AGSH dënon gjuhën denigruese ndaj gazetarëve nga Tedi Blushi

Asociacioni i Gazetarëve të Shqipërisë dënoi të premten gjuhën e përdorur nga Sekretari i Përgjithshëm i Partisë së Lirisë, Tedi Blushi ndaj disa gazetarëve që raportojnë mbi veprimtarinë e Prokurorisë së Posaçme, SPAK, dhe konkretisht për hetimin ndaj ish-presidentit dhe kryetarit të PL-së, Ilir Meta.

Gjatë një konference për shtyp të mërkurën Blushi sulmoi gazetarët se ishin ‘mercenarë” dhe të “keqpërdorur” nga SPAK në lidhje me lajmet që ata kishin shkruar për dosjen ndaj Metës, i cili ndodhet në arrest me burg me akuza për tre çështje korrupsioni. 

“SPAK prej 2 vitesh nëpërmjet gazetarëve mercenarë fabrikonte në media lajme për gjoja arrestimin të zotit Meta dhe se si këto informacione sipas tyre merreshin nga burime zyrtare dhe SPAK”- tha ndër të tjera Blushi, duke akuzuar se SPAK keqpërdor mediat për shpërndarjen e lajmeve të rreme.

Sulmi i një zyrtari të lartë politik ka shqetësuar organizatat që mbrojnë të drejtat dhe liritë e medias.

“AGSH konsideron të papranueshme etiketimet e reporterëve si “mercenarë të SPAK” dhe krijimin e një narrative për njëanshmërinë e kolegëve teksa ushtrojnë të drejtën e tyre për të informuar publikun mbi hetimet ndaj zyrtarëve”- thuhet në deklaratë.

Kjo organizatë i bën thirrje Partisë së Lirisë dhe të gjithë atyre që ushtrojnë role publike që të ndalin fushatën denigruese ndaj gazetarëve e cila ka për qëllim që të ulë besueshmërinë e fakteve të raportuara prej tyre.

“Z. Blushi dhe çdokush tjetër është në të drejtën e tij të pretendojë fakte në diskursin publik, sikundërse është po aq përgjegjës për t’i paraqitur publikut fakte, dhe jo propagandë kur vendos në shënjestër gazetarët”- theksohet në qëndrimin e AGSH-së.

Blushi, gazetar me profesion, prej vitesh militon në radhët e partisë së Metës dhe është zgjedhur së fundmi deputet në listat e mbyllura të koalicionit opozitar të drejtuar nga Partia Demokratike.

AGSH e sheh si shqetësuese sjelljen e Blushit dhe i bën thirrje atij dhe politikanëve në tërësi që të respektojnë punonjësit e medias dhe të mos i përbaltin ata për qëllime të qarta politike.

Blushi i kontaktuar nga BIRN nuk pranoi të komentonte për shqetësimin e AGSH-së.

Albana Koçiu i jep zyrtarisht detyrën Ina Majkos! Një fotografi dhe me zv.ministrin e liruar nga detyra: Në çdo skuadër ka kapituj që mbyllen dhe të rinj që nisin!

16:55 Politika 3 komente

PD do të djegë mandatet në shtator? Cili është kuptimi i zotimit të Berishës se nuk do t'i njohë kurrë zgjedhjet e 11 Majit

16:44 Politika 10 komente

Seanca e fundit parlamentare/ Gjekmarkaj: Gara e 11 Majit u trukua, procesi ndaj Sali Berishës, politik

16:15 Politika 17 komente

Kandidati i PD që akuzoi kolegët se i vodhën votat: Kërkoj rinumërimin e të gjithë qarkut Durrës, KAS me dy standarde

15:33 Politika 3 komente

VIDEO/ Mbyllja e Legjislaturës së 10-të, Spiropali: Shqipëria sot vend më i mirë! Sfida e radhës, anëtarësimi në BE deri më 2030

15:25 Politika

Humbja e thellë më 11 Maj - Lefter Maliqi: Duhen dorëheqje në PD! Nëse s’bëjmë analizë, Rama do na turpërojë përsëri

14:11 Politika 17 komente

VIDEO/ Rama paralajmëron takime në qarqet e tjera të vendit: Do të jenë dy javë intensive

13:55 Politika 1 koment

Ne ditën e Pavarësisë së SHBA Balla pret kryetarin e Bashkisë Westland, Michigan: SHBA ka qenë dhe mbetet partneri ynë strategjik

13:34 Politika 1 koment

Berisha i shqetësuar për shkarkimin e drejtorëve të PS në Vlorë: Akte të tilla ndodhin vetëm në Korenë e Veriut

13:24 Politika 8 komente

’83 mandate, detyrim më shumë ndaj njerëzve’, Rama: Kush mendon të kundërtën brenda PS, e ka gabim

13:20 Politika 1 koment