“Lumë” eurosh në bankat shqiptare, depozitat rekord

Muaji gusht ka sjellë me vete një rekord të ri sa i përket flukseve valutore në tregun financiar vendas, veccanërisht ato në monedhën e përbashkët evropiane. Flukset pasqyrohen qartë në sasinë e valutës që është depozituar nëpër bankat shqiptare gjatë gushtit, i cilin përkon me kulmin e sezonit turistik. Ndërsa përgjatë gjithë vitit, volumi i depozitave bankare në euro është rritur me vlerë dyshifrore, rreth 15%, rekordi i vërtetë është shënuar në gusht.

Banka e Shqipërisë raporton se totali i depozitave në valutë arriti afërisht 7.1 miliardë euro. Krahasuar me muajin korrik ato kanë shënuar një rritje prej 4.2%, nga 6,8 miliardë euro. Norma vjetore e rritjes së depozitave në valutë nga 15.9% në gjysmën e vitit, ndërkohë që ky tregues rezulton 16.5% në fund të gushtit.

Depozitat në valutë të huaj kanë balancuar edhe rënien e atyre në lekë, duke qenë përgjegjëse për rritjen e depozitave në total në sistemin tonë bankar. Totali i depozitave të përfshira në paranë e gjerë rezultoi 1,28 trilionë lekë në muajin gusht, nga 1,23 trilionë në muajin e mëparshëm.

Në fund të muajit gusht, depozitat në monedhën tonë kombëtare rezultojnë në 540,9 miliardë lekë, nga 545.9 në muajin korrik. Rënia kaq e ndjeshme e depozitave në lekë është balancuar pra nga rritja shumë e fortë e depozitave në valutë.

Ndërkaq, sipas Bankës së Shqipërisë, nivelet e moderuara të rritjes së depozitave në lekë reflektojnë si konsolidimin fiskal ashtu dhe rritjen e preferencës për të investuar kursimet në letra me vlerë të qeverisë, duke qenë se vecanërisht gjatë fundit të vitit të shkuar, një pjesë e mirë e individëve preferuan të tërheqin paratë nga bankat për t’i investuar në bono thesari.

Për t’u shënuar është që këtë vit, veccanërisht gjatë tremujorit të dyte, është shënuar një përmirësim më i fortë i depozitave të bizneseve krahasuar me ato të individëve, duke reflektuar gjendjen e mirë të likuiditetit dhe në përgjithësi përmirësimin e gjendjes financiare të tyre. (Lorenc Rabeta)

Qiratë në Tiranë, 30% më të shtrenjta për 2023

19:51 Ekonomia

Rama: Në 1 tetor hyn në fuqi Marrëveshja për Sigurimet Shoqërore mes Shqipërisë dhe Zvicrës. Së shpejti dhe me Italinë

17:40 Ekonomia 2 komente

"Tigri1" dhe "Tigri3" një vit “gjumë“ në Vlorë

17:15 Ekonomia 27 komente

Bregu: Bota po ndryshon vazhdimisht dhe e ardhmja s’mund të jetë vetëm pasqyrë për të shkuarën

19:51 Ekonomia 6 komente

Sa emigrantë paguajnë për pension në Shqipëri?

22:10 Ekonomia

Ku shkuan produktet “Made in Albania’?

21:30 Ekonomia 1 koment

Rekord historik, sipërmarrësit shqiptarë investuan 126 milionë euro jashtë në janar-qershor

19:18 Ekonomia

Shtrenjtohet kredia në euro, ndikoi vendimi i Bankës Qendrore Europiane për rritjen e normës së interesit

21:51 Ekonomia 1 koment

“Durrës Marina” hedh themelet – Nis ndërtimi i dy godinave të para të superprojektit

22:00 Ekonomia 3 komente

Çmimet të papërballueshme, qiratë e shtrenjta i detyrojnë studentët drejt konvikteve

19:40 Ekonomia 2 komente