Në Muzeun e Shkodrës zhvillohet workshopi “Vishu me Traditë”

Të njohësh veshjen tradicionale shqiptare do të thotë të njohësh historinë, identitetin dhe mjeshtërinë e trashëguar ndër breza. Me këtë mesazh, në Muzeun Historik të Shkodrës u zhvillua workshopi “Vishu me Traditë”, organizuar nga Qendra Kombëtare e Veprimtarive Tradicionale.

Aktiviteti iu drejtua fëmijëve dhe të rinjve, të cilët patën mundësi të njiheshin nga afër me disa nga veshjet karakteristike të trevës veriore, si edhe me materialet, teknikat dhe procesin e punimit të tyre nga artizanët. Përmes kësaj nisme synohet edhe nxitja e të rinjve për t’u orientuar drejt sipërmarrjeve artizanale, kreative dhe tradicionale.

“Jemi të fokusuar specifikisht tek veshjet tradicionale të rajonit të Shkodrës duke filluar që me veshjet qytetare të Shkodrës, por gjithashtu dhe të krahinave. Kjo që kam veshur është pjesë e veshjes qytetare, le të themi, të Shkodrës, por synimi është pikërisht ky që të promovojmë dhe të nxisim rininë që të bëhet pjesë e kësaj tradite dhe ta shohë si një mënyrë për të nxitur ata të krijojnë biznese që bazohen pikërisht tek tradita, tek dijebbërja jonë shumë e pasur sepse ka një kërkesë të lartë”, tha Erilda Selaj, Drejtore e Qendrës Kombëtare për Veprimtaritë Tradicionale.

Njohuritë e brezit të ri për elementët e traditës shqiptare, përfshirë edhe veshjet karakteristike të zonave të tyre, mbeten ende të kufizuara. Për këtë arsye, aktivitete të tilla shihen si një mënyrë e rëndësishme për të afruar të rinjtë me trashëgiminë kulturore dhe për të ruajtur mjeshtëritë artizanale që rrezikojnë të humbasin.

“Bashkëpunimi me të rinjtë, me mosha të reja edhe me fëmijët pse jo, duke i prezantuar vlerën e trashëgimisë kulturore, vlerën e veshjes tradicionale me të gjithë statuset historike që ka ajo, vlerat e trashëgimisë kulturore që ajo ka, ne mundohemi të nxisim të rinjtë që të jenë pjesë e artizanatit”, u shpreh Edlira Sulaj, drejtuese e fondacionit “Tradita Popullore”.

Veshja tradicionale shqiptare mbetet një nga pasuritë më të çmuara të trashëgimisë sonë kulturore, duke përcjellë historinë, identitetin dhe vlerat e traditave shqiptare ndër breza.

A.K./TemA

Artet e Bukura të torturës

10:32 Kulturë

DPA përkujton gazetarët dhe komentatorët më të njohur sportivë me një ekspozitë

10:16 Kulturë

Hapet në Bolonjë “Biblioteka Eco”, strehë dhe akses për mbi 32 mijë vëllime nga studioja milaneze e semiologut

20:02 Kulturë

Në 2 korrik 1878 u miratua Kanuni i Lidhjes së Prizrenit

18:38 Kulturë

Po afron Koncerti i Kanye West

16:56 Kulturë

Elbasan/ Zhvillohet mbrëmje artistike në Muzeun Etnografik

14:53 Kulturë

Biblioteka e Fakultetit të Historisë dhe Filologjisë merr emrin e Ismail Kadaresë

14:52 Kulturë

Blendi Gonxhe shpjegon planin e ri për mbrojtjen dhe administrimin e Parkut Arkeologjik

12:50 Kulturë 1 koment

Në Durrës ka nisur edicioni XXI i Chamber Fest Durrës 2026

10:50 Kulturë

Rikthehen në funksion pas restaurimit 23 site të trashëgimisë kulturore të dëmtuara nga tërmeti

08:48 Kulturë