Të huajt duan të investojnë, i “frikëson” mungesa e punonjësve, fillojnë importimet nga vendet e tjera

Bumi i turizmit, reklama e mirë e Shqipërisë në arenën ndërkombëtare por dhe përmirësimi i klimës së të bërit biznes, po tërheq gjithnjë e më shumë të huajt të investojnë në vendin tonë. Në takimet me bizneset në Shqipëri sipërmarrësit tregojnë se është sektori i shëndetësisë, ndërtimit, logjistikës por së fundmi edhe i turizmit që po “joshin” më shumë të investojnë.

Investimet më gjysmën e parë të vitit nga të huajt në Shqipëri u rritën në nivelin e 750 milionë eurove, 56,3 milionë më tepër se në po të njëjtën periudhë kohore të një viti më parë.

Kryesisht nga shtimi i flukseve të reja por dhe rritja e riinvestimeve. Duan të investojnë por i druhen mungesës së fuqisë punëtore. Këto biznese tashmë i kanë hapur thirrjet për të tërhequr punonjës nga vendet e tjera.

Po kërkoni punonjës nga Filipinet për biznesin tuaj. Janë këto reklama që bizneset në Shqipëri kanë përhapur së fundmi për importimin e fuqisë punëtore të huaj nga vendet e tjera kryesisht nga Indonezia por dhe Filipinet pas deklaratës së kryeministrit Edi Rama, për plotësimin e nevojës për punëtorë në Shqipëri.

“Politika duhet të vërë dorë në mënyrë urgjentë sa i përket pjesës së punonjësve, sepse ky është problemi kryesor”, thotë një investitor.

Po çfarë punëtorësh të huaj mund të vijnë në Shqipëri. Kryesisht punëtorët në ndërtim, industri, inxhinierët, punonjësit shtëpiak, punëtorët e bareve, restoranteve, punonjësit e hoteleve.

Rreth 21 mijë ishte shifra e të huajve në fund të 2023 me leje qëndrimi, të cilët si arsye kryesore qëndrimi në Shqipëri kishin punësimin në bizneset vendase. Ndërsa qeveria parashikon të tërheq në Shqipëri rreth 40 mijë punëtorë të huaj. (Marinela Lina)

Reagimi i Bankës së Shqipërisë ndaj kredive të këqija: A është zgjidhje kufizimi i kredidhënies?

11:27 Ekonomia

Po vijnë më shumë, por po shpenzojnë më pak

22:00 Ekonomia 1 koment

Çmimet e apartamenteve u rritën me gati 17%

21:50 Ekonomia 1 koment

Rritja e pagave? E gërryen rritja e çmimeve, mbetet vetëm 3-5% në vit

21:20 Ekonomia 2 komente

Bie ritmi tek pagat, privati nuk po ndjek shtetin

20:50 Ekonomia

Burg kush nuk deklaron pagat e punonjësve, sa është deficiti i skemës së pensioneve

20:20 Ekonomia

A u shitën më shumë prona këtë vit? “Boom” blerjesh të banesave në bregdet. Vështirësohen shitjet në Tiranë

21:40 Ekonomia 2 komente

Remitancat, rekord historik

21:30 Ekonomia 6 komente

Pak shitje, çmime më të larta: Apartamentet vijojnë të shtrenjtohen, në nivelet më të larta historike

21:00 Ekonomia 3 komente

Turistët sollën 1.9 miliardë euro në gjashtë muaj – Të ardhurat neto vlerësohen në rreth 739 milionë euro

20:30 Ekonomia