Te fundit
Ukraina zotohet për hakmarrje pas sulmit rus që la mbi 50 të vrarë
7 Shtator 2024, 15:29Bota
TEMA
Në qytetin Poltava të Ukrainës iu dha lamtumira e fundit më shumë se 50 të vrarëve si pasojë e sulmeve ajrore ruse më 3 shtator. Nga sulmi në një objekt të stërvitjeje ushtarake u plagosën më shumë se 300 vetë.
Ndërsa familjarë dhe banorë të qytetit ishin në zi, Presidenti ukrainas Volodymyr Zelenksyy u zotua se do të rrisë prodhimin e armëve në vend duke ndërtuar fabrika nëntokësore për t'u bërë ballë sulmeve ruse me raketa dhe dronë. Ai përsëriti thirrjet për heqjen e kufizimeve që lidhen me përdorimin e armëve perëndimore në luftën me Rusinë, duke vënë në dukje se Ukraina po zhvillon raketat e veta për të ushtruar trysni ndaj Moskës.
Gjatë javëve të fundit, Rusia ka intensifikuar sulmet me raketa dhe dronë kundër qyteteve ukrainase, duke patur si objektiv infrastrukturën energjetike në të gjithë vendin dhe shkaktuar sulme vdekjeprurëse në zonat e banuara.
Forcat Ajrore të Ukrainës njoftuan se Rusia lëshoi 67 dronë drejt Ukrainës dhe 61 prej tyre u rrëzuan. Mbetejet e një prej dronëve u panë në një rrugë jashtë parlamentit të Ukrainës.
Ndërkohë, një sulm me artileri nga Rusia në qytetin në lindje të Ukrainës Kostiantynivka, në rajonin e Doneskut la të vrarë tre persona dhe plagosi tre të tjerë, tha guvernatori Vadym Filashkin.
Kievi vazhdoi sulmet kundër Rusisë. Të shtunën, guvernatori i rajonit rus Voronezh tha se një sulm me dron kishte shkaktuar një zjarr të madh dhe ishte shpallur gjendja e jashtëzakonshme në disa zona dhe banorë të disa njësive ishin evakuuar./ VOA
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Luft e cmendur prijesish te shitur e te cmendur ! Te roft "pavaresia"dhe shkeputja nga Rusia me kte gjakderdhje qe i fale popullit tend me kte luft civile me "ndihmen" e miliardave qe e zhyte Ukrainen ne borxh te perjetshem Kto pare qe po rjedhin lum qe te fitosh kte luft a thu se "fajdexhijve"ju dhimbset popull Ukraines ? Sakrifikove popullin "tend"per ti zbath breket Rusis qe prej kohes se Napolon Bonapartit qe aq e lakmonte , e pas luftes dyt Boterore ishte nje superfuqi qe ruante ekuiliber Je i shitur o Zelensk dhe mos kujto qe edhe sikur te dalesh i fituar do ju falesh lumturin ktij popull qe e zhyte ne kte luft pasojat e te cili do ju duhen 5 brezave ti shlyejn U bere prijesi interesave perendimor me gjak Ukrainas U tregove i padurushem perball nje tjeter te cmenduri dhe pranove kte luft qe vetem Ukraines nuk po i sherben ...... Qofsha i gabuar ........