Te fundit
Zbulohen dy ‘shtëpi bari’ në Krujë, arrestohen dy vëllezërit (EMRAT)
28 Mars 2023, 12:13Kronika
TEMA
Dy vëllezërit Shpëtim Halili dhe Fatjon Halili janë arrestuar ditën e sotme pasi dyshohet se janë autorë të dy ambienteve ku kultivohej kanabis.
Policia bën me dije se në fshatin Qerekë, Krujë, në banesën e Halilit u zbuluan 2 ambiente që furnizoheshin me lidhje të paligjshme të energjisë elektrike dhe që ishin përshtatur me llamba dhe pajisje të tjera, për kultivimin e bimëve narkotike në ambiente të mbyllura.
Gjatë kontrolleve në këto ambiente, shërbimet e Policisë gjetën dhe sekuestruan në cilësinë e provës materiale, 268 bimë të dyshuara narkotike kanabisi, 51 llamba, 1 aspirator, 2 ventilatorë dhe 51 rritës të energjisë elektrike.
Njoftimi i Policisë:
Krujë
Finalizohet operacioni policor i koduar “Pëllumbi”, nga Policia e Krujës dhe strukturat operacionale të Drejtorisë Vendore të Policisë Durrës.
Operacioni, falë inteligjencës informative, në vazhdën e goditjeve të njëpasnjëshme ndaj kultivimit të kanabisit, në ambiente të mbyllura, me anë të llambave.
Zbulohen 2 ambiente të përshtatura me llamba dhe pajisje të tjera elektrike, për kultivimin e bimëve narkotike.
Sekuestrohen 268 bimë kanabisi, 51 llamba dhe pajisje të tjera elektrike që i shërbenin kultivimit në ambiente të mbyllura.
Vihen në pranga 2 vëllezër, autorë të dyshuar të kësaj veprimtarie kriminale.
Shërbimet e Komisariatit të Policisë Krujë në bashkëpunim me strukturat operacionale të Drejtorisë Vendore të Policisë Durrës, si rezultat i kontrolleve intensive që kanë si prioritet evidentimin dhe goditjen e kultivimit të bimëve narkotike në ambiente të mbyllura, me anë të llambave, me mbështetjen e inteligjencës informative, kanë organizuar dhe finalizuar operacionin policor antikanabis të koduar “Pëllumbi”.
Si rezultat i këtij operacioni, në fshatin Qerekë, Krujë, në banesën e shtetasit Sh. H., u zbuluan 2 ambiente që furnizoheshin me lidhje të paligjshme të energjisë elektrike dhe që ishin përshtatur me llamba dhe pajisje të tjera, për kultivimin e bimëve narkotike në ambiente të mbyllura.
Gjatë kontrolleve në këto ambiente, shërbimet e Policisë gjetën dhe sekuestruan në cilësinë e provës materiale, 268 bimë të dyshuara narkotike kanabisi, 51 llamba, 1 aspirator, 2 ventilatorë dhe 51 rritës të energjisë elektrike.
Si rezultat i veprimeve operacionale në kuadër të këtij operacioni, u vunë në pranga shtetasit Sh. H., 39 vjeç (pronari i banesës) dhe F. H., 32 vjeç (vëllai i pronarit të banesës), të dy banues në Qerekë, Krujë. Shtetasi F. H. ka kryer lidhjen e paligjshme të energjisë elektrike që shërbente për kultivimin e bimëve narkotike.
Materialet procedurale i kaluan Prokurorisë, për veprime të mëtejshme, për veprat penale “Kultivimi i bimëve narkotike” dhe “Vjedhja e energjisë elektrike ose impulseve telefonike”.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
por edhe neper shtepia po i gjurmoni mor shkerdhata antishqiptare ,qe ti duash te keqen qytetarit tend ,kjo eshte skandaloze . Ktu ne europe te gjithe kultivojne ne shtepia ,nderkohe qe shqiperi s'te lejon policia ! kjo eshte nji politike e paprapnuseshme . Me cfar do jetoj ai popull mor kafshe ? Apo ti hyjn dore bankave ? Ptuuuuuuu maskarenje .Polici shkerdhatash .Lerini mer popullin te jetoj se po ja boni jeten te merziteshme ne Shqiperi e me duket se kjo eshte edhe Parapavija e ksaj Politike ikja e shqiptareve nga Shqiperia