Bilanci i vrasjeve në 2025, nga 39 vrasje të regjistruara, 8 mbeten ende pa autorë të arrestuar

Gjatë vitit 2025, Shqipëria është përballur me 39 vrasje të regjistruara në periudhën 1 janar – 30 nëntor, ndërsa në 8 prej tyre autorët vijojnë të mbeten të paidentifikuar ose të pa arrestuar. Këto ngjarje janë shpërndarë në disa qytete të vendit, me një përqendrim të ndjeshëm në Shkodër dhe Lezhë, zona që shënojnë numrin më të lartë të vrasjeve të pazbardhura.

Rasti i parë u shënua më 27 shkurt në Shkodër, ku u vra Pavlin Preka, ndërsa deri më tani nuk është arrestuar asnjë autor për këtë ngjarje. Seria e vrasjeve pa autorë të arrestuar vijoi më 17 prill në Lezhë, ku humbi jetën Gjovalin Prendi. Po në të njëjtin qark, më 1 qershor, u vra edhe Pjetër Kaza, duke shtuar numrin e rasteve që mbeten pa persona të ndaluar.

Më 4 gusht, në Vau të Dejës, u regjistrua vrasja e Frrok Lleshajt, ndërsa edhe në këtë rast nuk ka asnjë të arrestuar. Ndërkohë, më 4 shtator, Shkodra u përfshi sërish nga një ngjarje e rëndë kriminale e cila vijon te mbetet pa autor, ku u vra Kristjan Kola.

Në vjeshtën e vitit 2025, Lezha regjistroi vrasjen e tretë pa autorë të arrestuar, më 3 tetor, ku u vra Gjergj Tusha. Vetëm një ditë më pas, më 4 tetor në Sarandë, u vra Isuf Jacaj, ndërsa edhe për këtë ngjarje nuk është vënë në pranga asnjë person.

Rasti më i fundit ndodhi më 11 nëntor në Rinas, ku u vranë dy persona, Gilmando Dani dhe Muçi Shaljani Sheqeri. Edhe në këtë ngjarje të rëndë, deri tani nuk ka autorë të arrestuar, ndërsa hetimet vijojnë.

Edhe pse për të gjitha vrasjet e regjistruara gjatë vitit 2025 grupet hetimore kanë sekuestruar kamera sigurie dhe kanë marrë në pyetje persona që mund të kishin dijeni për ngjarjet, hetimet nuk kanë dhënë rezultat, pasi autorët vijojnë të mbeten të lirë.

Ofendoi gardianët dhe Safet Bajrin, Sokol Sanxhaktari dhunohet keq në burgun e Reçit

08:30 Kronika 4 komente

Tiranë, i moshuari gjendet i vdekur në një kanal uji!

19:30 Kronika

Nuk zbardh vendimin prej një viti, ministri Lamallari kërkon hetim disiplinor për gjyqtarin Ilir Përdeda

19:14 Kronika 27 komente

Adriatik Lapaj shfaqet brenda Komisariatit të Policisë pas protestës: Më proceduan penalisht!

17:38 Kronika 31 komente

E rëndë: Dyshohet për vrasjen e foshnjës, arrestohet 20-vjeçarja në Tiranë!

17:30 Kronika

“Eja pas mësimit sqarohemi”- Sherr masiv mes adoleshentëve në Shkodër

15:16 Kronika

Tentuan të fusin në Shqipëri pjesë për pajisje të lojërave të fatit, arrestohen 2 persona në Dibër

14:45 Kronika

Festat e fundvitit/ Policia kontrolle për tregtimin ilegal të lëndëve piroteknike, nis hetimi për 2 pronare marketesh

14:24 Kronika

I dënuar për dhunë në familje e ngacmim s*ksual të dy vajzave të tij të mitura, arrestohet 40-vjeçari në Kukës

14:10 Kronika

Eksplozivi në banesën e nënës së Gentjan Zotos në Vlorë/ Zbardhet ngjarja, arrestohen babë e bir

11:48 Kronika 1 koment