Te fundit
Fillon rikontruksioni i Mitropolisë së Korçës
13 Shkurt 2026, 17:16Kulturë
TEMA
Katedralja “Burimi Jetëdhënës”, për shekuj me radhë ka qenë simboli i besimit ortodoks në qytet ndërsa puna që po kryhet, synon rikthimin e saj në identitet. E gjithë kjo, falë dashamirësisë së qytetarëve të cilët po kontribuojnë financiarisht për kryerjen e punimeve në godinë të cilat kanë nisur që prej vitit 2019 dhe sigurisht edhe kontributit të Mitropolisë së shenjtë. Rikonstruksioni do të ruajë origjinalitetin pasi ekzistojnë edhe projektet e dikurshme me të gjitha elementët e detajuar.
“Pjesa e brendshme e projektit, pothuajse është përfunduar. Punimet tashmë janë fokusuar në pjesën e jashtme, është për t’u prishur një pjesë e ballinës që ishte shtuar nga ana e muzeut dhe në pjesën e pasme ka një shtesë që dhe ajo nuk është një gjë e madhe, por është lënë për momentin për efekt të rrethimit të objektit për të vazhduar punimet lirshëm”, deklaroi At Mihal Sanellari, Kryesekretar i Mitropolisë.
Mitropolia është një ndër kishat më të vjetra në vend, e ndërtuar në shekullin e 18 dhe ka luajtur një rol shumë të rëndësishëm pasi rreth saj, u ndërtua qyteti i Korçës.
“Hovi i Korçës në vitet 1700 kur fillon dhe ndryshon fizionomia e këtij qyteti, kur merr pamjen e një qyteti real, modern për kohën, zemra ishte pikërisht kjo zona këtu Mitropolia, Kishat, shkollat e Mitropolisë që ishin rreth e rrotull të cilat ndërtuan breza dhe ata më pas ndërtuan këtë Korçë që ne njohim sot, Korça e kulturës, vlerave dhe arsimit”, shtoi At Mihal Sanellari.
Kjo kishë ishte aq madhështore sa konsiderohej nga më të bukurat në Ballkan dhe ishte pikërisht më e madhja dhe më e bukura Kishë Orthodokse në Shqipëri, me një sipërfaqe prej 1240 m2 dhe 30 m e lartë. Me rikonstruksionin e saj, Korçës do t’i kthehet një pjesë e identitetit të munguar. A.K./TemA
Më të lexuarat
24 oret e fundit
Javen e fundit
Blog Tema
Lini një Përgjigje