Te fundit
Bypass-i i Tiranës, lidhet kontrata e dytë - Ndërtimi i 8.5 km nga Kashari në Vaqarr do kushtojë 5.9 mld lekë
13 Shtator 2025, 12:40Ekonomia
TEMA
Autoriteti Rrugor Shqiptar ka firmosur kontratën për lotin II të bypass-it të Tiranës, duke i hapur rrugë nisjes të punimeve. Marrëveshja është nënshkruar me bashkimin e operatorëve “Elmazaj Konstruksion” & “INC S.p.A.”, me një vlerë prej 2.73 mld lekë, me TVSH dhe parashikon ndërtimin e një segmenti rreth 4 km.
Për lotin I të këtij projekti, ARRSH nënshkroi pak ditë më parë kontratën me kompaninë “4 A-M”, me vlerë 3.15 mld lekë, me TVSH. Dy lotet së bashku kanë një gjatësi prej 8.5 km që mbulojnë segmentin Kashar–Vaqarr, një pjesë kyçe e bypass-it, ndërsa kosto për ndërtimin e tyre shkon në rreth 5.9 mld lekë.
Bypass-i i Tiranës ka një gjatësi totale prej 21.6 km dhe konsiderohet ndër projektet më të rëndësishme të infrastrukturës rrugore, pasi do të lidhë direkt autostradën Durrës–Tiranë me Tiranë–Elbasan, duke shmangur hyrjen e trafikut tranzit në kryeqytet.
Edhe pse përmbyllja e plotë kërkon tenderimin e pjesëve të mbetura, ndërtimi i Kashar–Vaqarr (lotet I dhe II), së bashku me lotin Kashar–Lekaj të Autostradës Milot - Fier, i cili përfshin 7 nga 8.5 km e tenderuara të bypass-it, pritet të mbyllë të gjitha hallkat e korridorit Adriatiko–Jonian.
Përveç lehtësimit të qarkullimit, projekti pritet të sjellë përfitime mjedisore dhe urbane: devijimi i trafikut të rëndë jashtë Tiranës do të reduktojë ndotjen e ajrit, ngarkesën në rrugët brenda qytetit dhe rrezikun e aksidenteve.
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Punë e lenë në mes,nuk e çojnë deri tek ura e peshkatarit por do të bëjnë edhe dhjetë tendera edhe tridhjetë inagurime deri sa të vdesim në trafik.
Po kompetent ke shum te drejte . Pall kari
O i sëmurë pse shkruan pa lidhje?
Prit gomar te mbije bare! Do te jene gati ne vitin 2050!
Vjedhje te mbara
Po mire qe vjedhin por bejne dhe pune gjysmake. Me kete bypass dhe perfundimin e Korridorit te 8, trafiku nga Tirana, Veriu e Kosova drejte Jugut nuk do kaloje me ne Durres por ne Elbasan. Por nderkohe ne Elbasan autostrada me 2 korsi perfundon ne 2 rreth-rrotullime njeri-pas tjetrit, ku midis te dyve kamionet e larte duhet te vihen mes 2 korsive kur kalojne poshte ures se trenit. Nderkohe bypassi i Elbasanit dhe Korridori Blu jane vetem nje ide per momentin.
Eh të lumtë pjeshka moj Belah, që i kalove standartet nga 1M euro për Km e çove 7... Prite kur t'a çosh 10. Kaq gropë të madhe ke moj Belah sa nuk po të mbushet !!!