Te fundit
Bënë gara shpejtësie gjatë natës, e pësojnë tre shoferët në Durrës
1 Gusht 2023, 16:14Kronika
TEMA
Policia e Durrësit ka ndëshkuar me gjoba 40 000 deri në 110 000 lekë, 3 drejtues automjetesh të cilët bënin gara shpejtësie në disa lagje të qytetit me automjete pa dokumente dhe të pajisura ilegalisht me xhama të errët.
“Si rezultat i kontrolleve të pandërprera, të ushtruara gjatë ditës dhe gjatë natës, me qëllim parandalimin, konstatimin dhe goditjen e paligjshmërive në çdo formë të shfaqjes së tyre, shërbimet e Forcës së Posaçme “Shqiponja” të DVP Durrës konstatuan një rast të organizimit të kundërligjshëm të një gare shpejtësie, në një vendparkim automjetesh dhe në disa lagje të qytetit, ndërmjet 3 drejtuesve të automjeteve.
Shërbimet e Forcës së Posaçme “Shqiponja” ndërhynë menjëherë dhe ndaluan këtë veprimtari të kundërligjshme, shoqëruan në Komisariat 3 drejtuesit e automjeteve, shtetasit O. Sh, E. D. dhe I. N., si dhe në bashkëpunim me specialistët e Qarkullimit Rrugor të DVP Durrës, ndëshkuan me masa administrative 40 000 deri në 110 000 lekë, secilin prej këtyre shtetasve, për organizimin e kësaj gare, për mungesa në dokumentacionet e automjeteve që drejtonin, për pajisjen e këtyre automjeteve me xhama të errët, në kundërshtim me Kodin Rrugor, si dhe për prishjen e qetësisë publike gjatë natës, si pasojë e zhurmave të automjeteve të tyre'', bëri me dije policia.
Shërbimet e Policisë Rrugore të Durrësit vijojnë monitorimin e çdo aksi rrugor të qarkut, me pajisje logjistike dhe me patrulla të paloguara.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
gjoba !?!?! sekuestroni makina e hiqni patenta o rrota kari ! Ata qe kane ato makina tallin karin me gjobat tuaja 2-3 miljonshe