Te fundit
Nga Panairi i Librit te ekspozita e Oltsen Gripshtit, ja eventet kulturore të kësaj jave...
11 Nëntor 2025, 20:33Kulturë
TEMA
Një nga eventet më të rëndësishme të kësaj jave, por edhe më i rëndësishmi për këtë vit, sa i takon librit, do të jetë Panairi i Librit, Tirana 2025. Aty, ne lexuesit, kemi mundësinë të gjejmë çka na do zemra dhe të shohim titujt e rinj mes të cilëve spikasin romanet nga Mira Meksi (Ikona e plagosur), Ornela Vorpsi (Pini kakao Van Houten) apo dhe Agron Tufa (Bija e minotaurit).
Edicioni i 28-të i këtij panairi vjen nën moton “Ndërgjegjja jonë ka nevojë për librat”, një thënie e të madhit Kadare i cili u nda nga jeta në korrik të 2024. Ky do të jetë dhe panairi i dytë pa të. Panairi i Librit nis më 12 nëntor dhe mbyllet më 16 nëntor.
Një tjetër ngjarje e rëndësishme është Java Kulturore Britanike, aktivitetet e së cilës nisin sot me koncertin “Tinguj Madhështie”, ku dirigjenti britanik James Ross do të drejtojë Orkestrën Simfonike të TKOB-it.
Më 11 nëntor është në program një event mbi fuqinë e inovacionit digjital në arsim dhe ndërtimin e së ardhmes përmes teknologjisë.
Ndërkohë më 12 nëntor, vjen ekspozita “Range” e Richard Deacon, një ekspozitë vetjake e skulptorit të njohur britanik që sjell një vështrim të thellë në krijimtarinë dhe filozofinë e tij artistike.
Më 13 nëntor do të zhvillohet seminari Kolonel Aubrey Herbert & Shqipëria, një seminar përkujtimor mbi jetën dhe trashëgiminë e mikut të madh të shqiptarëve Aubrey Herbert.
Në 14 nëntor do të zhvillohet një aktivitet dedikuar të rinjve, në Parkimin e Sheshit “Skënderbej”, ku do të luhet muzikë elektronike si dhe një performancë live nga Henri Bergmann, Malo dhe Andi Q.
Në Galerinë e Artit Tiranë, Oltsen Gripshti vjen këtë javë me ekspozitë dhe libër “Historia e Novelës Grafike dhe Karikaturës Shqiptare”. A.K./TemA
Më të lexuarat
24 oret e fundit
Javen e fundit
Blog Tema
Lini një Përgjigje