Te fundit
Drejtësia e re po bëhet ideologjia e re
3 Shkurt 2024, 19:27Editorial
Mero Baze
Nëse drejtësia e re nuk ka arritur ende të fusë në sitë gjithë klasën politike, së paku ka arritur ta vendosë në rresht. Me kaq pak viktima sa ka deri tani, efekti i saj është i qartë dhe pushteti i saj mbi politikën është i plotë.
Sot politika shqiptare nuk është më e djathtë apo e majtë, por pro SPAK dhe kundër SPAK. Sot Flamur Noka, mëkëmbës i Sali Berishës, që drejtësia e ka mbyll majë ballkonit, u bëri thirrje socialistëve të mbështesin protestat e tyre kundër SPAK, për çlirimin nga burgu të Sali Berishës. Madje si argument përdori dhe intervistën e Arben Ahmetajt. Demek mirë mua që më quani budalla, po besoni Benin të paktën.
Ilir Meta po ashtu është futur në rresht në këtë betejë kundër drejtësisë së re.
Përballë tyre socialistët vazhdojnë ta konsiderojnë drejtësinë e re vepër të tyre, edhe pse kanë më shumë viktima se kushdo tjetër, ndërsa brenda opozitës palët po ashtu janë ndarë pro drejtësisë dhe kundër saj.
Pra në një farë mënyre kjo që po bën drejtësia e re mbi politikën shqiptare, më shumë se sa shifra të dënuarish, ka rëndësi fakti që atyre u ka dhënë kauzë për të vazhduar më tej dhe për të bërë aleanca.
Sot kemi Berishën, Metën dhe disa socialistë të ndëshkuar që janë kundër drejtësisë së re, dhe Partinë Socialiste, PD por dhe një fraksion deputetësh që janë pro drejtësisë së re.
Madje i vetmi frymëzim politik në këto kohë është vetëm debati mbi drejtësinë. Të gjithë që flasin për programe apo për akuza korrupsioni, në fund kërkojnë aleancë me drejtësinë.
Drejtësia është kthyer sot në ideologjinë e re të politikës shqiptare, e cila po i detyron partitë të rreshtohen pro, ose kundër korrupsionit. Ndaj çdo sajesë politike, çdo pazar për vulë a logo, çdo përpjekje për t’i vjedh Berishës elektorat e për ta përdorur kundër tij, apo çdo përpjekje për të goditur pushtetin e socialistëve me histori korrupsioni, shkojnë dëm, pasi në finale, ajo që mbetet në mendjen e njerëzve është vetëm rreshtimi pro apo kundër drejtësisë.
Tani ata që janë pro drejtësisë së re, mund të jenë dhe të korruptuar, por janë ata që pranojnë ndëshkimin nga drejtësia, dhe kjo “ideologji” i bën ata fitues tek elektorati. Pala tjetër, dikush që tani është majë ballkonit apo në qeli nga drejtësia, apo të tjerë që presin radhën, por janë rreshtur kundër drejtësisë, nuk kanë asnjë perspektivë të ngrejnë peshë zemrat e njerëzve duke thënë nuk e duam drejtësinë.
Me drejtësinë mund të bësh betejë, mund të mbrohesh, mund të dëshmosh faktet e tua përballë spekulimeve të mundshme të prokurorëve, por nuk mund të mos e pranosh sistemin.
Ndaj Flamuri nuk bën keq që thërret socialistët në protestë për të mbrojtur Berishën, pasi tani nuk ka më të majtë e të djathtë, ka elektorat pro apo kundër drejtësisë. Por nuk e kuptoj pse i duket që socialistët janë kundër drejtësisë, që i fton në protestë për të shpëtuar Berishën. Ata kanë dorëzuar gjysmën e qeverisë së tyre dhe duken të kënaqur. Jo për Berishën, që kënaqen ta shikojnë dhe më keq se aq.
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
aq pak tru sa ka mul noka ka gomari 10 here ne shume
Që Flamuri u kërkon socialistëve të bëhen bashkë dhe ndihmojnë kundër drejtësisë, kjo mendoj është sjellja më e sinqertë e shfaqur ndonjëherë. Këtë që bënë Flamuri hapur Berisha ka 32 vjet që e bënë fshehurazi. Dhe kur kërkon ndihmën e socialistëve kundër drejtësisë, kjo në fakt duhet kuptuar ashtu siç është, ndihma kërkohet kundër Amerikës, është kjo që filloj sulmin kundër mbeturinave komuniste të cilët kurrë nuk ditën të bëjnë diçka njerëzore në këtë vënd; për 40 vjet e ropën me punë skllavëruese të papaguar, tani kanë 32 vjet që e ropën duke kthyer në sistem vjedhjen e financave publike, ndihmat që jep perëndimi për zhvillimin e vëndit.
Beni Benushi lepurushi jetone kot nga z/ kryeminister shkone e bie ne prehrin e te Qimit Peka sherbetor i familjes kriminale Berrisha turpe o Benush legeni . Beri burge Saimir Tahiri nuk vdiqe sot eshte i lire e jo langaraq si ty shko varre veten legen
Se është nje KOQE GOMARI o zBaze! Kur don te beje politike dhe i biri tetos, Mul Noka, mos ngelte politikan me këmbë pastaj…
o mero mo vdeksh kurre, kjo eshte nanografia e vertet, poshte antiamerikate, poshte serbet dhe grekest, rrofte spaku
Mero Baze , aktualisht mbetet gazetari me i komletuar , nga te gjithe gazetaret , te vjeter e te rinj . Kjo rubrike e Meros , qe ka disa vite , qe godet fort , nuk ka krahasim per te tere spektrin politik aktual . Emrat e personazheve te meros , si Muli , Selo , Presori e te tjere , jane skalitur , sikur i ka bere nena e tyre . E tere Anten a, eshte "Portokallia " jasht skenes . Portokallia , po te veje ne skene , c'do jave Antenen , i ka mbaruar detyrat me spektatoret e vet dhe te gjithe Shqiperise . Nukk eshte treguar i nje anshem Mero . Ka goditur ne te dy krahet .Me thoni nje shkrimtar te ketyre kohrave , te kete bere sarkazem sa Mero . Tani u kthye nga SPAKU , tamam ne kohen e duhur . Popullit shqiptar , i duhet ajo Parti , qe mbeshtet moralisht SPAK . Keto 4 germa do te shkruajne historine reale te Shqiperise . Zgalem
drejtesia sduhet te ndryshoje te gjithe kriminelet dhe hajdutet duhet te denohen sipas neneve e jo ne arreste shtepie qe te mbash fjalime dhe te besh rremuje ne parlament po ne burg.
Rrofte spaku poshte serbi greku dhe turku qe bo loje me kto shtete kundra shqiperise
Mero, qellimi I nje gazetari eshte te jete antikomformist. Ti sot je nje sherbetor I Rames. Ne nje vend tjeter do ishte nje gazetar teper I vleresuar. I je bashkuar TopChannel te cilin rama e ka bere te tijin. Te flasesh per drejtesi nga spaku eshte e ulet, eshte tallje. Jeni shitur tek shejtani