Te fundit
Rritet niveli i Fierzës/ Reshjet përmirësojnë situatën hidrike, shtohet prodhimi i energjisë
5 Tetor 2024, 16:20Ekonomia
TEMA
Reshjet e dendura të shiut kanë dhënë efek pozitiv në situatën energjitike në vend. Intesiteti i madh i reshjeve dy ditët e fundit ka bërë që niveli i ujit në Fierzë të rritet me gati 2 metra. Aktualisht rezulton se niveli në kaskadë është 271.7 metra nga rreth 270 që ishte një javë më parë. Po ashtu mësohet se dhe prurjet janë shtuar duke rezultuar në 110 m3 kub në sekond nga 70 që ishin para disa ditëve.
Përmirësimi i situatës hidrike nënkupton rritjen e prodhimit të energjisë elektrike në vendin tonë. Prej disa muajsh Korporata elektroenergjitike Shqiptare ka importuar energji elektrike për të plotësuar nevojat e vendit.
Vetëm në javën e fundit KESH ka blerë energji në vlerën e 4 milionë eurove. Mungesa e reshjeve të shiut ka ndikuar në prodhimin e energjisë gjatë këtij viti por treguesit e sektorit energjitik në vend janë më optimist pasi ka ulje te humbjeve në rrjet e rritje të arkëtimeve. Prej disa muajve në vend ka pasur shumë pak reshje duke ndikuar në nivelin e ujit në kaskadën e Drinit. Sipas Entit Rregullator të Energjisë gjatë 8-mujorit të këtij viti u prodhuan rreth 5.4 mln mwh nga 6.2 mln mwh që ishte një vit më parë.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Si u rrit si nuk u rrit niveli i ujit ne Fierze, kuotat e vjedhjes nga qeveritaret dhe Ed Brekushexhiu nuk ndryshojne.
Jena lind me keto budaliqe , dhe po vdesim me po te njejtat budalliqe.iu ngrit Fierzes ,s'iu ngrit FIERZES, as i duhet gje konsumatorit, perdryshe krijoni Fondin Publik te Energjise dhe fitimet nga shitja e energjise kur FIERZES i ngrihet mos i merrni per xhepat e juaj por ndajini me shqiptart e thjeshte, vetem athere do te kem interes kur FIERZES ti ngrihet apo ti ulet, ne te kundert JE shtet ta paguaj energjine shko blije dhe moc na caj kryet hic me Fierzen, mallin ta paguaj ti ke detyrimin ta gjesh nese JO dorhiqu dhe leri perallat me FIERZE E KOMAN