Te fundit
U arrestua për blerje votash, SPAK mbyll hetimet dhe dërgon për gjykim Fredi Belerin
1 Gusht 2023, 09:41Kronika
TEMA
Prokuroria e Posaçme Kundër Korrupsionit dhe Krimit të Organizuar ka mbyllur hetimet dhe ka çuar për gjykim kryebashkiakun e zgjedhur të Himarës, Fredi Beleri, i cili dy ditë para zgjedhjeve të 14 Majit u arrestua për blerje votash.
Gjithashtu hetimet janë mbyllur edhe për bashkëpuntorin e Belerit, Pandeli Kokaveshin, i cili ra në prangat e Policisë në po të njëjtën ditë me kryebashkiakun e Himarës, pasi u kapën duke blerë vota për zgjedhjet e 14 Majit.
Nga hetimet e kryera nga SPAK rezulton se Beleri i ka ofruar shtetasit Arsen Rama shumat monetare prej 50 euro për çdo person që do të gjente Arseni, që do votonte për Belerin si kandidat për kryetar të Bashkisë Himarë, në zgjedhjet vendore të datës 14.05.2023, ndërsa vetë shtetasit Arsen Rama i ka premtuar si shpërblim për shërbimin që do të kryente shumën 300 euro.
Kryebashkiaku i Himarës i ka dhënë shumat monetare Arsenit nëpërmjet të pandehurit tjetër Pandeli Kokaveshi, i cili ka qenë bashkëpunëtori i tij në kryerjen e këtij akti korruptiv dhe ky i fundit i ka dhënë shtetasit Arsen Rama tetë kartëmonedha të prerjes 5 000 lekëshe për tetë persona që do votonin në favor të Belerit.
NJOFTIMI I SPAK
Në përfundim të hetimeve paraprake të procedimit penal nr.111 të vitit 2023, Prokuroria e Posaçme Kundër Korrupsionit dhe Krimit të Organizuar ka paraqitur para Gjykatës së Posaçme të Shkallës së Parë Për Korrupsionin dhe Krimin e Organizuar (në datën 31.07.2023) kërkesën për gjykim në ngarkim të pandehurve:
1.Dhionisios Alfred Beleri, akuzuar për veprën penale veprën penale “Korrupsioni aktiv në zgjedhje”, kryer në bashkëpunim, parashikuar nga neni 328 e 25 i Kodit Penal.
2. Pandeli Kokaveshi, akuzuar për veprën penale veprën penale “Korrupsioni aktiv në zgjedhje”, kryer në bashkëpunim, parashikuar nga neni 328 e 25 i Kodit Penal.
Nga analiza një nga një dhe në unitet e provave të administruara gjatë hetimit, sikurse janë të dhënat e përftuara nga përgjimet audio/video, nga kqyrjet e telefonave, nga kqyrjet e akteve të ekspertimit kompjuterik, nga deklarimet e personave që kanë dijeni për veprën penale etj, rezulton se është e provuar tej çdo dyshimi të arsyeshëm që i pandehuri Dhionisios Alfred Beleri i ka ofruar shtetasit Arsen Rama shumat monetare prej 50 euro për çdo person që do të gjente Arseni, që do votonte për Belerin si kandidat për kryetar të Bashkisë Himarë, në zgjedhjet vendore të datës 14.05.2023, ndërsa vetë shtetasit Arsen Rama i ka premtuar si shpërblim për shërbimin që do të kryente shumën 300 euro.
I pandehuri Dhionisios Alfred Beleri ia ka dhënë shumat monetare Arsenit nëpërmjet të pandehurit tjetër Pandeli Kokaveshi, i cili ka qenë bashkëpunëtori i tij në kryerjen e këtij akti korruptiv dhe ky i fundit i ka dhënë shtetasit Arsen Rama tetë kartëmonedha të prerjes 5 000 lekëshe për tetë persona që do votonin në favor të shtetasit Dhionisios Alfred Beleri.
Në rastin konkret të pandehurit e kanë kryer veprën penale me veprime aktive të kundërligjshme në dy forma të saj, si nëpërmjet premtimit dhe ofrimit të shumave monetare shtetasit Arsen Rama në mënyrë që ky i fundit të ndikonte tek vullneti i qytetarëve të tjerë për të siguruar vota në favor të të pandehurit Dhionisios Alfred Beleri në zgjedhjet vendore të datës 14.05.2023.
Sqarim: Kërkesa për gjykim është pjesë e ushtrimit të ndjekjes penale. Gjithkush prezumohet i pafajshëm derisa nuk vërtetohet fajësia e tij me vendim të formës së prerë.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Αθώος και ελεύθερος ο πατριώτης !
sto mouni tis manas sou………
Akoma me kete bizhdollanin...beni cfare te doni, ndac lirojeni ndac denojeni , vetem mos na e nxirrni me perpara.....ose jepjani gerqise me te drejte moskthimi...
Prisni tani laraskat nga greqia dhe cakenjte nga Shqiperia , ne emer te “dhemokratis” qe kane shpikur vete si dhe shume “shpikje “ te tjera do bertasin dhe cirren per te drejten eProgonatasit me grek se vete greket . E gjithe kjo do te behet ne emer te lirive dhe te drejtave te minoritetit.
Ineresant sa shpejt e nbylli SPAK dosjen e ketij hajduti votash,por jo vetem. Te presim vendimin e gjykates. Greket e duane vendimin shpejt.Por gjykatesit jane me pushime.
SPAK ka pregatitur një dosje me kanale ujitëse që gjykata ta gjejë të pa plotësuar dhe ta lirojë plerën menjëherë. Këtu mbaron dhe drejtësia e re. Qofsha gabim.