Te fundit
Sot në 10:00 homazhet për Birçe Haskon!
24 Maj 2026, 09:37Kulturë
TEMA
Sot në orën 10:00, në Teatrin Kombëtar të Operas dhe Baletit, do të mbahen homazhet në nder të Birçe Haskos, i cili u nda nga jeta një ditë më parë.
Aktori i njohur i kinematografisë shqiptare, një prej emrave më të dashur dhe të vlerësuar të skenës dhe ekranit u nda nga jeta në moshën 84-vjeçare. Ai ishte mjeshtri i roleve dytësore duke i dhënë një dimension të ri karakterit dhe situatave.
Milo Tafani te “Shi në Plazh”, ishte roli më i realizuar i mjeshtrit të madh Birçe Hasko, në mesin e interpretimit të mbi 12 roleve në teatër.
Janë me dhjetëra rolet e realizuara mjeshtërisht prej tij, te të cilat solli karakterin popullor të jugut, duke e bërë të paharrueshëm për publikun shqiptar, aktorin e lindur më 15 mars të 1942 në Dukat të Vlorës, të ndarë nga jeta këtë të shtunë në moshën 84-vjeçare.
Birçe Hasko njihej për natyrën e veçantë interpretuese, ku elementët komikë dhe karakteret fshatarake i kthente në pjesë të stilit të tij artistik, duke krijuar një lojë origjinale dhe të vështirë për t’u përsëritur. Individualiteti i tij u formësua veçanërisht në kinematografi, ku edhe në role dytësore ndërtonte personazhe të gjalla, me origjinalitet dhe shprehje të fortë skenike. Fizionomia e tij shprehëse, reagimet spontane, dhe mënyra karakteristike e të folurit e bënin interpretimin e tij të pazëvendësueshëm.
A.K./TemA
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Qofsh I Xhenetit , Birce !!! KY lajm me zgjoji nje mall te larget , nje mall qe shuhet bashke me njeriun . 69 vite te shkuar , nisem pedagogjiken " Jani Minga " ne te njejten klase . Ne ndiesine dhe perfytyrimin tim , ti , Birce , ishte I te gjitheve , Jo vetem I radhimdhiotit , Bashkim Rama , qe s'te ndahej ne cdo hap " Me gishtin ne kembez ". Po, keshtu mbete ne kujtimet e mia : Shok I te gjitheve , i qeshur , i ngrohte dhe empatik qe dhe kafshaten e ndaje me shoket ... Keshtu te Kam njohur une , Birce , deri ne vitin 1964 kur une , per shkak te rrethanave te kohes , mora rrugen e" Kurbetit" . Birce , me ka mbetur e pashlyeshme dhimsuria Jote njerezore , deshira per te me ndihmuar kur me the se andej ku Po shkoja nuk kishe ndonje Njeri qe te me ndihmonte , pervec Skenderit , vellait tend qe punonte aktor estrade . Ai mund te te ndihmoni me ndonje bilete per te pare ndonje shfaqje , me the . Birce , u takuam edhe gjate vitit 65 , kur ti kishe filluar studimet per aktor . Me kujtohet kur ti flisje gjithe passion per Kadri Roshin . Edhe fjala prej tre tingujsh , fjala " Pse " e dale nga goja e ketij aktori te magjeps , te emocionon, me thoshje . Ketu " keputet" filli ... Rruget , si me shume e shume te tjere Jane ndare . Jemi takuar vetem dy here . Diku nga fundi I viteve 70 ne nje nga ato rruget qe te cojne dhe te nxierrin nga plazhi I Vjeter dhe ne 60 vjetorin e pedagogjikes " Jani Minga" . Dhe , per hir te se vertetes , per njeriun qe I uroj me gjithe shpirt Parrajsen , se e meriton , me duhet te them se , ne te dy rastet , pash nje Birce me dimensione me te gjera , me prozaik , por dhe me madheshtor ... Bircja ishte bere I te gjitheve ... Te ndrite shpirti , vella !