Nga emigrant dhe punëtor fabrike në Austri, kthehet një artist i njohur ndërkombëtarisht

Rasti i Ambasadorit të Shqipërisë ne Austri dhe artistit Fate Velaj, për mediat austriake konsiderohet një shembull mbresëlënës i integrimit të suksesshëm në diplomaci dhe në art.

Pas promovimit mbreslënës të romanit "Kreuztanne" me autor diplomatin dhe shkrimtarin Fate Velaj, mediat austriake vazhdojnë pa ndërprerje të raportojnë mbi suksesin e këtij botimi dhe promovimi. Jo vetëm në televizionet qendrore si ORF, Radion Ö1, gazeta dhe media të tjera, sot, gazeta "Niederësterreichische Nachrichten", i ka kushtuar një artikull të gjatë ku nën titullin e saj kryesor, shkruhet: "Promovimi i librit të Ambasadorit Velaj, u kthye në një takim ndërkombëtar”. Më tej gazeta vazhdon: "Një mbrëmje plot me emocione, letërsi dhe diplomaci: Ambasadori shqiptar Fate Velaj u rikthye për të promovuar romanin e tij "Kreuztanne" në vendin ku dikur, kishte trokitur për një jetë të re në Austri.

Salla “Kammgarn” në Traiskirchen ishte e mbushur plot e përplot dhe nuk kishte asnjë vend bosh".
Bashkia e qyretit kishte ftuar shumë personalitete në këtë ngjarje të veçantë kulturore "Ambasadori shqiptar Fate Velaj u rikthye në vendin ku kishte filluar historia e tij personale në Austri, vazhon artikulli, pikërisht në qendrën e pritjes së refugjatëve në Traiskirchen.

"Velaj, dikur vetë emigrant, lexoi nga romani i tij autobiografik “Kreuztanne”, nënvizon artikulli në fjalë. Mbrëmja sipas gazetës "Niederësterreichische Nachrichten", u hap nga kryetarja e Bashkisë Sabrina Divoky si dhe Zëvendkancelari austriak Andreas Babler, njëkohësisht, ministër i kulturës.
"Ishte një mbrëmje takimesh dhe kujtimesh. Leximi u kthye në një ngjarje ndërkombëtare ku ambasador nga 26 vende morën pjesë – kaq shumë kombe njëkohësisht, nuk ishin parë kurrë më parë në sallën “Kammgarn”.

Mbrëmja u zhvillua në frymën e kulturës, shkëmbimit të mendimeve dhe ideve si dhe integrimit" thekson gazeta.

Sipas arfikullit, Fate Velaj është një shembull mbresëlënës i integrimit të suksesshëm: nga emigrant dhe punëtor fabrike në Austrinë e Poshtme, ai u bë një artist i njohur ndërkombëtarisht dhe sot është ambasador i vendit të tij".

Pas leximit, Velaj mori kohë për nënshkrime librash dhe biseda personale me të pranishmit. Në pritjen që pasoi, mysafirët nga e gjithë bota, shfrytëzuan mundësinë për të shkëmbyer përvoja e ide, përfundon artikulli i gazetes austriake "Niederësterreichische Nachrichten".
E.S.

Artistët e Ansamblit Popullor japin shfaqje në Italinë e Veriut

18:12 Kulturë

Abëreshët gjaku i shprishur shqiptar (I)

17:31 Kulturë

Mitrojorgji: Rritje me 300% në vlerë e investimeve në trashëgiminë kulturore për periudhën 2024-2025

17:11 Kulturë

Festivali folklorik “Oda dibrane”, promovim vlerave dhe trashëgimisë kulturore e shpirtërore

16:05 Kulturë

Java Kulturore Japoneze nis me artet marciale në Parkun Olimpik

15:01 Kulturë

Mona Liza dhe Madalena Doni, Leonardo Da Vinçi dhe Rafaelo, gjigandët e Rilindjes përballë njëri-tjetrit

14:35 Kulturë

Aktivitetet kulturore të javës, nga baleti modern tek arti kulinar japonez

14:03 Kulturë

Kompania e njohur ndërkombëtare zgjedh Shkodrën për xhirimet e spotit zyrtar

12:53 Kulturë

At Shtjefën Gjeçovi, kleriku me veprimtari të shumanshme në shërbim të kombit

12:34 Kulturë 1 koment

Dokumentari kushtuar kompozitorit Kujtim Laro në festivalin e RAI-it, “Prix Italia”

12:07 Kulturë