Te fundit
Ministri i Drejtësisë Garland: Kishte arsye të mjaftueshme për kontrollin e pasurisë së Trump
13 Gusht 2022, 11:05Bota
TEMA
Ministri i Drejtësisë, Merrick Garland, thotë se ka pasur arsye të mira për kontrollin e pasurisë së Trumpit në Mar-a-Lago. Ai e autorizoi vetë bastisjen. Trumpi dhe mbështetësit e tij dyshojnë për një motiv politik.
Ministri i Drejtësisë i SHBA-së Merrick Garland tha se ai e kishte “aprovuar personalisht” bastisjen e FBI-së në rezidencën e ish-presidentit Donald Trump në Florida. Kishte “arsye të mjaftueshme” për veprimin, tha Garland në Uashington.
As FBI dhe as Departamenti i Drejtësisë nuk kanë dhënë shpjegime të hollësishme për kontrollin e pronës së Trumpit në Palm Beach të hënën (08.08). Këtë nuk e bëri as Garland, duke përmendur si justifikim “detyrimet etike”. Por ministri njoftoi se i kishte kërkuar gjykatësit përgjegjës në Florida që të publikonte urdhërin e bastisjes, sepse Trump ka konfirmuar bastisjen dhe ka një “interes të madh publik për këtë çështje”.
Problemet e mundshme
Trump mund të ankohet me shkrim deri të premten pasdite (sipas kohës së atjeshme lokale). Ish-presidenti e ka marrë urdhrin për bastisje, por nuk e ka bërë publik. Dokumenti duhet të shpjegojë më hollësisht pse autoritetet e konsideruan të nevojshme bastisjen – dhe çfarë kërkonin agjentët e FBI-së.
Sipas raportimeve të mediave, bëhej fjalë për dokumente që Trump kishte marrë nga Shtëpia e Bardhë në Mar-a-Lago pas përfundimit të presidencës së tij në janar 2021, ndonëse me ligj ai duhej t’i dorëzonte të gjitha dokumentet në Arkivin Kombëtar.
Washington Post raportoi, duke cituar burime anonime, se agjentët e FBI-së po kërkonin dokumente sekrete për armët bërthamore, ndër të tjera. Gazeta nuk shpjegon nëse armët bërthamore ishin amerikane apo nga ndonjë shtet tjetër.
Kontrolli i shtëpisë së Trump konsiderohet i paprecedentë në historinë e SHBA. Presioni mbi ministrin Garland është rritur kohët e fundit për të marrë një qëndrim. Trump nuk ishte në shtëpinë e tij gjatë bastisjes.
Zemërimi në qarqet e krahut të djathtë
Ish-presidenti e përshkroi veprimin si të motivuar politikisht. 76-vjeçari pretendon se demokratët e Presidentit Joe Biden po përdorin gjyqësorin për ta penguar atë të kandidojë në zgjedhjet presidenciale të vitit 2024. Deklarata të ngjashme janë bërë nga përfaqësuesit kryesorë të Partisë Republikane të ish-presidentit Trump.
Në qarqet e krahut të djathtë, bastisja ka shkaktuar zemërim, që zgjon frikën për nxitjen e dhunës së mundshme. Drejtori i FBI-së Christopher Wray u ankua për kërcënimet kundër policisë federale të mërkurën dhe i përshkroi ato si “të dënueshme dhe të rrezikshme”./DW
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
"Ministri i drejtesise" nuk eshte perkthimi i duhur, ... Ne SHBA ky eshte Prokuror i Pergjithshem dhe sa per dijeni eshte meruar nga vete Tra(m)p
Ngaterohesh me drejtorin e FBI-se Christofer Wray Sara , ate vendosi Trumpi ne 2017 -ten dhe jo Merrik Garland ..... Pak rendesi ka ne Shtetet e Bashkuara se kush te vendos apo te heq , po ngriten doren ne betim mbaron cdo gje qe ka te beje me njofjen dhe dekretimin ....nje profesionalizem i papar , kjo e para dhe e dyta dhe me kryesosja atje organet e drejtesise , Policise , sigurimit , FBI dhe CIA jane komplet te pavarura ...nga lamashet e politikes
Nuk ka diferenc te madhe .......kap thelbin dhe ec me tej ......vec nje korigjim te vogel , Merrik Garland u emerua nga Joe Biden , ne kohen kur President ishte Donald Trump , Prokuror i pergjithshem ishte William Barr....ndoshta ngaterohesh se atij ju kerkua te qendrnte ne detyre ....vec dha doreheqien .....tung