Nisin lehtësitë për uljen 50% të taksës së arsimit dhe pastrimit; Dokumentet që dorëzohen

Bizneset e drejtuara nga gratë kryefamiljarë me më shumë se 3 fëmijë në Tiranë prej muajit gusht do të nisin të paguajnë 50% të detyrimit të taksës së përkohshme për infrastrukturën arsimore.

Përfitues të kësaj lehtësie fiskale për Tiranën do të jenë edhe shoqatat e krijuara nga pensionistë dhe persona me aftësi të kufizuara. Këto kategori do të lehtësohen në masën 50% edhe për tarifën e pastrimit.

Drejtoria e Përgjithshme e Taksave dhe Tarifave Vendore konfirmon se kanë hyrë në fuqi ndryshimet fiskale për këto kategori të  miratuara në vendimin “Për disa shtesa dhe ndryshime në vendimin nr.158, datë 26.12.2019,  të Këshillit Bashkiak, “për sistemin e taksave dhe tarifave vendore në qytetin e Tiranës”, të ndryshuar.

Teksa kategoritë përfituese të zbritjes së detyrimit për taksën e përkohshme të infrastrukturës arsimore dhe të tarifës së pastrimit, për përfitim duhet të dorëzojnë pranë Drejtorisë së Taksave dhe Tarifave vendore dokumentacionin përkatës.

Konkretisht pas depozitimit të certifikatës familjare dhe ekstraktit historik të regjistrit tregtar me të dhënat e subjektit, pranë Drejtorisë së Përgjithshme të Taksave dhe Tarifave Vendore”, theksohet në relacion.

Ndërsa për shoqatat përfitimi do të bëhet efektiv pas dorëzimit të dokumentacionit ligjor që vërteton përbërjen e shoqatës.

Përfaqësuesi juridik i shoqatës duhet të depozitojë pranë Drejtorisë së Përgjithshme të Taksave dhe Tarifave Vendore, vendimin e gjykatës nëpërmjet së cilit është regjistruar shoqata dhe dokumentin shoqërues që vërteton statusin e pensionistit apo të personit me aftësi të kufizuara sipas rastit.

Për pagesat e detyrimeve vendore bizneset në Tiranë kanë afat për pagimin e tyre deri në 31 Maj nga 20 Prill që ishte më parë afati. Ndryshimet erdhën pas hyrjes në fuqi të  vendimi nr. 59, datë 24.07.2025, i Këshillit Bashkiak Tiranë.

Mbështetur në ndryshimet e miratuara nga Këshilli Bashkiak, po ashtu çdo detyrim i ri paguhet brenda 15 ditësh nga lindja e tij. Ndërsa për bizneset e reja, pagesa nis nga muaji i regjistrimit, në Qendrën Kombëtare të Biznesit.

Gjithashtu prej muajit gusht tatimpaguesit njoftimet për detyrimet vendore përveçse nëpërmjet postës elektronike, njoftohen edhe nëpërmjet e-Albania.

Deri më tani ky shërbim ishte i orientuar kryesisht për bizneset, por tashmë është zgjeruar edhe për qytetarët që zotërojnë njësi tregtare apo pasuri të tjera të përdorura për aktivitet ekonomik.

Ky shërbim u jep mundësinë përdoruesve të kenë qasje të drejtpërdrejtë dhe në kohë reale mbi vlerën e përditësuar të detyrimeve të tyre vendore, përfshirë penalitetet për pagesat e vonuara.

Nga taksa mbi ndërtesën, truallin dhe tokën bujqësore, deri te tarifa e pastrimit, taksa e tabelës apo shfrytëzimi i hapësirës publike çdo detyrim shfaqet i detajuar sipas vitit, shumës dhe këstit./ D.Azo/monitor.al

Hyn në fuqi vendimi: Shpërblim deri në 3 paga për punonjësit e angazhuar në shuarjen e zjarreve

09:55 Ekonomia 1 koment

Pse marrim më shumë kredi?

09:49 Ekonomia 1 koment

Çmimet e importeve në ulje për të tretin vit radhazi, rënie vjetore 0.7% në prill-qershor

07:50 Ekonomia 1 koment

Sa do paguajnë shqiptarët në banka? Vendimi për të ulur komisionet e pagesave elektronike, kursime deri në 10 herë më shumë

20:12 Ekonomia 1 koment

Bizneset duhet t’i menaxhojnë vetë mbetjet, gjoba deri në 1 mln lekë nëse refuzojnë

18:29 Ekonomia 1 koment

Merr fund pritja, hapet nesër për qarkullim rruga Qukës–Qafë Plloçë

17:50 Ekonomia 1 koment

Rendiment rekord i pjeshkës në Peqin: Prodhimi u rrit me 42 përqind

17:20 Ekonomia 6 komente

VIDEO/ Sa investojnë vendet e BE-së për studentët?

13:00 Ekonomia

93 mln € për gazin natyror, dy projekte kyçe në Shqipëri marrin dritën jeshile

09:02 Ekonomia 5 komente

Ndërtimi nën presion, rriten kostot e pagave dhe makinerive, ekspertët: Shpenzimet për punëtorët, ndër më të lartat

20:24 Ekonomia 1 koment