Te fundit
E gjithë Tirana me shërbimin Wifi? – Nga sheshi Skëndërbej e deri në Kombinat, cilat janë zonat që do të përfshihen
24 Prill 2023, 21:20Hi-Tech
TEMA
Kryeqyteti pritet të mbulohet në një sipërfaqe të konsiderueshme të tij nga shërbimi Wifi, për t’u ofruar qytetarëve aksesimin në internet. Për këtë arsye Bashkia Tiranë ka hapur tenderin me vlerë 12.5 milionë lekë me titullin “Zhvillimi dhe rritja e kapaciteteve të infrastrukturës për ofrimin e shërbimit wifi në ambjentet publike të Tiranës”.
Në tender thuhet se deri më tani ky shërbim ofrohet në 13 hapësira publike si Sheshi “Europa”, Parku “Rinia”, Sheshi “Nënë Tereza” Fusha e Aviacionit etj.
Përtej shesheve të vendosura pritet të ofrohet ky shërbim edhe në 14 hapësira të tjera publike të tilla si Sheshi Skënderbej, Pazari i Ri, godinat e studentëve tek Fakulteti Inxhinierisë së Ndërtimit, terminalet e autobusave si kombëtar dhe ata që ofrojnë shërbimin ndërkombëtar, pranë Liqenit Farkës, Ali Demi, Kinostudio, Kombinat dhe tek Liqeni Artificial.
Për ofrimin e ktëij shërbimi sa më cilësor do të vihen në dispozicion një sërë pajisjesh në zonat përkatëse.
Qëllimi i këtij projekti është zgjerimi i hartës së ofrimit të shërbimit WiFi, nëpërmjet zhvillimit të infrastrukturës nevojshme për këtë qëllim, në hapësira të reja publike në qytetin e Tiranës, zgjerimi i infrastrukturës në ambjentet ekzistuese nëse do të konsiderohet e nevojshme nga autoriteti kontraktor si dhe mirëmbajtja e pajisjeve, aksesorëve dhe të gjithë komponentëve që mundësojnë ofrimin e shërbimit, sipas kërkesave në këtë dokument.
Periudha do të jetë 12 muaj nisur nga kjo datë për realizimin e projektit me të gjithë komponentët përbërës. Ndërsa mirëmbajtja do të jetë 24 muaj, duke filluar nga data e marrjes në dorëzim të projektit.(SCAN)
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
projekti smart city. Interesant. Projekt globalist per kontrollin e njerzve.
Eshte mese normle , nese deshrion qe ti dhe familia e jote,te Jetoshe i lire dhe mos te keshe probleme. Eshte dhe nje ndimese e madhe per cilindo Qyteatre ,qe ska mundesi te bleje per rimbushje Intrernetin,,apo edhe per Turistat...
Eshte mese normle , nese deshrion qe ti dhe familia e jote,te Jetoshe i lire dhe mos te keshe probleme. Eshte dhe nje ndimese e madhe per cilindo Qyteatre ,qe ska mundesi te bleje per rimbushje Intrernetin,,apo edhe per Turistat...
Se mos beni gabim qe ta shtrini kete projekt edhe ne lagjen nr.14 ,Astir-Yzberisht me mbi 100 mije banore,si lagja me sasine dhe dendesine e banoreve me te madhe ne Tirane qe eshte ne rritje te madhe per dite si askush tjeter!