Te fundit

Kush është kolumbiania që u bë sensacion në Kupën e Botës me fotografitë nga tribunat?

29 Qershor 2026, 09:45Lifestyle TEMA
Kush është kolumbiania që u bë sensacion në Kupën

Jo vetëm futbolli, por edhe tifozët po marrin vëmendjen në Kupën e Botës 2026. Mes tyre, një emër që po bën bujë në rrjetet sociale është ai i Veronica Soto, tifozes kolumbiane që është kthyer në një sensacion falë paraqitjes së saj në tribunat e stadiumeve.

Fotografitë e saj janë shpërndarë me shpejtësi në internet, ndërsa shumë media të huaja e kanë cilësuar si një nga tifozet më tërheqëse të këtij edicioni të Botërorit.

Veronica udhëtoi drejt Meksikës në momentet e fundit, pasi ndryshoi planet e pushimeve dhe vendosi të ndjekë nga afër kombëtaren e Kolumbisë. Në stadiumin "Azteca", ajo u shfaq me një veshje të personalizuar në ngjyrat e flamurit kolumbian, duke tërhequr menjëherë vëmendjen e kamerave.

Pamjet e saj u transmetuan edhe nga sinjali zyrtar i FIFA-s, ndërsa në rrjetet sociale komentet për bukurinë dhe stilin e saj nuk kanë të ndalur.

Por Veronica Soto nuk është thjesht një tifoze e zjarrtë. Ajo është inxhiniere ndërtimi, e specializuar në marketing, sipërmarrëse dhe krijuese përmbajtjesh në rrjetet sociale.

E lindur në Montería dhe e rritur në Ciénaga de Oro, ajo jeton prej vitesh në Medellín, ndërsa pas famës së fituar gjatë Botërorit, profili i saj në Instagram ka njohur një rritje të ndjeshme me qindra mijëra ndjekës të rinj.

Me Kolumbinë ende në garë, Veronica nuk e përjashton mundësinë për të qenë sërish në tribunë, aty ku tashmë është kthyer në një nga figurat më të komentuara të Kupës së Botës 2026.

Lini një Përgjigje

Më të lexuarat

Blog Tema

Powered by Tomorrow.io