Te fundit
Më 1 gusht 2018 u nda nga jeta Tenori i Madh, Gaqo Çako (1935–2018)
1 Gusht 2025, 22:25Kulturë
TEMA
Më 1 gusht 2018 u nda nga jeta Tenori i Madh, Gaqo Çako (1935–2018)
Një zë i pavdekshëm, një emër që nuk harrohet kurrë në historinë e muzikës shqiptare.
I lindur më 24 janar 1935, Gaqo Çako mbetet një prej figurave më të ndritura të artit shqiptar, me titullin e lartë “Artist i Popullit”.
Ndër vite formimi e shkëlqimi:
Nga konservatori “Çajkovski” i Moskës (1957–1961), ku u stërvit nën kujdesin e pedagoges së famshme Anna Soloviova, deri te skenat më të mëdha shqiptare e ndërkombëtare.
Pas kthimit në atdhe, në vitin 1961, ai u emërua tenor i përhershëm në Teatrin e Operës dhe Baletit të Tiranës. Për më shumë se tre dekada, ishte zëri kryesor në kryeveprat operistike që u vunë në skenë.
Një repertor i jashtëzakonshëm:
“Traviata”, “Bohema”, “Rigoletto”, “Norma”, dhe një galeri e pasur me opera shqiptare si:
• “Mrika” – Prenk Jakova
• “Lulja e Kujtimit” – Kristo Kono
• “Pranvera” – Tish Daija
• “Heroina” – Vangjo Nova
• “Skënderbeu” – Prenk Jakova & Abdulla Grimci
• “Komisari” – Nikolla Zoraqi
• “Zgjimi” – Tonin Harapi
• “Toka e Jonë” – Pjetër Gaci
Një pjesë e karrierës së tij lidhet edhe me skenat italiane, ku ka përfunduar konservatorin e famshëm “Santa Cecilia”.
Përtej operës, zëri i tij ka lënë gjurmë të thella në muzikën e lehtë shqiptare, veçanërisht në Festivalet e Radios, ku u bë i dashur për një publik shumë më të gjerë.
Zëri i Gaqo Çakos nuk ishte vetëm teknikisht i përsosur , ai ishte emocional, i thellë dhe i paharrueshëm.
Faleminderit, Maestro!
Ti nuk ike – ti thjesht kalove në përjetësi.
/naishtedikur/
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Gaqo Çako kengetar legjendar, jo nder me te medhenjet, por me i madhi nga te medhenjet.