Te fundit
‘Sofra Çame’, koncert me kryefjalë Çamërinë në Sarandë
2 Shkurt 2025, 20:21Kulturë
TEMA
“Sofra Çame”: ky ishte titulli i performancës artistike që u dha mbrëmjen e së shtunës në sallën e Bashkisë së Sarandës, me pjesëmarrje të një publiku me përkatësi nga komuniteti i Çamërisë dhe miq të tyre të shumtë në qytet. Përmes kësaj veprimtarie u shpalos pasuria folklorike, këngët e vallet karakteristike, kostumet e shumëllojshme dhe tradita po kaq e pasur me rite tradicionale të kësaj krahine.
Organizimi i këtij koncerti ishte plotësim i një detyrimi ndaj njerëzve të krahinës së Çamërisë dhe ndaj traditës folklorike dhe patriotike të saj.
Emocion të veçantë krijuan vajzat artiste që inskenuan ninullën e djepit, ritin e qerasjes së mikut, interpretimin e valles me tumane të kuqe etj. Në performancën artistike gjithashtu ishin pjesë organike pjesët filmike që ndriçuan figura si ajo e Hasan Tahsinit, Bilal Xhaferit etj. Bukur erdhi edhe realizimi i Valles së Osman Takës, por edhe performancat me lulet identifikuese të kësaj krahine, si: borziloku, manxurana dhe Trëndafili i Çamërisë, tha mes të tjerave Sildi Koqini një nga organizatoret e “Sofrës Çame” në Sarandë.
Koncerti “Sofra Çame” ishte ndërkaq edhe një prezantim i motiveve dhe ngjyrave në kostumet e krahinës, të cilat u porositën dhe kompletuan për moshat rinore e fëminore, falë donatorit Proletar Hasani.
“Sofra Çame” ishte një koncert shumë i vlerësuar edhe për faktin që protagonistë të saj u bënë të rinj e të reja dhe fëmijë, që vazhdojnë t’i japin jetë folklorit të mrekullueshëm të Konispolit dhe gjithë Çamërisë.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Gazeta tema artikull per Camerine,,,????????nuk mund ta besoje,,,!!!!!! !!!!! !!!!!!Si mund ta lejoje asfalia greke nje artikull te tille,,?????????????ose jane ne gjume,,!!!!!!!!!!!!ose nuk I kane marre ilacet e darkes ,,e paimagjinueshme!!!!!!sidoqofte respekt per te gjithe ata qe jane me te vertete,,gjak Arberi ,,, /:/:/;:/:/;Arber for ever
Po pse kështu?Edhe këtë mrekulli folklorike do ta politizoni?