Askush nuk e di në se Qeveria e Pajtimit Kombëtar do të shpëtohet apo do të hidhet poshtë. Në qoftë se Berisha do të lejohet të quhet përsëri President i Shqipërisë, planin e parë ky e ka kundër Qeverisë së Pajtimit. Intriga është kjo: Kryeministri Fino “ka shkelur Kushtetutën, sepse ka takuar popullin e Jugut. Ky kryeministër kur ka qënë në Amerikë ka bashkëpunuar me CIA, që së bashku me shërbimin sekret grek, ka organizuar revoltat në Shqipëri. Asnjëherë ky njeri nuk kundërshtoi Europën kur deklaroi se njeh si palë bisedimesh komitetet e pajtimit, popullin e revoltuar dhe partitë politike; zoti Fino dhe qeveria e tij hodhën baltë mbi Presidentin”.

Akuza është përgatitur. Berisha ka bërë gati denonciatorin dhe ekzekutuesin, i cili ndodhet brenda Qeverisë. Ministri i Rendit, një djalosh i ngarkuar me akuza për faje kriminale, sa kohë që nuk parapëlqen filmat e moshës së vet, endërron Xheknorin. Ndërkohë që persekutorët po presin aksionin.

Berisha është më i afti që ta ngarkojë fajin e tij mbi viktimën.

Viktimat e ardhshëm të Berishës

Jugu

Kryeministrit të Qeverisë së Pajtimit Kombëtar iu bë një komplot, njofton shtypi. Në këtë situatë?… Është e vështirë të kuptosh ç’po ndodh.

Pas marrosjes së parë të shtetit që i vuri topat popullsisë së Jugut, (tentativa tashmë ka dështuar), Berisha ndodhet në një krizë tjetër kundër Jugore. Kjo është një krizë që po piqet në një qetësi gati spitalore. Shenjat e para janë dhënë:

Komploti i organizuar në Shkodër kundër kryeministrit Fino, është një tentativë. Me këtë preku psikozën se “Veriu më përket mua”. Me sulmin ndaj Finos në Shkodër, në Jug mendojnë se “Veriu nuk na do”; ndërsa në Veri jep mesazhin se “unë Berisha jam përsëri i fortë”.

E dyta, të shtënat me armë mbi “Hotel Bologna” të Vlorës, vetëm një ditë para ardhjes së Dr.Vranickit në këtë qytet. Me siguri që shteti ka dorë. Kërcënohen përfaqësuesit e Europës sikur “Vlora është e rrezikshme”. Por edhe krismat e papushim në Tiranë natën e bujtjes së Vranickit, (në Tiranë kishin pushuar krismat për net me radhë), kërcënonin punën e Europës në Shqipëri.

Prill 1997

FANTAZMA E PRESIDENTIT MUND TË NGJALLET NË VITIN 1998.

Këto ditë kur Berisha në zyrën e tij po gris letra dhe përshëndet dashamirësit dhe shërbëtorët, po lëshon edhe zëra ndaj diplomatëve, politikanëve e gazetarëve se “pa mua nuk ka Shqipëri”. Plani i Presidentit për t’u ringjallur, rri gjithnjë zgjuar. Në njërën anë vazhdon djegia e vendit; në anën tjetër po happen fjalë se Berisha do ta marrë pushtetin një vit pas zgjedhjeve të Qershorit”.

Berisha në opozitë, do të jetë shumë i rrezikshëm për paqen e vendit.

Ky do të akuzojë qeverinë që do të dalë nga zgjedhjet e Qershorit. Një qeveri normale do të jetë e gatëshme të mbajë përgjegjësi normale. Këtë do ta keqpërdorë Berisha, duke kërkuar me zjarr dorëheqjen qeveritare mbas tij.

Në sinjalet që iu ka dhënë vizitorëve të huajve, ky ka lënë për të nënkuptuar se mbas humbjes së sigurtë në zgjedhjet e Qershorit, “Shqipëria do të ketë zgjedhje të reja në vitin 1998”.

Atëherë do të fillojë hakmarrja për kthimin e Berishës .

18 Prill 1997

TERRORI PO BIE

Për pesë vjet me radhë jetuam në terror dhe arrogancë Arroganca ushtrohej në emër të njërës palë, por nuk qetësonte asnërën: As palën e dhunuar dhe as dhunuesin.

Nuk u ndie më mirë simpatizani i Qeverisë se sa opozitari kur u aplikua Ligji 24/1; nuk u ndie më mirë i pari se sa i dyti kur masakruan opozitarët; nuk u ndie më mirë i pari se sa i dyti kur shteti sulmoi Jugun me avionë ushtarakë dhe me civilë të paguar për luftë. Qytetari nuk ndiehet kurrë mirë kur shteti sulmon qytetarin tjetër.

Këtu qëndron edhe dobësia e shtetit. Por shteti është budalla, dhe nuk e kupton se qytetarët nuk i ka me vete për t’i vënë kundër qytetarëve. Shteti mund të ketë me vete vetëm disa shërbëtorë të së keqes. Aq pak sa i mbeten shtetit dhe Presidentit në kohën kur ranë.

Ku janë këta sot?

Ishin rrotull Presidentit, por tani janë larguar nga vendi; janë fshehur diku jashtë… Pa atë nuk kanë ç’bëjnë ata. ..

Menjëherë pas kësaj ra qetësia. Sa i kartontë qënka shteti para njeriut.

Qetësia erdhi, apo ishte këtu, e fshehur nga frika? Njerëzit, veçanërisht në Tiranë, dalin lirisht në rrugë. Kaq iu mjafton për të qënë ët kënaqur. Rrotull ndërtesës ruse të Presidencës nuk ka më ushtarë, as shikas. Presidenca duket si një depo patatesh e braktisur.

Të vjen keq se shteti ka mbetur pa kryetar, por më mirë që u largua frika.

Korrik, 1997

2 Komente

A
Agron Gjekmarkaj.

8 Maj 2023, 19:25

Sali Berisha ose eshte psikopat, ose armik i hapur i Shqiperise dhe punon sipas skenarit serb per ta bere Shqiperine sa "nje koker miser". Kete e them se kam qene vet demokrat nga Vlora qe punoja ne kryeministri ku Berisha mori pushtetin...Nen luften kunder "komunizmit", pastroi Kryeministrine dhe ministrite e tjera nga "jugoret" dhe vecanerisht "vlonjatet" dhe i mbushi me veriore. Une cuditesha se nuk po kuptoja se cpune kishja une qe ai me futi ne listen e "komunisteve". Bile nuk kuptoja se si kish mundesi qe ai pastronte "komunistet" qe ishin nga Vlora dhe jugu dhe komunistet e vertete si vehjtja qe ishin nga veriu i ngrinte ne detyre. Vendin tone te punes e plotesoi me verior "injorante".... Me kalimin e kohe mu mbush mendja se Sali Berisha nuk eshte psikopat por armik, qe punon kunder Shqiperise. Patriotizmi dhe shqiparizma per mua nuk kish lidhje me veriun apo jugun por me formimin njerezor. Bile nga historia dija qe edhe origjina e imja si e shume familjeve te tjera nga jugu e kish origjinen nga veriu. Kjo eshte nje dukuri normale ne Shqiperi ku popullsia leviz nga veriu ne jug...Qe te mos zgjatem shume po them turp per shqiptaret qe besojne Sali Berishes, ketij percarsi te madh te kombit tone. Ai sot nuk ka pushtet por ka llapen sa te qenit qe nuk pushon se lehuri kunder jugut, sepse keshtu ja do serbit politika. Nga ana tjeter ne veri te Shqiperise leshon bomba armiqesore te tipit se asnje verior nuk duhet te votoje per Edin. Kush can bythe per Edin dhe te tjere or koqe i Vuciqit. rendesi ka uniteti kombetar. Ti edhe kur thua se ti dhe Albini jeni bashke kunder rames, sepse ai eshte me Vuciqin ve ne rradhe te pare percarjen kombetare kunder politikes qe eshte me shume "variacione"...

Përgjigjjuni
A
Asteri

9 Maj 2023, 09:38

Me këtë shkrim më duket se Agron gjakmarrja është I vërtetë.

Përgjigjjuni