Te fundit

Trajnim për arkeologjinë nënujore në qytetin e Ulqinit

9 Prill 2025, 18:08Kulturë TEMA
Trajnim për arkeologjinë nënujore në qytetin e Ulqinit

Në Ulqin nisi trajnimi për Arkeologjinë Nënujore dhe Digjitalizimin e Pasurisë Kulturore Nënujore, ku marrin pjesë edhe 4 specialistë të Institutit Kombëtar të Trashëgimisë Kulturore.

Trajnimi nisi ditën e djeshme, në një atmosferë bashkëpunimi ndërkombëtar dhe përkushtimi ndaj trashëgimisë kulturore dhe do të vazhdojë deri më 11 prill.
Dita e parë e workshop-it përfshiu: prezantimin e programit dhe objektivave të trajnimit; njohjen me Qendrën Ndërkombëtare për Arkeologjinë Nënujore në Zadar; ligjërata mbi historinë dhe metodologjitë e përdorura në arkeologjinë nënujore; ushtrime praktike për dokumentimin 2D të gjetjeve me metoda tradicionale grafike.

IKTK tha se, ky trajnim shënon një hap të rëndësishëm drejt përmirësimit të kapaciteteve profesionale në ruajtjen dhe promovimin e trashëgimisë nënujore shqiptare.

Aktiviteti organizohet nga Qendra Ndërkombëtare për Arkeologjinë Nënujore e UNESCO-s në Zadar, të Kroacisë, në bashkëpunim me Universitetin e Malit të Zi, në kuadër të programit IPA për Adriatikun Jugor.

Arkeologjia nënujore është rikuperimi i informacionit nga artefaktet e zhytura dhe vendet nënujore për interpretimin e kulturave të së kaluarës njerëzore.

Artefaktet japin informacion në lidhje me sjelljen njerëzore si në natyrën e objekteve ashtu edhe në shpërndarjen e tyre të saktë në det. Projektet mund të jenë jondërhyrëse kur nuk kryhen gërmime ose “shqetësime” të zonës, ose ndërhyrëse, që kërkojnë gërmim të kujdesshëm dhe rikuperim e konservim të përzgjedhur të materialit.

Lini një Përgjigje

Më të lexuarat

Blog Tema

Powered by Tomorrow.io