Te fundit
“Në të njëjtën lartësi me Nënë Terezën”/ Artan Fuga për ndarjen nga jeta të Ismail Kadaresë: Nuk do e harroj kurrë mesazhin e tij…
2 Korrik 2024, 10:00Kulturë
TEMA
Akademiku Artan Fuga ka folur për ndarjen nga jeta të kolosit të letërsisë shqipe, Ismail Kadare, që u nda nga jeta ditën e djeshme në moshën 88-vjeçare.
Në një lidhje direkte në “Breaking” në Top News, Fuga tha se emri i Kadaresë i ka bërë nder Shqipërisë dhe ishte në të njëjtën lartësi me figurën e Nënë Terezës.
Profesori kujton një moment kur ishte student dhe u ftua Ismail Kadare, ku një nga studentët e pyeti “je një shkrimtar i madh por je te 50-tat, nuk të vjen keq që të ka ikur jeta, nuk na ke zili”, dhe përgjigja e tij ishte e paharrushme sipas Fugës “kurrë nuk do doja ta filloja një ditë që ka kaluar nga e para, kam bërë në maksimum dhe nuk do doja të rrëzoja këtë botë shpirtërore dhe intelektuale që kam ndërtuar”.
“Kam pasur rastin ta mas në vende të ndryshme europiane, kryesisht në Francë Belgjikë Zvicër dhe Luksemburg dhe ka prekur shtresa të ndryshme të popullsisë. Unë di shumë mirë që në jetë jetën universitare perëndimore, kontributi i Kadaresë është konsideruar si përqasje që hedh dritë tek një realitet që sociologjia e studion. Emri i Kadaresë i bënte nder Shqipërisë dhe ishte pothuajse në të njëjtën lartësi ne Nënë Terezën.
Kulturën historike të vendit tonë e përdori si lëndë estetike për të ndërtuar vepra letrare. Unë mendoj se një intelektual i madh si Kadare nuk ka nevojë për nderime. Po ta shikosh qëndrimin e Kadaresë, e ka shprehur me natyrën që kishte dhe me qëndrimet që mbante, një intelektual i madh kishte një vepër që shteti politika shpesh herë e bombardonin e lodhnin, e censuronin, i bënin presion. Nuk mendoj se për të sot ka ndonjë rëndësi të madhe, por nuk besoj se një njëri i përmasave te tilla ka nevojë për ndere të shtetit.
Kam fatin e madh, sa herë e kam takuar kam përjetuar një lloj presioni. Sado që ishte shumë shoqëror dhe shumë i thjeshtë, me shakatë dhe ironitë e tij ta bënte takimin shumë të mirë. Mbaj mend një gjë që mund ta tregoj, kemi qenë në vitin e fundit të studimeve universitare, në 1978 dhe ftojnë Ismail Kadarenë. Ne ishim një grup studentësh që studionim për filozofi, na vjen Ismaili, dhe dikush nga ne e pyet për ta ngacmuar pak se ai nuk e përtonte ironinë dhe e pyet i thotë ti je një shkrimtar i madh por je te 50-tat, nuk të vjen keq që të ka ikur jeta, nuk na ke zili?
Ai tha kurrë nuk do doja ta filloja një ditë që ka kaluar nga e para, kam bërë në maksimum dhe nuk do doja të rrëzoja këtë botë shpirtërore dhe intelektuale që kam ndërtuar. Nuk e harrojmë kurrë atë mësim që tha, ideja ishte që nuk ka rëndësi se në ç’moment biologjik të jetës je por çdo ditë e jetës tënde ndërton një botë shpirtërore. Ishte një gjë me vlerë shumë të madhe.”-u shpreh Artan Fuga. A.K./TemA
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Le te kemi shume si Kadare ,Skenderbe,Nene Tereza,Ismail Qemale etj. Vec nje hollesi.Nene TEREZA eshte nje misionare e Kishes,e fese, nuk ishte direkt ne sherbim te kombit shqiptare pamvaresisht se nuk e mohoi prejardhjen e saje.Nga ana tjeter Kisha ka me mijra besimtare te devotshme por KISHA NUK I KA SHENJTERUAR. AJO shenjteroi Nene terezen per vepren e saje humanitare.NDERSA KADARE lartesoi shqipen dhe e coi ne nje letersi te madhe .KJO ESHTE PASURI E MADHE E KOMBIT QE AI E BERI PER HIR TE DASHURISE SE MADHE,prandaj mos thoni se eshte ne nivelin e njerit apo tjetrit,por eshte i padiskutushem ne piedestalin me te larte si ai i Gjergj Kastriotit
Ne fakt, une s'kam marre asgje nga Kadare sa kam marre nga Driteroi apo gjithe shkrimtaret sovjetik e euro-amerikan por dhe turk; Nga Kadare edhe gjenerali qe e bejne legjende, idea ishte e bukur, trajtimi mize e rabel, kur thote Hygo. Le te ngelet ne kujtesen e njerzeve ashtu si ish !
LE te mbetet dhe ne kujtesen tuaj aq sa ju kuptuat pa marre asgje sepse nuk mund te marresh.MIZE E RABEL nuk kemi pare tek HYGO por''Miserables''.
“Nuk do te doja kurre ta filloja nje dite qe ka kaluar nga e para” Thenie e nje njeriu te arrire persoshmerisht dhe qe fatmiresisht eshte i vetedijshem per faktin.
Tereza ,,kristjane ,,,,Ismaili turk myslyman ,,,,,,hec bab ,,,