Organizatat kriminale shqiptare po shfaqin një rrezikshmëri të lartë dhe gjithashtu një përfshirje gjithnjë e më të thellë në aferat e paligjshme, sidomos në trafikun e drogës dhe të armëve.
Kështu thuhet në raportin e Drejtorisë Hetimore të Antimafias, për gjysmën e dytë të vitit 2022.
Sipas dokumentit të siguruar nga Euronews Albania, grupet shqiptare janë të mirëstrukturuara dhe e ruajnë pushtetin e tyre falë lidhjeve familjare.
Në të njëjtën kohë, ato rezultojnë teknikisht të pajisura dhe në gjendje të kryejnë aktivitete kriminale përmes grupeve më të vogla, të cilave u besohen detyra të caktuara.
“Për të gjitha këto arsye, këto shoqata kriminale shfaqen shumë të rrezikshme dhe luftarake”, thotë raporti.
Gjithashtu, organizatat shqiptare janë të mirorganizuara edhe në nivel ndërkombëtar, përveçse të afta të ndërmjetësojnë në mënyrë direkte me kartelet amerikano-jugore për importin e sasive të mëdha të kokainës, që më pas u shpërndahen celulave bashkëkombëse që veprojnë në zonat kryesore të shpërndarjes së narkotikëve të Italisë.
Për këtë arsye, sikurse kanë treguar operacione të shumta antidrogë të kryera në rajone të ndryshme të Italisë, grupet shqiptare veprojnë në sinergji me ato kriminale autoktone italiane.
Sipas raportit, të ardhurat që shoqatat kriminale shqiptare kanë siguruar ndër vite nga trafiku i marijuanës, përmes të ashtuquajturit “aksi ballkanik”, janë investuar në trafikun e kokainës, lëndë e cila importohet përmes porteve tregtare në Anversa, Roterdam dhe Hamburg, ku me kalimin e kohës kanë arritur të infiltrohen në mënyrë efikase.
Raporti i DIA-s thotë më tej se, pozita gjeografike e brigjeve shqiptare përballë atyre puljeze vazhdon të luajë një rol të rëndësishëm dhe është një nga arsyet përse grupet kriminale të dy vendeve punojnë me njëra-tjetrën.
“Rrjedhimisht, grupe të tilla përbëjnë një realitet të vërtetë e të mirëfilltë kriminal”, thotë raporti. Në të shtohet më tej se klanet shqiptare luajnë një rol të rëndësishëm edhe në trafikun e emigracionit klandestin dhe atë të qenieve njerëzore.
Mire,DEA,por per kuriozitete,mafia e SHaBAnit me Cilet i mban lidhjet per furnizimin me droge?Jo,se nendetset e droges nuk i proshon e tregeton Shqiperia.
Nuk eshte DEA por DIA e Italise...që se kuptoj kur nuk ka zgjidh hallet e veta pse duhet të merret si burim i besueshëm kur flet për hallet tona?!? Pa i hy fare ku dhe pse e gjen kohën të merret me hallet tona...
Remitancat moderne sipas guvernatorit kokë-bunker lepe-peqist të qeverisë . Pa luftuar mashtrimin dhe gënjeshtrën ,nuk do bëhemi kurrë shtet i perparuar.Sakarov.
Asnje nga keto grupe nuk ndodhet ne Shqiperi dhe e keqja tjeter shqiptar u thuhet edhe Kosovareve dhe madedonasve qe jane marre para nesh me keto pune.Shumica e tyre jane ushtare per te fituar diçka me shume dhe keta kapen te paret.Te quajturit mafioze shqiptare jetojne e punojnë ne vendet me popullsi jo te vogel dhe jane te lidhur me vendalijte.Prit tani kur te filloje kazani politik dhe mediatik me emra vellezerish e familjaret deri ne mace te qeveritareve aktuale.