Te fundit
"O tyryfylë, analfabete”: Gjyqtarja ofendonte vartësen, Gjykata: Nuk janë fjalë fyese!
11 Dhjetor 2022, 22:00Kronika
TEMA
Një punonjëse juriste për 4 vite me radhë ka akuzuar për fyerje gjyqtaren me ininciale B.H., por Gjykata e Tiranës ka dhënë së fundmi vendimin në favor të gjyqtares.
Ky vendim ka revoltuar gazetaren e kronikës Anila Hoxha e cila ka reaguar përmes një postimi në rrjetet sociale.
Gjyqtarja përbri gabimeve ortografike i shkruante juristes shënime fyese si "analfabete, tyryfyle, bli nje abetare , ..ver presjen histerike” dhe gjykata këto fjalë nuk i ka konsideruar si fjalë ofenduese dhe fyese.
Gjykata vendos: analfabet dhe tyryfyle nuk janë fyerje
A është apo jo fjala analfabet fyerje? Po fjala tyryfyle? Epo Gjykatat në Shqipëri thonë që jo. Për më tepër gjykata ka hyrë aq në detaje saqe në 30 faqe vendim është marrë edhe me vlerën e presjes. Historia e famshme e presjes së Leninit që thuhet se e shpëtoi gjatë rregjimit carist, është rimëshëruar në vendin tonë gjatë një gjykimi penal në Tiranë në të cilin e akuzuar për presjen ishte një gjyqtare dhe akuzuese një ndihmëse ligjore. Gjyqtarja me inicialet B. H për katër vite me radhë u akuzua për fyerje nga ndihmësja ligjore J. B, një 44 vjecare një këmbëngul se u fye më shumë se një herë. Për këtë juristja paditëse dorëzoi punën disa vjecare , disa opinione ligjore, relacione paraprake për vendimet që më pas I shpallte gjyqtarja. Në to gjyqtarja shkruante përbri gabimeve ortografike shënime që në shqip kanë kuptim fyes si “analfabete, tyryfyle, bli nje abetare , ..ver presjen histerike”.
Por gjyqësori heton konfliktin dhe merr rolin e profesorëve të gjuhës shqipe. Na mëson përherë të parë se cfarë është fyerje dhe cfarë jo.
Dy gjykata ndër vite vlerësuan kuptimin e secilës shprehje dhe u ndalen gjatë tek presja.
– A është presje historike , apo presja kur nuk shkruhet e ben tekstshkruesin histerik???? Kjo është dilema gjyqësore për kedo që pret radhën dhe stokun e dosjeve që mezi gjykohen!
Kur paditësja kërkon (në kushtet e një drejtësie që po zbrazet nga vettingu) dënimin e gjyqtares për akuzën e fyerjes sepse I cënoi dinjitetin, gjyqtarët vlerësojnë se ska vend për të pranuar një pretendim të tillë.
Provat që dorëzoi ndihmësja ligjore në këtë process të rrallë:
1.Vendim i cështjes 2015 të shpallur nga gjyqtarja në 2017 në të vilin ajo bën një korrigjim në tekstin e ndihmëses duke shtuar presjen e duke shkruar “ ke dy vjet që nuk e vë këtë presje, bli nje abetare!’
2.Relacion numër akti 87gjyqtarja shton presjen dhe I shkruan “ vër presjen histerike”
3.Relacion 1899 , shton me shkrim dore: cështë kjo shkarravinë!
4.Projekt vendim 5436 , gjyqtarja korrigjon mbiemrin Lleshi në Lleshaj dhe shton “ Lleshaj o analfabete”
5.Relacion 9857 gjyqtarja shton në prohekt vendim “ tyryfyle , shkruaj saktë të paktën numrat”
6.Relacion 9340 gjyqtarja shton në punën e ndihmëses “ vazhdo fli mbi dosje, lajmëro kur të zgjohesh”
Për këtë luftë “ presjesh” më herët ishin vënë në dijeni një sërë insitucionesh që nga ministria e organet e gjyqësorit dhe në fund investohet edhe gjykata. Ndihmësja ligjore saktëson se në shënimet e gjyqtares kuptimi shqip I frazava që iu shkruan me shkrim dore janë fyerje , denigrim dhe cënim dinjiteti.
Në këtë gjykim, gjyqtarja e akuzuar shpjegon se shkroi ‘ analfabete” për vartësen në mënyrë që ajo të merrte masa për të lëvrimin e gjuhës shqipe dhe se nuk synoi ta fyente, por dha një opinion për të treguar realitetin.
Për konsideratën “ tyryfyle” gjyqtarja shton se pavarësisht kuptimit që cilëson një person të shpërndarë , kjo fjalë nuk gjendet në fjalorin shqip; kështu që nuk është fyerje.
Dhe sa për presjen HISTERIKE APO HISTORIKE gjyqtarja e akuzuar detajon se nëse do kishte dashur ta fyente do shkruante : – moj histerike vër presjen! Por ajo kishte dashur të shkruante VER PRESJEN HISTORIKE ngaqë kishte dy vjet që vartësja nuk e vinte.
‘ Mos vënia e presjes në dy vjet e konvertoi atë në historike “ shpjegon e paditura. Gjyqtarja këmbengul se keqkuptimi buron nga kaligrafia e shkrimit të saj.
Për ti bindur kolegët se historia e presjes duhej mbyllur në favor të saj , gjyqtarja shton edhe vendimin e vettingut që e konfirmoi atë në detyrë
Gjykata kryen një hetim të imtësishëm, merr informacione për ndihmësen ligjore, aftësitë e saj, përkushtimin, 32 opinione të përgatitura prej saj , projekt relacione dhe dhjetra projekt vendime dhe në fund nuk konsideron se fjala analfabete , tyryfyle janë fyerje. ‘ Këto fjalë nuk janë bërë me qëllim për të fyer dinjitetin e akuzueses , por për të treguar qartazi mospajtimin me punën e ndihmëses ligjore” deklaron gjykata e shkallës së dytë në shpalljen të pafajshme të koleges.
Kurse për presjen që I solli pafajësinë gjyqtares B.H gjykata deklaron : Nisur nga sintaksa e fjalisë duket që përmbajtja e shënimit të bërë nga e akuzuara është “ vër presjen historike” dhe jo “ vër presjen histerike” . Për rrjedhojë vërejtja nuk ka asnjë fjalë apo shprehje që mund të interpretohet si ofenduese.
KAQ , të dielë të mbarë kudo që i keni vënë presjet. Se kështu i ndodhi dhe Leninit . Urdhëruan : ” Të lirohet, e pamundur të pushkatohet” . Kur presja duhej : ” Të lirohet e pamundur, të pushkatohet”
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Tani qe edhe gjyqtarja paska ngaterruar "historike " me "histerike" ndihmesja ,me vendim gjykate te detyrohet qe t'i thote gjyqtares cdo mengjes epitetin e bukur "Tyryfyle" si dhe fjale te tjera...qe nuk i permban fjalori...
Vedni i Qelbesirave Shqiperi!Keshtu do jete edhe pas 1000 vitesh ne cdo aspekt!
T i thuash dikujt "analfabet" pas gabimeve te vazhdueshme, nuk eshte fyerje, por konstatim! Po keshru dhe epiteti tyryfyl. Po t i kishte thene kurve apo hajdute, pa pasur prova apo fakte, do ishte fyerje por keto, nje gazetare e pazonja si Anika, nuk mund t i dije. Ne cend qe te konsultohet me nje ekspert te kodit penal dhe atij civil per te kuptuar cili edhte perkufizimi ligjor i fyerjes, gazetarja hapet kot e pa lidhje duke u marre me presjet e Leninit. Injorante jo vetem nga ana gjuhesore dhe ligjore, por edhe nga ajo historike. Mjafton re lexosh kete fraze per te kuptuar injorancen, paaftesine dhe pazotesine e gazetares qe do bente me mire te thellohej e ta mbante gojen mbyllur. Shkruan Anila "Gjyqtarja me inicialet B. H për katër vite me radhë u akuzua për fyerje nga ndihmësja ligjore J. B, një 44 vjecare një këmbëngul se u fye më shumë se një herë." Une ketu gjej 3 gabime drejtshkrimore dhe dy gabime logjike: Anila vete ngaterron piken me prsejen, ose nuk e vendos aty ku duhet(pas inicialeve vendoset gjithmone pike). Shkruan po ne kete fraze "nje 44 vjeçare nje kembenqul" ku ngaterron nje fjale me nje tjeter, nje nyje me nje lidhez. Por akoma me rende eshte kur shkruan: ""Gjyqtarja me inicialet B. H për katër vite me radhë u akuzua për fyerje nga ndihmësja ligjore ..." a thua se ndihmesja ligjore per 4 vjet ka paraqitur jo nje po 400 padi ne gykate. Sepse shkruan kater vite me radhe. Gjynah se mund te kishin qene dhe 4 vite me alternim: nje vit po e nje vit jo! Pa permendur pjesen tjeter te shkrimig plot gabime Ja ky eshte niveli shqiptar. Institucionet jane plot me njerez qe nuk dine te shkruajne shqip. Juriste, specialiste, drejtore, gazetare. Edhe vete mesuesit e gjuhes bejne pjese, deri sa nxjerrin mall te tille nga shkolla. T i quash analfabete nuk eshte fyerje. Eshte nje vajtim!
Titulli me ceshtjen stonon…Ndimesi juridik, na del qe eshte sekretarja e gjykatses… dhe poooo, eprori ka te drejte te shprehet per vartesin kur gabimet jane te meta profesionale. Nuk i tha perse je veshur keshtu apo pse ke lyer thonjte, i tha “ NUK DI SHQIP”. Bete Anila ka bere reportazhe pafund per nxesit qe nuk dine shqipen dhe tani na del ne mbrotje te kujt?!
Mjere kujt i bie ne pjese nje shefe si kjo dhe mjere kujt i bie ne pjese nje ndihmese si kjo. Mungese edukate dhe respekti reciprok, nivel i ulet formimi e komunikimi, i papranueshme ne zyren me te thjeshte te shtetit. Sot i gjen ne nje institucion te nivelit te larte, ku vendosen fatet e njerezve dhe te djerses se tyre!!!