Te fundit
E premtja 13 kthehet në ditën më me fat për amerikanin, fiton 1.35 miliardë dollarë në lotari
14 Janar 2023, 22:25Lifestyle
TEMA
Besëtytnitë rreth kombinimit të datës 13 dhe ditës së premte janë me nam të madh në çdo cep të globit, mbi situatat e këqija dhe tersin që supozohet të sjellë kombinimi, por për një shtetas amerikan, ajo ka qenë në fakt dita më me fat në jetën e tij.
Me një biletë të vetme lotarie, ai ka fituar çmimin e madh prej 1.35 miliardë dollarësh, duke sfiduar çdo besimtar të mundshëm rreth datës famëkeqe, e cila shënohet rrallë në kalendar.
Pikërisht të premten e 13 janarit 2023, me numrat fitues 30, 43, 45, 46, 61 dhe numrin e artë 12, bileta e blerë në shtetin e Maine, në një pikë të furnizimit me benzinë, rezultoi fituese.
Qyteza e saktë ku bileta u shit quhet Lebanon dhe numëron në tërësi diçka më shumë se 6 mijë e 500 rezidentë.
Identiteti i fituesit nuk ka se si të zbulohet kurrsesi, duke marrë parasysh edhe shumën e majme, e cila e kthen atë menjëherë në miliarder.
Por, në pikën e karburantit ku bileta u ble, janë shtuar njerëzit kuriozë, për të ditur se çfarë ka ndodhur, kush ka blerë dhe e kujt mund të jetë ajo biletë fituese.
Në terma të kushteteve në të cilat kjo biletë u shpall fituese, shanset për sukses kanë qenë 1 në 302.6 milionë.
Prej tre muajsh, dikush nuk e arrinte ta fitonte çmimin e madh dhe për ta gjetur paratë të zotin, u desh e premtja 13.
Fundja, më kot nuk thonë, “mos e gjykoni librin nga kopertina”. Ndoshta, mund të jeni ju fatlumi i radhës në një ditë të “zezë”.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ka taksa per shumen ai nuk merr me shume se 400 mil which is big
Fituesi lotorise majme 1.35 miliard 30 43 45 46 61 / 14 Numri i arte nuk asht 12 po 14. E drejta e lojes ne lotari. Vetem pese numrat 30 43 45 46 61. Fitojne 2 milion. Vetem nr.qe e cilesoni i arte 14 fiton 4 $ Kombinimi sebashku 30 43 45 46 61 // 14 Fitoi cekpotin,ne kete rast 1.35 miliard $