Te fundit
U shkarkua nga vettingu si drejtor i Policisë së Lezhës, emërohet këshilltar i Muhamet Rrumbullakut
30 Maj 2023, 19:03Kronika
TEMA
Vehbi Bushati, që u shkarkua nga drejtimi i Policisë së Lezhës për mos plotësimin dhe mos dorëzimin e formularit të të deklarimit të pasurisë dhe formularin e vlerësimit të aftësive profesionale, ka marrë detyrën e re këtë të martë.
Nga burime pranë policisë, mësohet se Bushati do të mbajë postin e këshilltarit në kabinetin e drejtorit të Përgjithshëm në Policinë e Shtetit.
Emërimin e Bushatit në këtë post e ka firmosur vetë drejtori i Përgjithshëm, Muhamet Rrumbullaku, sipas një dokumenti të siguruar nga TCH.
Vehbi Bushati ushtroi detyrën si drejtor i Drejtorisë Vendore të Lezhës për 1 vit e dy muaj.
Më datën 24 maj, trupa vlerësuese e kryesuar nga Suela Baluku vendosi shkarkimin nga detyra të drejtorit të Policisë Lezhë, Vehbi Bushati pasi ky i fundit nuk kishte dorëzuar formularët për deklarim pasurie, pastërti figure dhe aftësitë profesionale.
TCH u interesua pranë Policisë së Shtetit ku mësoi se drejtori i Policisë së Lezhës kishte dorëzuar pranë komisionit të vetting-ut dosjen që kur ky proces nisi në vitin 2018.
Por, për vlerësimin kalimtar dhe periodik të punonjësve të policisë doli një udhëzim i ri ku procesi do të kryej nga Agjencia e Mbikqyrjes Policore e për rrjedhojë dosja duhej ridërguar, ç’ka drejtori i Lezhës nuk e kreu pavarësisht njoftimeve zyrtare të dërguara nga komisioni.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ja pra anetaret e grupit "Ciftelia" po rimblidhen rreth bajges Rrumbullaku.
Mohammed Mohamed por edhe rrumbullak..... hahahaha!!!??
Lorenc Panganika kur e ka rradhen?
Keshtu funksjonon i ashtuquajturi shtet albanez!
U bene 100 dite qe kur erdhi ky Rrumbullaku ne krye te policise? Se sikur e nisi me zulm, plan 100 ditor per te kapur vrasesit e nipit te Vis Martinajt gjasme. Edhe ky si ata para tij, fol te flasim, bej sikur kap ndonje gje dhe shtyj kohen.