Te fundit
Çmimet e vezëve në Shqipëri, më të larta se mesatarja e BE-së – Renditemi në vendin e 11-të për shtrenjtësinë
13 Mars 2023, 21:30Ekonomia
TEMA
Rritja e çmimeve të vezëve në Shqipëri për fillimin e 2023 ka shënuar një vlerë më të lartë sesa mesatarja europiane. Si çdo produkt ushqimor për shkak të inflacionit edhe veza ka pësuar një rritje të mëtejshme e cila për fillim vitin për Shqipërinë është përkthyer në 39.3% rritje krahasuar me të njëjtën periudhë të një viti më parë. Nga 35 vende të marra në studim Shqipëria renditet në vendin e 11 përsa i përket rritjes së çmimeve për këtë produkt.
Të dhënat për janarin 2023 tregojnë se çmimi i vezëve në BE ishte mesatarisht 30% më i lartë se në janar 2022 ose 8.9% më pak se Shqipëria. Ndër vendet e Europës, rritja më e lartë e inflacionit vjetor për vezët u regjistrua në Çeki (+85% në janar 2023 krahasuar me janarin 2022), e ndjekur nga Hungaria (+80%) dhe Sllovakia (+79%). Rritje më të vogla por ende të konsiderueshme u regjistruan në Gjermani dhe Luksemburg (të dyja +18%) dhe Austri (+19%).
Nëse ndalemi në të njëjtën periudhë në vendin tonë shohim që shifrat e Institutit të Statistikave janë larg raportimeve të Eurostat. Pavarësisht se në Shqipëri u shënua një zbutje e papërfillshme e rritjes së çmimeve për shkak se inflacioni ra nga 7.2% në 7.1%, grupi i qumështit, bulmetrave dhe vezëve shënuan vlera të larta. Sipas Instat çmimet e nëngrupit “Qumësht, djath dhe vezë” rezultojnë 28% më të larta se një vit më parë. Mesa duket shifrat e Institutit të Statistikave raportojnë një realitet larg mesatares europiane dhe asaj që Shqipëria rezulton në rang Europe.(Scan)
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Dhe si përfundim kur do na tregoni, sa lek bën një vezë në Shqipëri dhe sa në Gjermani....?
25 cent ben ne Gjermani.
Po pse ka statistika Shqiperia????