Te fundit
“As Greqia nuk i ka dhënë kaq shumë mbrojtje Vjosës”, Rama në ditëlindjen e PS: Ky vend s’është për shitje, Shqipëria është një amanet i shenjtë në zemrën time
12 Qershor 2026, 18:43Politika
TEMA
“Kryeministri Edi Rama ishte i pari që mori fjalën në festën kombëtare të 35-vjetorit të Partisë Socialiste, që po mbahet përpara stadiumit kombëtar. Rama numëroi arritjet dhe ligjet e miratuara për mbrojtjen e natyrës dhe jo vetëm.Ma ka mësuar kjo punë që të futem në këpucët e tjetrit, në anën e këtij grupi njerëzish, që në mes të asaj turme i ka çuar pasioni i sinqertë për zogjtë, ideja e një Shqipërie ideale të paprekur dhe të paprekshme. Ndryshimi mes meje dhe atyre protestuesve nuk është siç duket nga bulevardi. Edhe unë mendoj njësoj për brishtësinë e mjedisit përballë vendimeve të njerëzve me pushtet. Që kur kam shkelur në zyrën e parë të shtetit, kam bërë gjithçka kundër pisllëkut. Kujtoj që kur mora drejtimin e një kryeqyteti që kishte më shumë pemë të prera sesa të mbjella. Nëntëdhjetë për qind të pemëve që shihni në rrugët e Tiranës i kemi mbjellë së bashku me disa të tjerë që janë këtu.
Dola nga zyra e kryetarit duke lënë pas 55 mijë pemë dhe shkurre dekorative, të mbjella edhe me sherr, sepse duheshin shembur kioska, shembur pallate e shkulur gërmadha godinash të paligjshme. Kur erdhëm në pushtet, morëm vendimin e ndalimit të importit të plehrave, që kishin krijuar male në vendin tonë. Jo vetëm kaq, por edhe moratoriumet e pyjeve dhe të gjuetisë.
Gjahtarë të huaj futeshin në vendin tonë si tufa çakejsh që vinin këtu dhe bënin masakra. Kryem regjistrimin në kadastër të 1.3 milionë metrave pyje. Mundësuam shumëfishimin e popullsisë së kafshëve dhe të shpendëve. Ligjin e parë me standarde europiane të zonave të mbrojtura e bëri qeveria e PS-së në mandatin tonë të parë; më parë veprohej vetëm me disa rregullore.
Në Shqipëri, një e katërta e territorit është e mbrojtur. Shqipëria ka rrjetin më të zhvilluar të mbrojtjes në Ballkanin Perëndimor dhe kjo është tejet e lëvduar nga organizatat ndërkombëtare. Ishim ne që i bllokuam dyzina lejesh të dhëna qorrazi në lumenjtë tanë. Kemi ndaluar ndërtimin e 9 hidrocentraleve. Kemi anuluar 40 kontrata hidrocentralesh. Në Greqinë fqinje nuk i është dhënë lumit një mbrojtje kaq e fortë. Vjosën jo vetëm e shpëtuam, por jemi ende në betejë me një kriminel që u bë heroi i opozitarëve, i cili, me demek, i mori Shqipërisë 11 milionë euro.
Ai llum i sjellë në Shqipëri për ta mjelë këtë vend si lopën e komshiut, jo vetëm nuk ka marrë asnjë lek nga shteti, por po përballet me drejtësinë belge, pas shumë fakteve të nxjerra nga qeveria në gjykatë. Që kur PS ka marrë misionin për ta çuar Shqipërinë në BE dhe nuk ka qenë asnjëherë për shitje, kurrë një krijesë e kërrusur ndaj askujt, asnjë tortë për t’u ofruar në vend të reformave shtetformuese. Për mua Shqipëria është një amanet i shenjtë në mendjen dhe zemrën time”, tha Rama mes të tjerash.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kush mendoni se është më e bukur kaskada e Drinit apo lumi Vjosa....!!!! Kaskada e Drinit është një mrekulli e bërë nga dora e njeriut...është një idjotizëm që nuk u bënë kaskadë edhe në Vjosë.... Në vënd që të prodhohej energji elektrike që populli të mos paguante kaq shtrenjtë kemi hallin e virgjërisë se na vikan 10 turistë për të vizituar.... Kjo është e njëjtë me këta idjotë që kanë hallin e pelikanit kaçurel i cili nuk haet se po të haej ju garantoj që do ti kishin vrarë të gjithë ashtu siç kanë bërë për kafshët e pyllit që përveç ujqërve të gjith i kanë vrarë.
Shqipëria është i vetmi vend në Europë që siguron 100% nevojat energjitike të saj nga hidrocentralet. Me pak fjalë janë të mjaftueshëm dhe bile eksportojmë energji. Problemi është, çfarë ndodh kur nuk ka reshje, kur ka thatësira të vazhdueshme? Do i lutemi Zotit të na sjelli shi që të mbushen lumenjtë?!!! Ja pra që duhen alternativa të tjera që dhe natyra të mbrohet dhe Shqipëria të ketë burime energjitike të tjera si psh ajo e diellit dhe e erës ashtu siç kanë edhe vendet evropiane.