ne inatin e vlera e te Rames dëshiron te behet kryeshqiptari i Ballkanit ne nje kohe kur ka prishur te gjitha maredhenjet me perëndimin dhe USA qe mund te çoje ne qenjen e tyre vetem ne rolin e paqeruajtësve ne Kosovë dhe te mos mendojnë ne zhvillimin e Kosoves Ne kohën kur Rama punoi per bashkimin e forcave shqiptare dhëuhet te jete orientuar edhe nga amerikanet per mos lejimin e kthimit ne pushtet te VMRO si parti pro ruse dhe anti perendimore.Kurti po punon pikerisht per kete pune duke perçare partitë shqiptare dhe perkrahu pikerisht personin e larguar nga koalicioni qe ka kaluar me opozitën .Bushatit duket i pëlqen kjo gje qe antishqiptari Kurti po ben dhe nuk do qe t'a kritikoje kush.Kumbonet do dëgjohen pas zgjedhjeve kur ndodhte shqiptaret mund te humbin te drejta te fituara keto vitet e fundit

                1. G
                  Grand

                  A di peshku- bushatli! Je para kohe!bin Kurti eshte nje egoist I tipt Adem Demaci! Dhe kaq! Per momentin, z. A. Bushat, quhesh pune mut muti!

                  1. J
                    Janina kryeqytet i Shqiperise Etnike

                    Po çfarë lidhje ke ti me Kurtin? Kurti është enverist dhe enverizmi është një kulturë politike që shkon drejt sovranizmit politik, ushtarak, ushqimor, ekonomik dhe industrial. Enverizmi është kulturë politike ateiste që i bashkon shqiptarët larg kancerit të feve mesjetare. Enverizmi është kulturë politike luftarake, që nuk i shmanget konfrontimit dhe investimit për të dobësuar dhe minuar fqinjët që rrezikojnë egzistencës e shqiptarëve. Enverizmi i shekullit të 20 ishte një vazhdim i kulturës së rilindasve, e përzier me ideologjinë e komunizmit dhe rezistencën përmes një diktaturë të hekurt, mu në mes të Luftës së Ftohtë dhe fërkimit të dy superfuqive më të mëdha të planetit. Enverizmi i shek të 21 pa dogmën e komunizmit, ruan të njëjtat vlera të shporrjes së kancerit të klerit nga kultura shqiptare, aftësinë për të menduar me kokën tonë dhe për të mos humbur iniciativën, bashkimin e kombit, dobësimin dhe minimin e fqinjve armiqsorë, sovranizmin, militarizmin dhe bindjen se fitoret e kombit shqiptar nuk dhurohen por fitohen me gjak. Nëse në Kosovë enverizmi është një kulturë politike që përfshin pak nga të gjitha subjektet politike, në Shqipërinë e delirantëve, psikopatëve, hajdutëve, pandoflalëpirsve dhe llomoqenëve, ku gjysma prostituon për Ferid Bejlerin dhe gjysma për amerikanët, as që i duket vula enverizmit. Megjithatë me gjithë përpjekjet për përçarjen me mijëra partiçka politike shqiptare, është e pashmangshme një lëvizje politike kulturore dhe sociale që të përfshijë dhe të përfaqësojë gjithë shqiptarët dhe Kurti duket përfaqsuesi më i denjë. I vetkontrolluar. I qëndrueshëm. Trim. Insistues. I pa korruptueshëm. I aftë, i sigurtë dhe i vendosur të mendojë me kokën e tij, pa pasur qëllim, humorin e atyre që imponohen si padronë. I gatshëm për sakrifica... , ju ka kallur datën të gjithëve nga SHBAja, BEja, Rusia, Serbia, Greqia dhe Edi Rama, pasi bajgat e Viçidolit dhe Çepanit kanë halle bythe, miljonash për të ruajtur dhe vesin e pederastisë me lloj lloj qeni të tërbuar antishqiptar, bashkë me konkubinat e tallavasë që paguajnë.

                    1. a
                      analisti

                      Kurti ne Makedoni vlen sa ti ne gazetari.

                      Lini një Përgjigje