Te fundit
PIKTURA E DITËS: "Kolonia e Maliqit në Korçë"- Tabloja që sjell nostalgjinë e një qyteti nga Zaim Elezi
11 Nëntor 2025, 18:25Kulturë
TEMA
Tablo e mrekullueshme! Një peizazh i gjelbëruar, ku ndërtesat e kolonisë shtrihen në harmoni me natyrën përreth, duke krijuar një ndjesi qetësie. Ngjyrat e përdorura janë të ngrohta, me nuanca toke, jeshile dhe blu, që nxisin ndjesinë e nostalgjisë dhe përjetimin emocional të vendit.
Veprat e artistit, Zaim Elezi u çmuan për realizmin impresiv e ftues dhe për mjeshtrinë e realizimit.
Zaim Elezi i lindur në Dibër në vitin 1958 ka mbaruar studimet e larta në akademinë e arteve, Tiranë. Elezi ka punuar si piktor filmi në TVSH, skenograf i teatrit profesionist Peshkopi, mësues në shkollën e mesme artistike Peshkopi; drejtor artistik në sh.p.k. "Pekomeri", studion e artit "Zaya", etj.Ka marrë pjesë në ekspozitat kolektive të mbajtura në Peshkopi e Tiranë që nga viti 1984-1990; ekspozita kolektive në Prishtinë (1999), Annemasse-Francë (2004), ekspozitë me rastin e 600 vjetorit të lindjes së Heroit Kombëtar Gjergj Kastrioti Skënderbeu, në Tiranë e Prishtinë (2005), etj.
Në vitin 2004 ka hapur një ekspozitë personale në OBT, Gjenevë, Zvicër. Shumë prej pikturave të tij janë pjesë e koleksionistëve me famë në Francë, Kanada, Angli, Zvicër, Amerikë. Gjithashtu, shumë dashamirës të pikturës në Shqipëri mbajnë në koleksionet e tyre piktura të firmosura "Zaya".
Nga data 13.06.2008 e për tre javë me rradhë "zaya" ishte pjesmarrës në një ekspozitë kolektive në Phorzheim të Gjermanisë. /liberale/
Më të lexuarat
24 oret e fundit
Javen e fundit
Blog Tema
Lini një Përgjigje