Te fundit
Anila Hoxha: Ja cilat janë lagjet e Tiranës ku pihet kokainë, hashash dhe ekstazi
23 Mars 2023, 09:37Kronika
TEMA
Gazetarja Anila Hoxha tregon për “Top Story” zonat e kryeqytetit ku konsumohet drogë, ndërsa shprehet se rrjete të mëdha kriminale veprojnë të lirë.
Hoxha liston zonat e Tiranës ku pihet hashash, kokainë apo heroinë. “Jemi duke folur për 21 dhjetorin, ish-Parku i autobusëve ku konsumohet heroinë, Lapraka… Zonë hashashi ka në Kombinat, në qytetin e nxënësve në afërsi të universitetit”.
Zonë kokainë janë edhe lokalet e natës, thotë gazetarja, që nuk janë prekur ende nga operacionet policore. Këtë të mërkurë, në kryeqytet u godit një rrjet kriminal që shpërndante drogë nëpër shkolla.
24 persona, mes tyre 2 vajza prej shumë kohësh shpërndanin drogëra të të gjitha llojeve në kryeqytet. Tregun e shitjes ata e kishin siguruar pranë lokaleve të natës dhe shkollave të ndryshme në Tiranë dhe Kamëz.
Falë hetimeve të nisura që në janar të këtij viti policia arriti të provojë se shpërndarësit në bashkëpunim me njëri-tjetrin vepronin të ndarë në disa grupe dhe shpërndanin lëndë narkotike në zona si Ali Demi, rruga Bardhyl, Oxhaku, zona e Bllokut dhe shkolla Petro Nini, Stacioni i Trenit, ish-Parku, Lapraka etj.
24 shpërndarësit ishin angazhuar për të mos u identifikuar nga policia. Shpërndarjen e drogës ata e kryenin duke lëvizur me transport publik ndërsa për drogëra të ndryshme përdornin kode. Gjatë operacionit u sekuestruan më shumë se 2 kilogramë kokainë, 300 doza kanabis, 130 doza heroinë, shuma parash dhe 29 aparate celulare.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
"Tiranës ku pihet kokainë, hashash dhe ekstazi ",ku "përdoret" jo "pihet"!!të gjitha këto droga,gëlltiten injektohen ose tymosen,drogat e lëngëshme PIHEN,të tjerat nuk pihen!!
Kujt i intereson ky lajm përveç policisë??jane bo pseudogazetare çdo ditë me thashetheme burimet e mija me tha taksisti kasapi i lagjes vk
Harte e çuditshme. Ne tere Tiranen u konsumoka droge, perveçse ne Q ytetin Studenti
atje rritet elita shqiptare dhe nuk mund të ketë "pirje",droge, nga hundët o me gjilpërë!!