“24 orë nga jeta e një votuesi”, satira politike mirëpritet në Korçë

Një satirë politike në formën e kabaresë, shfaqja “24 orë nga jeta e një votuesi” është mirëpritur nga publiku, që kishte mbushur sallën e teatrit Andon Zako Çajupi në Korçë.

Shfaqja ndërthur komedinë, muzikën dhe satirën, ku në qendër të saj është jeta e një votuesi shqiptar në 24 orë, ndërsa pas kësaj dite të vetme fshihen shumë vite paradoksesh dhe absurditetesh të realitetit tonë shoqëror.

Për realizimin e shfaqjes, regjisorja Driada Dervishi është nxitur nga krijimtaria e Naun Shundit dhe Teodor Kekos.

“Mendoj se në shfaqje flitet dhe vihet në pikëpyetje një institucion shumë i rëndësishëm, siç është vota, zhvlerësimi i saj dhe, me keqardhje, mungesa e alternativave”, tha Dervishi.

Në rolet kryesore interpretojnë Arben Derhemi, në rolin e një burri në moshë të mesme, i cili prej 35 vitesh heziton të votojë, duke ngritur pikëpyetje mbi pjesëmarrjen qytetare dhe përgjegjësinë individuale, si dhe Zamira Kita, me një karakter të krijuar posaçërisht për të, e quajtur “Revolucionare”, në rolin e nënës së protagonistit.

“Jam shumë e kënaqur nga ky bashkëpunim dhe nga kjo tematikë. Ajo që është qershia mbi tortë është mesazhi i fortë: votoni, votoni, sepse jemi ne që përcaktojmë fatet tona”, tha Kita.

“Është bukur të vish dhe të japësh shfaqje në Korçë”, tha Derhemi.

Pjesë e kastit janë edhe Xhuliano Brisku dhe Ermir Hoxhaj, të cilët sjellin në skenë personazhe të shumëfishta, në stilin e arlekinëve modernë shqiptarë. Shfaqja ka sjellë shumë humor për publikun por edhe mesazhe të forta.

Skenografia paraqet një ndërtesë në ndërtim e sipër, simbol i tranzicionit të tejzgjatur shqiptar, ndërsa kostumet dhe realizimi skenik mbajnë firmën e Desantila Likës. Muzika e shfaqjes, është kompozuar nga Aulon Naçi, ndërsa interpretimi muzikor realizohet nga Gent Rushi Band, një trio muzikantësh që shoqërojnë të gjithë rrëfimin skenik. A.K./TemA

Kadare meriton një vend dinjitoz në hapësirën publike ashtu si në histori

19:30 Kulturë 4 komente

Në 90-vjetorin e lindjes: Me Kadarenë (VIDEO)

18:35 Kulturë 2 komente

Skulptori i statujës së Kadaresë: Realizova një ëndërr

18:00 Kulturë 4 komente

Fjala përshëndetëse e Kryesisë së Akademisë së Shkencave në promovimin e veprës “Kadare në kritikën botërore” në 90-vjetorin e lindjes së shkrimtarit akademik

17:39 Kulturë

“Nikolla i zemrës së Tiranës”, shfaqet dokumentari për Nikolla Zoraqin

17:25 Kulturë

"Dilema e Ismailit", vjen së shpejti në kinema filmi shqiptar për shpëtimin e hebrenjve

16:22 Kulturë 1 koment

Në shtëpinë muze të Ismail Kadaresë, me botuesin e tij

16:05 Kulturë

”Për Ismail Kadarenë: Të njoftohet Partia dhe materiali të ruhet”/ Si e vuri Hoxha nën përgjim Ismail Kadarenë

15:21 Kulturë 6 komente

Nisin aktivitetet e Fondit Kulturor Zvicerian

14:22 Kulturë

Gërvalla: Për Kadarenë Kosova nuk ishte thjesht çështje politike, ishte dhimbje e tij personale

13:28 Kulturë 3 komente