Te fundit
Zgjerimi i bashkëpunimit në fushën e sigurisë, Balla takon presidentin e Emirateve të Bashkuara Arabe, Muhammed Bin Zayed Al Nahyan
24 Prill 2024, 15:45Kronika
TEMA
Zgjerimi i bashkëpunimit në fushën e policisë dhe sigurisë ishte në fokus të takimit të zhvilluar sot mes ministrit të Brendshëm Taulant Balla dhe presidentit të Emirateve të Bashkuara, Muhammed Bin Zayed Al Nahyan.
Në një reagim në rrjete sociale, ministri Taulant Balla bëri të ditur se në takim u diskutua dhe për marrëveshjen për ngritjen e taskforcës kundër krimit të organizuar të dakordësuar mes dy ministrave të brendshëm.
“Shumë i nderuar nga miqësia dhe mikpritja në mexhlisin Qasr Al Bah nga Lartësia e Tij Presidenti i Emirateve të Bashkuara, Muhammed Bin Zayed Al Nahyan, të cilit i përcolla përshëndetjet e Kryeministrit Edi Rama dhe urimet për prosperitet të vazhdueshëm të Emirateve dhe të popullit të vet. Lartësia e Tij Presidenti i EBA shprehu përshëndetjet e tij më të mira për Kryeministrin dhe urimet për vendin e popullin tonë për të vijuar progresin”, shkruan Balla.
“Në takim u diskutua mbi marrëdhëniet mes dy vendeve tona dhe mundësitë e zgjerimit të bashkëpunimit në fushat e policisë dhe sigurisë. Mundësitë për të përfituar nga ekspertiza dhe eksperienca e EBA në këto fusha u diskutuan në kuadër të Marrëveshjes mes Shqipërisë dhe EBA, si dhe të taskforcës së Bashkëpunimit të dakordësuar mes dy ministrave të brendshëm”, vijoi Balla.
Të pranishëm në mexhlis ishin edhe Sheikh Khaled bin Mohamed bin Zayed Al Nahyan, Princi i Kurorës Abu Dhabi; Sheikh Suroor bin Mohammed Al Nahyan; Sheikh Saif bin Zayed Al Nahyan, zëvendëskryeministër dhe ministër i Brendshëm, Sheikh Abdullah bin Zayed Al Nahyan, ministër i Punëve të Jashtme.
Ministri i Brendshëm Balla më herët publikoi në rrjetin social “Facebook” dhe pamje nga takimi me ministrin e Drejtësisë së Emirateve Arabe, Abdullah bin Sultan bin Awad Al Nuaimi.
Ministri Balla ndodhet në vizitë zyrtare në Emiratet e Bashkuara Arabe.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ja dhe nje tjeter vezir i bere nga lart deri posht synet,qe e ben te ndihet kete vend europian,gjithnje dhe me shume si nje aneks i botes se erret orientale islamiste. Eshte me shume se sindromi i Stokholmit,kjo flame qe vazhdon te perhapet ketu,inicuar dhe udhehequr,nga kryeveziri shallvagjere rami,qe i ka kthyer institucionet shteterore,ne objekte regjioze islame,qe kulmojne me ekspoze me organizime iftaresh.Prandaj dhe ky vend,kurre nuk ka per tu bere nje vend europian,por vec nje karikature e shemtuar e orientit te erret mesjetar.
Ky qe nuk ta mbush mendjen ty, eshte djali i atij qe financoi Aeroportin e Kukesit. Nje here te shkundi fustanin ai, bien 20-30 Miljon Euro. Ty po te shkundesh nje here rrobat, te bien vetem morra, hajde pir.dhu tani. Ky ka qene nje nga financuesit kryesor te pasojave te termetit, 100 Miljon Euro.
Nuk bëhet ky vend nga njerëzit si ti.